المتيم

البارت الآۆلْ

بسم الله الرحمَن الرحيمِ
——————————
لطفاً لٱ تنسون التصويت والتعليق بين
الفقرات

——————————

كعدت علئ صوت أمي وهية اتصيح علية

-كومي ولج اتأخرتي علئ المدرسة ولج كومي
اشكثر اتنامين

تسحل بية سحل واني قبل ساعتين من نمت لأن اقرة

-اوفف كمت وللة كمت شنو هاي أشوكت اتخلص المدرسة وللة تعبت

كمت متنرفزة كلش رحت للحمام غسلت وطلعت بدلت وكعدت امي اتمشط شعري لأن احب هي اتمشطة واني اراجع للأمتحان لأن جان اخير امتحان وتبدي امتحانات اخير السنة كملتلي تمشيط سوتة ضفيرة لأن مو محجبة اني شعري جوة ضهري ولونة اشقر فاتح صبتلي ريوك اتريكت وكملت اندك الباب عرفتهة ملك طلعت ركض واني البس بحذائي لأن بس أتأخر اتروح وجان عدنة امتحان عربي واليو خميس

ملك:- خرب يومج ساعة اطلعين

زينب:- ترة اول مدكيتي الباب طلعت

ملك:- ديلة يلة أتأخرنة ولج لٱ يمتحنون يلة

طلعنة نركض ركض الساعة ب 7:55 بس اصير ب8. المديرة اتسد باب المدرسة مدخلنة فد أكرهة جنهة برميل وللة

فتنة للمدرسة كبل طلعنة اوراق نمتحن بيهن أجت المدرسة مال المادة وزعت الأسئلة وبلشنة أنحل وجانت سهلة وملك زرفت رجلي زرف اتريدني أغششهة وأني أخاف من هيج أشياء

ملك:-ولج زينب السؤال الثاني شنو جوابة

زينب:-ولي متقرين لعد ما أغشش لو مدري
شنو لٱ تلكفنة المدرسة ولج

ملك:-وللة ترة قارية بس نسيت هذا

زينب:-ما علية

ملك:-حبابة حبيبتي أشتريلج علمود نستلة نبر وان وببسي التحبينهن

وافقت لأن ملك طويلة وتكدر اتلوح الشباك مال الحانوت غششتهة بس السؤال الثاني خلص الأمتحان وطلعنة ألتقينة بصديقاتنة كلهن بشعبة جيم بس أني وملك بشعبة باء احنة صف خامس علمي

عذراء:-أكلجن ترة الأسئلة صعبة حيل  جاوبتن لا

نرجس:-اني تركت السؤالات كلهن جاوبت بس علئ
(مع تمنياتي لكم بالنجاح) كتبتلهة رحمة للة والديج ست

متنة ضحك عليهة ندري بيهة شاطرة بس اتحب اتحشش أهواي

ملاك:-ترة ألأسئلة كلش سهلة