أغدًا نلتقي؟
ونحرِقُ الاشواقُ بلْهفةٍ
وألقاكِ بينَ الحشودِ تبتَسمُ
فيشتعل قَلبي وانقسمُ
أغدًا أحتضنُكِ ؟
فيَهدأُ قَلبي وأحتزِمُ
وأرى الحُبَ فأنسجّمُ
وأنظرُ لعّيناكِ والمسُ يّداكِ
وأرحْلُ عنكِ وأنا مُبتسمُ.
#قَتَام الـ تَتَيُّم
بقلمي:- رنَيم آل حكَيم 📍.
°°°°°°°°°°°°°°°°°°°°°°°°°°°°°°°°°
اباوعله بگُل براءة صافنة ومبتسمة اتقرب باسني بخدي اختنكت من ريَحة دخان الچگاير وأردف بهدوء مبتسم
:- شو صافنة عليَّ
ابتسمت ورمشت بعَيوني أشرت بهدوء ؏َ الچكارة
:- لازم تريدين تجربين!
-اي
:-روحي حطي حُمرة من ماما وتعاليلي
ركضت متوچهه الـ امُي واني فرحانة حطتلي الحُمرة ورجعت الـ نفس المُكان قرب الچكارة عليَّ وطلب ابوسها
بستها وانطبعت الحُمرة عليها ابتسمت
:- راح ابقىٰ احتفظ بيها ماطول طبعت أثرها ماي عَيني
•. the present .•
مچتمعة العائلة الكريمة ؏َ سفرة وحدة وسط هَاي السفرة حُب ومودة والعكس صحَيح أردف جدي بهدوء ومبتسم
عبد الرحمن:- شقررتي چدو دخليَن علمي أو أدبي؟
أردفت بگُل حماس
مَيسم:- ادبي چدو كُلش احب الحفضيات
أردفت عمتي باستهزاء
بلقيس:- عبالي تختار علمي اذا هيَ نامت بالثالث سنتين
عبد الرحمن:- وابنچ الي نام بالسادس ابتدائي 3 سنوات
ضحكت بصوت عالي خزرتني نزلت عَيوني وكعدت اگل خلصت اگلي وصعدت الـ غرفتي صعدت وراية مَلك
مَلك:- شكد فطيرة
مَيسم:- فطيرة جبن لو فطيرة لحم
ضربتني ؏َ رأسي بخفة ابتسمت وكعدنة نسولف قاطع حديثنا سوية صوت عمي جواد وزوجتة سارة گل عادة تعودنة عليهم طلعنة اني ومَلك نشاهد العركة وكفنة يم ماما وبيبي
سارة:- حسبي الله ونعم الوكيل عليك
اتقرب وضربها راشدي شهكت بصوت عالي باوعتلي بحقد
سارة:- گُلة بسببج گُلة اني اعلمچ يا حَية
أنت تقرأ
قَتَام الـ تَتَيُّم
Mystery / Thrillerأغدًا نلتقي؟ ونحرِقُ الاشواقُ بلْهفةٍ وألقاكِ بينَ الحشودِ تبتَسمُ فيشتعل قَلبي وانقسمُ أغدًا أحتضنُكِ ؟ فيَهدأُ قَلبي وأحتزِمُ وأرى الحُبَ فأنسجّمُ وأنظرُ لعّيناكِ والمسُ يّداكِ وأرحْلُ عنكِ وأنا مُبتسمُ.
