مُمكن تَصويت ومُشاركة يارُوحي ؟
___________________________________
ردت اسوي توقيت للتليفون واجاني مسچ مَن نفس الحساب الوَهمي
_طالعة حُلوة اليوم !
استغربت ما اعرف احد بس روح بالانستا واخواني ضليت اوسوس اذا ارد لو لا بس ما رديت غلقت التليفون ونمت
گعدت ب 5 الصُبح على صياح عالي احتل مسامعي احاول استوعب وافرك بعيوني خاف حلم استوعب وگمت من الفراش ونزلت بسرعة لگيت خالتي مگطعة روحها ومُتربة وامي نفس حالتها واخواني يمها ماعدى ابو الحسن وامير ما موجودين
-يمة ولدي يمة ولك حرب يمة الحگ اخووك لايروح من ايدية
استمع بس ماعرف شصاير وروح عيونها مورمة وتلزم بأدين امها وساعة امي هي وايسر فزيت من صاح بيه حرب
-فاااااطمة بسااااع السوووووويچ !
ركضت فوگ واني ماعرف شسوي وين اروح شفت السويچ عالجرباية مالتة وانطيتة وراحوا بسيارتين
-تعاي اصعدي انتي ماتبقين وحدچ !
بدون كلام صعدت جبت حجابي وصايتي والتليفون ونزلت حتى وجهي ما غسلتة من الخرعة
-يايمة اموت اذا واحد من ويلادي عافني وراح يممممة ما اتخيل
خالتي تلوب وتبچي وامي ازيد منها والطريق كلة ما فهمت شي بس من وصلنا للمستشفى عرفت بأمير بيه شي نزلنا ودخلنا للمستشفى وكل واحد بكتر يدور على رقم غرفة العمليات واني نقطة ححيل مابيه عفتهم وگعدت بقاعة الانتظار وروح بصفي بس تبچي
-روح شنو السالفة
- ابو الحسن وامير مگلوبين بالسيارة وهسة يلا درينة
-شنو ! ابو الحسننن هم؟
- اي اي ثنينهم ثنينهم
سكتت مصدومة واتخيل ثنينهم يموتون لا استغفر الله شهالتفكير گمت اغسل وجهي واخذت روح وياي بالگوات غسلنا ورحنا يمهم شوية وطلع الدكتور
-الحمدلله على السلامة ماتشوفون شر
-دكتور ثنينهم زينين ؟
- بالنسبة للمريض أمير رحيم الحمدلله عدت سلامات بس ..
- دكتور احچي شنو بس ؟
- المريض ابو الحسن علي يحتاج عملية عندة ورم بالرئة ولازم العملية هسة تصير ممكن باچر عگبة حياة المريض مهددة بالخطر والموت !
أنت تقرأ
البارود الاسود
Humorشُعور هادئ .. ظلام مُنير .. ايام مَعدودة .. اشخاص لَطيفة .. اُمنية فَي وَسط الاوهام .. ابتِسامات .. الشَهر الحَادي عشر من اليوم الحادي عَشر انتَ سَتكون كُل الامَاني . _ان كان لا يُهمك سَردي اُيها الجَميل فلا تُتعبني بقَول اشياء تُفسد مَزاجي فَقد اعط...
