قطوف الأيهم

- القُطف الأول 📜

﷽

اللهُمَّ صَلِّ عَلىٰ مُحمَّد وَ آلِ مُحَمَّد..

لتعجيل الفرج وغفران الذنوب

_______________
_ بقلمي: بنـة البـتول

منذُ التقينا
وقلبي كلّه عجبٌ
‏عن أيّ فعلٍ
جزاني اللهُ لُقياك!

#بنة_البتول
#قطوف_الأيهم

القُطف الأول
_____________

بأحد ايام الخريف والاوراق المُنثره وبداية ضهور الشَمس كانَ اكو عائله كُردية فقيرة عايشة بمدينة في بغداد
مكونه من 6 اشخاص الي هيَ 3 بنات و ولد وام واب
_____

مها.. فزيت على صوت بابا
حسن.. كومي بابا صلي وسويلي جاي امج تعبانه
اوديت.. اي

_ كمت غسلت وجهي وتوضيت باوعت لوجهي بالمراية هالات جوه عيوني وشيب بشعري وضعيفة رغم اني شكره وبعدة عمري ميتعدى الـ15سنة
مريت بالمطبخ لكيت ابوية جايب شكم باكة خضره

: خل اصلي والكطهن

_ رحت صليت الفجر وسويت جاي الأبوية باوعت الثلاجه بيهه بس تمر من اليوزعونه العالم وكرصة خبر
مها.. الحمدلله والشكر غيرنه ماعنده اي شيء
انطيت لبابا خبزه وجاي وعيوني دمعن واني اشوف ابوية شرب بس الجاي وطلع

رحت تغطيت وكمت ابجي بحركه وبدون صوت ، ابوية يشتغل عمالة الصبح والعصر يبيع خضرة مرات امي تطلع بدالة وكوه مدبر فلوس الاكل الناكله و مياكل هواي حتى بس احنى نشبع ، وامي تعبانه ، حسيت الغطة انرفع عني لكيتها امي عيونهه حمر

مها.. ها يمة بيج شي شلون صرتي
مهره.. لا حبيبتي صرت زينه انتِ شبيج تبجين
مها.. يمة لشوكت نبقى بهل حال والله يقههر
خبزة منلكة ناكل ليش هيجي

مهره: الله كريم يايمه الكاتبة الله يصير بس شوفي حبيبتي اي أحد يكلج شلونج شلونهه حياتكم شلون عايشين كولي الحمدلله والشكر بنص الخير ابد لتكوين الواحد محتاجه ولا تأخذين عسى ما كلاص مي لتاخذين من أحد ودير بالج تشكين لغير رب العالمين ترى محد يفيدج غيره وادعي بصلاتج يرزقنه ونعيش احلى حال خوش يمه

مها.. اي الحمدلله والشكر يمه

مهره.. ارجعي نامي يلا

- مر اسبوعين على نفس الحال ابوية يطلع بدون ريوك ويرجع تعبان ....

مها ..

- حلمت اني بكوخ واكو واحد ماعرفة إنطاني صندوك دخلته جوه وردت افتحه وفزيت على صوت امي لكيت ابوية كلش عركان وجهه اصفر على بنفسجي باوعتله مصدومه لكيت امي والبنات يبجون يمه
سألتهم محد يحجي باوعت ابوية حتى دموع كامت تجري عينه ركضت على جيرانه دكيت الباب طلع ابنه الجبير