دك كلبي باوعت ليوره لكيت الشامخ بلعت ريكي حجه ضمد نقذني من الوضع وحجه:جانت تحجي عن الدراسه تتمنى ترجع للمدرسه
هز راسه مامقتنع بس غلس غير الموضوع وحجه ويه ضمد موضوع خليت ورحت للمطبخ احس كلش جوعانه هاي الفتره اكلي مو نظامي طبيت للمطبخ ولكيت ابو سند موجوده باوعت عليه معقوله اجه من المستشفى بدون منعرف
ليندا:صباح الخير عمو اسويلك كهوه
ابو سند :اي يابه سويها مره
هزيت راسي ورحت ادور المكونات وكمت اسوي بيها شويه واجه الشامخ
باوعلي واردف:تسويلي وياج اريدها وسط. كمت اسوي اعطيتهم وردت اروح بس وكفني الشامخ
ال شامخ :ليندا بنتي بعد لاتضليني تحجي ويه هذا محلوه كعدتكم سوه اتذكري المقامات انتِ بنت ال شامخ وهذا مجرد عامل
هزيت راسي نافيه كلمه
ليندا:لا جدو ترا جنت بس استفسر علي كم شغله مو قصدي اتقرب منه
ال شامخ :اني ماكتلج تتقربين منه اني جاي انبهج واي استفسار روحي لابوج او لامج
هزيت راسي وطلعت اهز بيدي على تفكيرهم وعلي ايش مستغربه هم هيج كله يحجون بل مقامات
رحت ل سند اشوفه شنو صار بي دكيت باب غرفته ماكو رد وطبيت لكيته نايم بملابس مال البارحه انتهدت شيصير لو يعرف بل حقيقيه طلعت ورحت لغرفتي اتمدد حتى نسيت الاكل شويه واندكت الباب عدلت كعدتي لكيت سناء ابتسمت وكالت:صباح الخير ماما
:صباح النور
سناء:اتريكتي؟
ليندا:لا والله مااكلت شي من البارحه
سناء:لعد يلا شنو منتظره نروح نتريك علمود نطلع واشتريلج ملابس وهم اغير نفسيتج اشوفج شكد الشمال حلوه
هزيت راسي ونزلته لكيت الاكل حاضر اكلنه ورحت غيرت ملابسي لكيت سناء بعدها بل غرفه طلعت باوعت عليها من صدُك مشاءالله جانت كلش حلوه وهيه من النوع اللي تهتم بنفسها كرصت خشمي وضحكت
سناء:يلا نروح عليمن صافنه
ليندا:طالعه كُلش حلوه
سناء:ههههه حبيبتي وانتِ همين مامقصره
صفنت عليه شويه وهزتلي راسها نروح صعدت بل سياره وهيه تحجي :اهنا العيب بيهم يعزلون من وكت يعني بل 8 بليل يعزلون يعني مو كل المحلات بس المولات
وصلنه وكامت تشتريلي علي ذوقها واكيد هيه ذوقها ايجنن كلش حلو حتى منتجات عنايه مكياج كلشي يخطر على البال
رحنه نشرب عصير ونحجي صدُك هاي الطلعه غيرت نفسيتي وقربتنه من بعض كمنه نحشش
ونقلد على كم شخص يستاهلون ونضحك وجوها مثل جوي باوعت مااعرف شلون صار نظري على مره جانت امبينه جايه سياحه بس جذبني لبسها جانت لابسه عبايه جدآ محتشمه ابتسمت بخفه
لكيت سناء هم تباوع على نفس المره هيه صح سناء مامحجبه بس لبسها محتشم ماشفت مره لبست لبس مامحتشم
سناء:تدرين صارلي سنتين مفكره البس حجاب
لمعت عيوني وحجيت بفرح:صدُك تدرين الحجاب حيطلع عليج ايجنن اتمنى اني الله يهديني والبس الحجاب عن قناعه بس م اعرف ليش هيج رافضته
سنا:ايي والله كلش حابه اخطي هلخطوه هسه اني صارلي سنه البس لبس كلش محتشم مجان هيج لبسي بس
احاول بلكي كم شهر والتزم الاتزام مااريد اصير مثل الزاعطيط ان عه والبسه اذا من كل قلبي وعقلي لان الله سبحانه وتعالى انطاني كلشي اريده الف الحمد لله والشكر واخيرآ سنين رجعتي لحضني
باوعت لعيونها اشوفهم مدمعات
ليندا:امانه لاتبجي والله هسه هم ابجي واني فرحانه غيرت جو وياج
أنت تقرأ
خطايا عائلتي التي لا تغفر
General Fictionجميعنا نعلم ان الأمان هي العائله لكن هي هذه الروايه تكون العائله هيه المحطم الأساسي الى ابناها تكون سبب فشلهم بسبب تعاستهم يحملون ذنب فقط لأنهم من هذه العائله
