عندما وصلت ايسل الي المكان الذي سيجتمعون به قامت بعناق اصدقائها وعندما جلسوا كانت كل فتاة فيهم غير سعيده نظرت ايسل لهم بحيره وقالت
ايسل: انتوا عارفين مشكلتي نبدأ بالصغير مالك يا رينا
رينا: جون كان متجوز قبل كده
شهد: هو مش الطلاق ممنوع عندكم
رينا: ما هي خانته فيسمح ليه انه يطلقها
سارة: ايوه وانتي مضايقة ليه هو حاول يتواصل معاها
رينا: عندي سببين مخليني اضايق الأول انه كذب عليا وقالي انه مكنش فيه حد في حياته يعني ياريته ارتباط كنت هقول محسبهاش علاقة دول كانوا متجوزين
ايسل: بقي هو يمكن قالك كده علشان عارفك انك بتغيري اوي انتي اكتشفتي ازاي كان بيحاول يكلمها ولا ايه
رينا: ما ده ليه علاقة بالسبب التاني بنت البجحة جت البيت عندنا امبارح
التلاتة في وقت واحد: ايه
رينا: اه جاية تطمن عليه وبتقوله انه وحشها اوي وانا قاعده كأني كيس جوافة
سارة: وعملتي ايه
رينا: قولتله اروح اعملكم اتنين لمون وسألتها انتي مين راحت البجحة بنت البجحة بتقولي زوجته طبعا انا برقت لجون راح قالي دي طليقتي والإنجيل راح قايل للبت بنت البجحة اني مراته وهي عملت نفسها مصدومة وراحت مشيت بس والله انا شوفت نظرت تحدي ليا في عينيها ولا كأنها بتقولي ان ده مش هيدوم
ايسل: انتي ازاي مروحتيش جبتيها من شعرها
رينا: ما الأحداث جت بسرعه بقي وانا كنت خد الصدمة المهم اني مبكلمش جون من امبارح وبتجاهله وهو عمال يعتذرلي ويبرللي بس والله لوريه النجوم في عز الظهر
ايسل: طيب كده عرفنا مشكلتك يارينا حاولي بس تعلميه الأدب وانا هقولك تعملي......
رينا: طب والله فكرة
نظرت ايسل: دلوقتي مالك ياشهد
شهد: مارك بيخوني
لم تجد اي رياكشن علي وجه الثلاثه
شهد: انتوا اطرشيتوا بقولكم بيخوني
سارة: مابصراحة كنا متوقعين
رينا: انا كنت متأكدة بصراحة
ايسل: كان عندي امل انه هيتغير بس ديل الكلب عمره ما هيتعدل
سارة: كلهم مصطفي ابو حجر
شهد: انا هطلق منه اصلا الموضوع مش هيفرق انا محستش اني زوجته اصلا غير اعتقد أسبوع بعد الفرح من ساعة ماجينا هنا لا بقيت بشوفه ولا بنام حتي في نفس الأوضة معاه
ايسل: تبقي غبية لو عملتي كده بالعكس انتي علميه الأدب وبعدين نشوف حوار الطلاق ده
شهد: ازاي
ايسل: انا اقولك تعرفي بيرجع البيت امتي
شهد: بليل خالص ممكن 4 الفجر او بعدها كمان
ايسل: انا عوزاكي.......
شهد بأبتسامة خبيثة: الله علي افكارك يا دكتورة المصايب
ايسل: وانتي ياسارة فيليكس بيخونك بردوا
سارة بأبتسامة سخرية: ياريت
رينا: ما تحكي في ايه
سارة: قبل ماجي فيليكس عادي راح شغله الصبح وانا كنت قاعدة في الصالون وحماتي جت وانا طبعا قومت وسيبتلها المكان علشان محتكش بيها ولا تقعد تلقح عليا بالكلام زي ما بتعمل بس نسيت تلفوني فلما رجعت علشان اخده سمعتها بتتكلم في التلفون مع حد وبتقوله هو فيليكس اتم صفقة الأسلحة دلوقتي ابني حبيبي رفع اكتر من هيبة الفوكس قعد اجمع ايه الي سمعته ده ولما ربط الأحداث والجروح الي علي جسمه والإصابة الي كانت في دراعه امبارح فهمت انه زعيم عصابة الفوكس الي اغلب البلاد بتخاف منهم
كانت الثلاث فتيات ملامح الصدمة علي وجوهم
شهد: اطلبي الطلاق بسرعة
ايسل: ده علشان يخلص عليها
رينا: هو بيعاملك بقي زي الروايات ومتحكم والحاجات دي
سارة: ده بيعاملني احسن معاملة بس انا مش عاوزه اكمل ومش عاوزه اسيبه اتصرفولي
ايسل: طب مادام هو بيعاملك حلو متكلميه قوليله انك عرفتي انه كذا وعندك خيارين ياتسيب العصابة يا اما تسيبني
سارة: ولو اختار العصابة انا بحبه ومش عاوزه ابعد عنه
رينا: يابت ده رجل عصابات يعني لا هيسيبك ولا يسيب العصابة وهيقوم يوريكي بقي الوش الخشب ويحبسك في القبو
شهد: ويجلدك مليون جلدة ويسيح جلدك واول ما يشوفك اغمي عليكي هيقلق ويجبلك دكتورة بنت مش ولد علشان بيغير ولما تفوقي يعتذرلك
شهد ورينا في نفس الوقت: وهتسامحيه علشان بتحبيه
كانت ملامح القرف علي وجه ايسل وسارة
ايسل: ابو الواتباد الي لاحس دماغكم
سارة: بطلوا هبل بجد واعمل ايه
ايسل: هو زي ما قولتلك
سارة بضيق: طيب
أنت تقرأ
ماذا افعل....؟!
Подростковая литератураايسل انت الى عملت كل ده لييييه سام علشانك جون انتى من بيدك ايقاف كل هذا ايسل ماذا افعل...؟!
