أصهب
المفروض اشكرك علمتني درس
صرت المحب والعدو ما افرقه!
كل هذا وتفكر بعد نلتقي ؟
ما نلتقي يم ربك الملتقئ
جُلنار
چا هيچ الگلوب الحلوه تتغير!
ولك حنيت للماضي
اليوم تذكرت كل حلوه عشناها
وعلئ الشينات متغاضي
انصدمت واني اشوف أصهب گاعد علئ الجربايه
أصهب : مربي كحـ*** وما ادري؟
جُلنار : بعد تربيتك تعرفها
أصهب : ما استحيتي من ترگصين هيچ بيت ناس غربه
جُلنار : تو تو مو ناس غربه چا غير گلت هذا بيت ضرتي المستقبليه ؟
ضحكت اجه لزمني من متني ودفعني للحايط صار نفسنه واحد
أصهب : لوين تردين توصلين؟
جُلنار : اريد اكسر گلبك
أصهب : اسمعي جُلنار وحق لوعة گلبي اذا تتصرفين من وره ظهري اموتچ بأيدي
جُلنار : لا عيني اني ما اغدر إذا اريد اسوي شي اسوي گدامك وعينك تشوفه
أصهب : اي واضح ما تغدرين
جُلنار : وخر عني انتَ مخطوب عيب تتقرب هيچ
أصهب : جيني
جُلنار : ها ؟
أصهب : انسي ماكو شي
چنت اتمنئ يعتذر ونرجع بس بقئ يكابر باوعلي وطلع رحت مشطت وخليت مرطب الوجهي ورشيت عطر ونزلت گعدت يمهم
محمد : شلونچ جيني
جُلنار : بخير وانتَ؟
محمد : بخير دامچ بخير
نبأ: جيني امشي اقري مو عندچ امتحان ؟
جُلنار : يبو نسيت يجوز ما اداوم ما الي خلگ أقره
محمد : تردين اقريچ؟
جُلنار : صدگ؟
محمد: والله جيبي كتابچ وتعاي
هزيت راسي وصعدت اخذت كتاب ودفتر واقلام ردت انزل چان يصير أصهب گدامي
أصهب : وين رايحه ؟
جُلنار : محمد راح يقريني
أصهب : اصعدي اني اقريچ
جُلنار : مو اني گتله هسه اجي
أصهب : شگلت ؟
جُلنار : ايع شبيك صاير عصبي
أصهب : عليمن الايع ؟
جُلنار : علئ حضي
ابتسم وخفه ابتسامته رحت وراه للغرفه طلعت الماده بدأ يفهمني بعدين يخليني اشرحله
أصهب : تمام هسه نبدي بالحفظيات
جُلنار : تحبها؟
أصهب : منو؟
أنت تقرأ
بساتين مَهجورة
Randomفتاة جميلة للغاية تعيش حياة سعيدة مع عائلتها ولكن توفوا عائلتها وذلك أثر حادث سير وكانت صغيره ياترئ من الذي سيهتم بها؟.
