البارود الاسود

بارت 1

فاطمة //

دنيا حارة وگوة غسلت المواعين و جاي اغسل سيارة ابوي والملابس تدمرت زاهي ومنا عندي ومحد جاي يفهمني ويساعدني شفت امي وابوي مَروا من يم المطبخ وگلت بنبرة شقة..

_شيسوي الله بعد بالظلام

ضحكوا چان يمد راسة ابو الحسن من الشباك صاح : هنة ذَني المراهقات اول ما يشتغلن يتعبن اوي

مهدي : احلف عليك راح تاخذلك مراهقة

ابو الحسن : انت ابو المراهقات .. اندارلي متحلفلي وگال الأ اخذ صاحبة روحچ واسافر وما اخليچ تشوفينها

فاطمة : كل ما تشوفك تضحك عليك تگلي حسوني چنة وجه طلي ههههههههه

ابو الحسن : اهم شي تصيحلي حسوني.. هسة تعاي طبي جوة حضريلي صينية مرتبة لأن راح يجي صاحبي وتلگين رب..

مهدي :فطيمة انا اخوچ الكفو تلگين 15 عالميز مالتي روحي اخذيها هذا ينطيچ ربع مخلصها عالرباعة

اول ما نطق كلمة 15 فلتت الصوندة من ايدي وطبيت اخذتها ورحت للمطبخ حضرن شغلات ياكلونها لأن راح يدرسون هوة وصاحبة وانطيتهياه ورحت يم السبلت اريد اقرأ وماطولت بالقراية وخلصتها هيچ سمعت امي تصيحني ..

_تعاي يمة هاي رويحة تريدچ

اخذت التليفون منها واحچي وياها صاحت بأذني
_راح تجون النااااااا

_ اوكفي شبيچ منو گال

_ مساع ابوي خابر مهدي وابوچ قبـ ..

_ قريتي للأمتحان؟
صار هدوء وما اسمع شي

_ قريتي لولا؟

_ شسمة گلت من تجين نقرأ سوية

_يلا خلي اروح زعلت
سديتة ورحت نمت شوية لل4 العصر وگعدني مهدي يصيح

_كومي ولچ راح نروح ونعوفچ

گمت اخذت سماعات وتليفون امي وملابس اريدها ونزلت جوا وسويت المواعين بطريقي وتوضيت وحطيت صبغ اظافر حتة اصلي عادي بيه ورحنا ركبنا بالسيارة

مهدي : نروح ؟

فاطمة : lets go حبيبي

صعدنا بالسيارة وعلگ الاغاني كلة شيلات وردح بحيث اذاناتي رادت تنفجر ومنا هو بس يتمركص ويطگ اصبعتين والسرعة عالية وريحة الجكاير خنگتنا خنگ وميتة ضحك على امي كلساع وصلختة براشدي

مهدي : وچ يمة هاي ليش طفيتي الاغاني

خالة زهور : ولك انطرمت حتة هسة بعد ماعرف شتگول اوفففف اوف لو جاية ويا هذاك المگموع احسنلي

مهدي : هاي شگد

زهور : ثولان ولد الثولة گلت انطرمت مو انعميت ربي اخذني وخلصني