ආරාධනා දෑස් 💕

18th Chapter

' එදා මම එයා එනකං මුළු දවසම බලාගෙන හිටියා. මම ගෙදර යද්දි පාන්දර එකයි. මම හිතන්නෙ එදා තමයි මගෙ අම්මයි, තාත්තායි මට ගොඩාක්ම බැනපු දවස. තාත්තා නම් මට පාරවල් දෙක තුනක් ගැහුවා. ඒත් ඒ කිසිම දෙයක් මට රිදුනෙ නැහැ. මොකද මගේ බිදුණු හිත මගේ මුළු ශරිරයම හිරිවට්ටලා තිබුණේ.

එදා ඉදලා ඉර එළිය වැටුන හැම දවසකම මම එයාගේ පැමිණීම බලාපොරොත්තු වුනා. ඒත් එදායින් පස්සේ අද වනතුරු මම එයාව දැක්කේ නැහැ.

Interview එකේ ඉදන් ගෙදර එනකන්ම මම පියවි සිහියෙන් ආවේ නැත. මේ කතාව මගේ පරණ මතක අවුස්සනවා. කාර් එක ගේට්ටුව ළඟ නවත්තලා මම ගේට්ටුව ඇරලා කාර් එක garden එකට ගත්තා.

ගේ ඇතුලට යද්දිම අම්මා මට invitation card එකක් දුන්නා.

" මොකද්ද අම්මා මේ ? "

" මම හිතන්නෙ Batch Party invitation එකක්. දුලාංජ පුතා ඇවිල්ලා දුන්නේ. "

" අහ්. එහෙමද අම්මා ? "

" මම හිතන්නෙ දුලාංජ දන්නවා ඔයා ලංකාවට ඇවිල්ලා කියලා. "

" ඒක තමා"

ලංකාවෙන් මම ගිහින් දැනට අවුරුදු නවයක් විතර වෙනවා. ගිය මාසේ ඒ කියන්නේ දෙසැම්බර් තමා මම මෙහෙට ආවේ. මට මගේ හොඳම යාළුවෝ දෙන්නව හම්බෙන්න බැරි වුනා. උන් ගැන හොයන්න බැරි වුනා. Batch party එක තියෙන්නේ ලබන සතියේ.

...... ' දුරස් වූ මිතුදම් නැවත ශක්තිමත් කරන්නට'.........
Batch party theme එක.

' දේශාන් ' එදා ඉදන් මම මේ නම නොකියා ඉන්න තීරණය කළා. හිතින් වත් නොහිතා ඉන්න මම හිතුවා. ඒත් මේ batch party එකෙන් වත් එයාව ආයේ හම්බෙන්න පුළුවන් නම්. හ්ම්.........

සතියකට පසු..........

Location - :Pegasus Hotel - Negembo

මම Batch Party එකට යද්දි ටිකක් පරක්කුයි. Time තිබ්බේ 7.00pm. මන් යද්දි අටට කාලයි. මට යන්න පොඩි අමුත්තකුත් දැනුනා. Entrance එකේදි invitation එක ගත්තා.

Party එක තිබ්බෙ 2nd floor එකේ නිසා මම හිමින් හිමින් පඩිපෙල නැගලා අදාල ස්ථානයට ගියා.

මම නොහිතපු පිළිගැනීමක් තමා මට හම්බවුණේ.

.... " අපේ ආදරණීය දෑසක හිමිකරු. අපේ නවක ප්‍රසිද්ධ ලේඛක අකියා. ආඩම්භරයි බොක්ක"....