فتحت باب غرفتي أخذت التلفون مالتي ويه ما سديت الباب سمعت صوت واحد ينزل بسرعه ضربت كصتي بقوه يعني هاي التلث ساعات هيج راحت خالي بلاش لو شويه منتضره فتحت التصوير ماكو كلشي ماكو رحت للفراش ونمت وما حسيت الا على الأذان باوعت للفون لكيت اذان الضهر نزلت ولكيت كلها منتضره باوعتلي امي
سناء:ها ماما هسه ردت اكعدج تعالي اكُلي
ليندا:اعذروني تأخرت بل نومه بس لان البارحه تعبت بل طريق ماحسيت علئ نفسي
الشامخ :هاي المره سماح لان بعدج مامتعوده علينا بس يابنتي هذا البيت اله قوانينه اول شي تتعلمين انو لازم الكل متواجد على السفره والكل يكعد ساعه محدده والكل يتواجد بل اوقات السفره
انتهد رجع ضهره على الكرسي وكمل كلام:وان شاء الله امج تعلمج بعد وهسه بس تخلصين غده العصر هم نروح نسوي تحليل ونأكد الكلام
كلشي ماحجيت جرتني امي للكرسي كعدت بصفها وكل الكلام ماهمني بكد ماهمني من صعد للطابق الرابع وحسب علمي مابي احد فقط بس الأغراض الي ميحتاجوهن باوعت بكل الجوه كلشي طبيعي لازم اعرف هذا الشي بدو يتسممون ياكلون
خلصو وصدك العصر بدلت ورحت ال شامخ لكيته منتضرني مسح على راسي واجه ويانه سند وامي وابويه رحنه للمختبر نسوي فحص ولان عده معارف اهواي كدرو بيوم يطلعون التحليل يعني باجر باوعت ل سند هوه غمض عيونه يطمني خلصنه تحاليل
ورجعنه رحت لغرفه اني استفسر منها وهمين اسئلها على ال
طابق الرابع
ليندا:ماما عادي ادخل؟
سناء:ايي ماما تفضلي. دخلت اخذتني بحضنها، كد ما اكول حضنها هيج يشبه حضن بيبي ماجده صُدك بي حنيه
معدنه سوالف كم شغله
:اكول ماما اريد اسئل شي هم الطابق الرابع بي أحد البارحه كلتي مابي احد صح؟
سناء:اي صح. مابي شي بس الأغراض الزايده ليش
هزيت راسي بمعنئ ماكو شي واني صافنه منو ياربي
رحت لغرفتي اباوع على الطابق الرابع اتفقده صعدت لكيت بي غرفه داريد افتحها بس ماكو مقفوله رحت لغير غرفه عادي كلهن مفتوحات وصليت اكل بروحي شلون اعرف شنو بيها طلعت التليفون من جيبي نزلته من جوه الباب اخذ صور وفيديو لكيت بيها حربايه بس كانو مأثثه مابيه شي كأي غرفه عاديه نزلت جوه واني اريد بس اعرف منو اجه سند كعد بصفي :بيج شي شو وجهج اصفر لو لان حيه
ليندا:تدري بنفسك كلش تافه؟
سند :منو تافل بل كاع
هزيت أيدي جر أيدي :تعالي تعالي اعرف دواج يمي عمه راح. اخذ ليندا شويه واجيبها بس افررها بل منطقه سوده عليه ضايجه
اخذني بدون مسيمع الجواب اصلآ صعدت وياه بل سياره واني مترددهه اذا اكله لو لا
حر باكيت جكاير ويدخن
راح شويه مكان قليلين ناس
سند:شبيج اكتشفتي شي لاتضمين عليه هممم كولي
ليندا:لا ماكو شي بس احس بل غربه وهذا جدك شماله جنه راس بتيته مستحمل شي وشايف نفسه صُدك ايععععع يعني قوانين ومدري شنو اني حسبالي بس بل مسلسلات
انته وهوا يحجي
سند:ترى صدكي المسلسلات مبتكره من شي حقيقي المهم تتعودين ان شاء الله
ليندا:تعرف من احد ايكلي هيج احس صدك بالخيبه يعني معناها اني مطوله واني صدك مااريد ابقى اريد بس واحد يحلي ماضل شي
سند:شبيج ايريم صدك. تحجين ترى لاعبالج هيج محد مصدك. بيج. حتى سناء وحازم كلهم شاكين وبعدين بسرعه كلتيلهم ماما وبابا دصبري باجر راح يبدي اللي منتضريه
تحمحمت
ليندا:اكلك هم اهلي سئلو عليه أو افتقدوني
سند:اذا حجيت متزعلين
هزيت راسي بلا
سند :محد ما سئل عليج كلمن حاير بحياته اني ما اريد اجرحج بس ملتهي بنفسه يعني محد داير بال استوعبي ايريم احنا بزمن محد يهتم غير المصحلته يعني لاتتوقعين احد يهتملج ويداريج واذا صارت فً اعرفي عنده مصلحه اخذيها قاعده طول عمرج لاتخليني بس الناس تاخذ منج. انتِ هم. اخذي بالنهايه الدنيا اخذ وعطي فهمتي
ليندا :والله مااعرف ترى كلش صعب هم حسو بيه ترى والله مااحد كل هذا واني بعدني بعز شبابي
حجيت ودعيت من كل كلبي
اللهي لاتغفر ال الهلي يارب خاطئهم كلش جبيره شتتونه كلنه
أنت تقرأ
خطايا عائلتي التي لا تغفر
General Fictionجميعنا نعلم ان الأمان هي العائله لكن هي هذه الروايه تكون العائله هيه المحطم الأساسي الى ابناها تكون سبب فشلهم بسبب تعاستهم يحملون ذنب فقط لأنهم من هذه العائله
