وضَل گلبِي بأمَل ترِجع وَألاگيك
وگلِت خلِه بأمَل مِا أحچَي خلِه
محضَرلك لحِن مـَا سامعِة العُود
مثَل الرِيح تعزَف علىٰ الگذِلة
وطَلع كُل الرسمتِة أوهَام بأوهَام
أرسِم علىٰ الظَلام بقلِم كَحلة .
جُلنار : اني ما اريد أصهب
نبأ: لا تشاقين جيني الولد فرحان حيل ومتأكد راح توافقين
جُلنار : مجاي اتشاقه نبأ
نبأ: اخر كلامچ هذا؟
جُلنار : اي ولحد يجي بعد يفتح وياي هذا الموضوع
نبأ: اتحملي النتائج جيني فكري بالمستقبل لاتفكرين بالوقت الحالي لان أصهب متأكده حيتغير عليچ من اتكسرين گلبه
جُلنار : ما يهمني
نبأ: ما اعرف شگولج بس الله يهديچ
نزلت نبأ قفلت الباب انتچيت علئ الباب خليت ايدي علئ گلبي احس اختنگت بعد ما بيه حيل حتئ للبچي شويه واسمع صياح أصهب وهمه يصيحون ما فهمت شي من كثر صياحهم ما احس الا اندگ الباب بقوه
أصهب : افتحي الباب لا اكسره
جُلنار : أصهب عوفني ما اريدك
أصهب : افتحي گتلچ لا اكسره
ابتعدت عن الباب اخذت نفس عميق وفتحت القفل اجه بسرعه لزمني من چتفي وقفل الباب بقه يجر بچتفي واني ابچي
أصهب : أنتِ اتضحكين عليه؟مو گتيلي احبك اني مو سئلتچ إذا اخطبچ توافقين وگلتي ما أعرف ليش ما گلتي من البدايه ها ؟عاجبچ اتكسرين گلبي افرحي انكسر گلبي ولچ چنت فرحان واگلهم موافقه اخر شي شصار ها رفضتيني وفشلتيني! جُلنار شنو الي بالچ؟
جُلنار : اسفه أصهب بس اني ما گدرت اگولك والنبي أصهب الليل كله ما نمت محتاره شلون اگلك ما اريدك
أصهب : يا ريتچ گايلتلي البارحه علئ الأقل ما افرح واعتبره زلة السان
جُلنار : ما الي عين أصهب والله افهمني
أصهب : ما اريد افهمچ اني لان أنتِ وحده انانيه صدگ ما تفكرين غير بنفسچ
جُلنار : كافي كافي ابوس ايدك خلص تعبت اني تعبت ياريتني متت وي أهلي ولا ابقئ يمك
أصهب : شسويتلچ ها ؟مو دللتچ! ولچ داريتچ مثل العين الرمدانه تاليتها شسويتي؟ نسيتي كلشي وكسرتيني ما اتذكرتي ولا موقف سويته الچ
جُلنار : وديني الخوالي
أصهب : هم الگو*** ما يردونچ لو يردونچ من زمان وديتچ الهم
جُلنار : عوفني أصهب تعبت اني ياريت متت وي أهلي ياريت
عاف ايدي
أصهب : اسمعي بعد أصهب قبل تنسيني راح ادوس علئ گلبي بالقندره واعاملچ مثل غيرچ علئ شنو مهتم لشخص لا يريدني ولا يحبني
أنت تقرأ
بساتين مَهجورة
Randomفتاة جميلة للغاية تعيش حياة سعيدة مع عائلتها ولكن توفوا عائلتها وذلك أثر حادث سير وكانت صغيره ياترئ من الذي سيهتم بها؟.
