أصبحت شبح 1
بقلم نوران احمد مليجي
بقلم نوران احمد مليجي
اااه شكلي نمت كتير وقفت ابص حواليا بتعب واول ما بصيت قدامي اتفزعت بشخص قدام وشي بس اللي صدمني اكتر أنه مخبطش فيا كاني شفافه جريت اشوف نفسي في مرايا وحسيت بوجع لما ملقتش اي ملامح لاي شخص ازاي طب انا مين وفين في حاجه غلط
كانت من بعيد ولد بيضحك بقوه
الولد : شكلك ميته جديد
ردت بطلتنا بصدمه : ميته .. ؟ ازاي ؟ انا لسه في ال 19 من عمري
الولد : الموت ملوش عمر كلنا أرواح معلقه في العالم ده
البطله : ليه روحي تكون معلقه
الولد : ممكن عايزه تنتقمي لموتك أو شخص اذاكي مثلا او حاجه كان نفسك توصلي ليها وملحقتيش
البطله : طيب ازاي انا موت
الولد : اكتشفي بنفسك سلام
بدأت أفكر لحد ما لقيت بنات لابسين نفس اللبس بتاعي مشيت وراهم لحد ما دخلو مدرسه خاصه دخلت وشوفت برواز كبير فيه صوره بأسماء الطلاب وشفت نفسي اسمي دنيا طالبه في الثانويه
دنيا : والله خساره الجمال ده في الموت
سكت لما سمعت بنات بتتكلم عني واني انتحرت
مسكينه حتي ولا مره كلمت شاب ولا حبت في سنها ده
دنيا : اي ده مستحيل ازاي محبتش لحد دلوقتي وانا بالجمال ده اي ده ثانيه واحده هي قالت انتحرت
بدأ الحزن يظهر عليها
انا شخصيه بتحب الحياه ومرحه ازاي انتحر واكيد مش عشان ضغط دراسه وثانوية ممكن انتحر في حاجه غلط
دقيقه واتغيرت معالم الحزن وبدأت تبتسم بخبث يمكن روحي متعلقه علشان محبتش لا يا جدعان مقدرش أحرم نفسي من حاجه بقا خرجت من المدرسه وانا فرحانه علي الأقل عرفت انا مين فضلت امشي بلا هدف لحد ما لقيت عيون مرعبه متبص عليا
دخان اسود طالع منه عيون زي الدم بيقول اخيرا لقينا حاجه نتغذا بيها
سمعت الجمله دي وطلعت اجري بقا بتستغلو اني شبح جديد والله لو كنت عايشه كنت وريتكم يا شويه اشباح منتنه
في الجانب التاني
كانت بنت رقيقه هادئه منطويه بتعيط
حياه بدموع : والله حضرتك انا م معرفش فين ب بابا ا ا انا لو م معايا فلوس والله هديها لحضرتك
الزعيم : اه يعني مفيش فلوس وبدأ يبص ليها بصات قذره وقال بس تنفعي في حاجه تانيه انا هاخد فلوسي من ابوكي بطريقتي هتوها
بدأت تترعش بخوف وهي بتعيط وبدأت تجري بسرعه وهما وراها
كانت بتجري من جهه الشمال و وبطلتنا بتجري من جهه اليمين وخبطو في بعض في النص حصلت رعشه كبيره زي صدمه كهربائيه وصلت لجسمها وبصت دنيا علي ايديها حست بحاجه غريبه بصت علي الأرواح اللي كانت بتجري وراهم بس اختفوا ولقت ناس بتمسكها من ايديها وبتنزلها علي الارض
أنت تقرأ
أصبحت شبح
Misterio / Suspensoلا اعرف من اكون ولكني قويه كفايه للتعامل مع تلك الحياه اصبحت شبح ولكن فضولي يدفعني لمعرفه سبب كل ما يحدث والغريب أني قويه للتعامل مع رجال العصابات أشعر بالفضول اتجاه نفسي تري ما الذي يخبئه لي المستقبل
