ملاكي🕊♥

Part 1

ف البدايه وقبل اي حاجه تعالو نصلي علي شفيعنا يوم القيامه سيدنا محمد عليه افضل الصلاة والسلام ♡

____________________________________

_ انا اسمي مريم وانتي؟
=......
_ بقالي كتير بشوفك هنا بتقعدي لوحدك وتحضري المحاضرات لوحدك وبتمشي كمان لوحدك قولت نبقي صحاب لان برضو مش عندي اصحاب كتير
=.......
_ انتي مش بتتكلمي ليه بتبصيلي بس وتسكتي ليه
استني رايحه فين..
سابتها ملاك ومشيت من غير م ترد عليها حتي وعيونها كلها دموع والذكرايات بدات تتعاد ف دماغها
تيجو اعرفكم علي ملاك الاول قبل م نبدأ حكايتنا♡
_____________________________________
ملاك احمد سليمان
بنت جميله عمرها 20 سنه في كليه تربيه
ملاك بنوته مختمره وملتزمه وعلاقتها بربنا كويسه جدا من سنتين بس
لما كان عمرها 18 كانت ف الثانوي كان عندها اصحاب  كتير كانت محبوبه بين اصحابها بس مش حب بجد!!
ملاك كانت بنت لطيفه  مجتهده جدا وشاطره جدا ف دراستها ودايما بتطلع الاولي ع دفعتها وحالتها الماديه كويسه جدا جدا والمدرسين كانوا بيحبوها جدا عشان كده كل البنات كانو بيقربو منها اللي تصاحبها عشان فلوسها والخروجات واللي تصاحبها عشان مجهودها والملخصات اللي كانت بتعملها (صحاب مصلحه)
مكنش فيه غير بنتين بس اللي كانو بيحبو ملاك لشخصيتها وهي كمان كانت بتحبهم جداا
بعد اخر امتحان للثانويه العامه ملاك كانت زعلانه جدا انها مش هتشوف اصحابها تاني وبالاخص سندس ومريم  اتفقت معاهم ومع كل اصدقائها انهم يخرجو يقضو يوم مع بعض الكل بدأ يتهرب منها مفيش غير مريم وسندس واللي طبعا عارفين ان مفيش حد بيحب ملاك واللمه اللي حواليها دي كدابه.
مريم وسندس حددو يوم يخرجو فيه وكان يوم الاتنين....
_اي يابنتي خلصتي ولا لسه
=حاضر حاضر والله خلصت بلبس الكوتش وفوريره هتلاقيني قدامك
_ امممم اشك ف كده خلاص هقفل واتصل علي سندس وانتي يا ملاك لو اتاخرتي هلف وارجع تاني
= مش هتاخر انا نازله ع السلم اهو يادوب 3 دقايق وهكون عندك شوفي سندس بس وصلت فين
_ ماشي ياقلبي يلا سلام
.........
_ اي ياحجه انتي فين
= بصي وراكي كده
بصت مريم وراها لقته ف وشها 😂
_طب بتفتحي عليا ليه بما انك هناا يامعفنه هتشحنيلي انتي الرصيد لما يخلص
=فتحت عليكي باب الحمام يعني ولا اي وبعدين ده انتي رصيدك كتير مش هيخلص متخافيش
_الله اكبر الله اكبر سمي الله ف قلبك كده مهو لازم اشحن امال اكلم الواد حموكشه خطيبي ازاي
= حموكشه!!  مش مهم المهم ملاك فين كالعاده اتاخرت
≈انا اقدر اتاخر عليكي بردو ياروحي
_اهي ست هانم شرفت
≈هنخربها النهارده يابنات مش كده
_طبعاا
=ده اكيد
≈ انتو عارفين كان نفسي الدفعه كلها تبقي معانا
سندس ومريم بصو لبعض بشفقه عليها لانها طيبه جدا ولحد الان مش واخده بالها من كره الدفعه ليها وانهم بيحبوها لمصلحتهم
_ملاك سندس عايزه تتكلم معاكي ف حوار كده
≈ في حاجه ولا ايه انتي كويسه ياسندس
=بصي ياملاك انتي فعلا طيبه وهبله جدا لانك مش واخده بالك ان بقيت البنات بيحبوكي لمصلحتهم بس وانهم مش بيقربو منك غير لو ف خروجه عشان تحاسبي عليها و قبل اي امتحان عشان الملخصات والملازم اللي بياخدوها منك و عشان المدرسين بيحبوكي ف يعملو نفسهم طيبين وبيحبوكي عشان يحبوهم هما كمان و انهم دايما بياخدو منك فلوس وووووو كتيير محستيش لو لمره انهم بيضحكو عليكي وبيقولو كلام عنك ف ضهرك
≈ بس كفايه انا عارفه كل ده بلاش توجعيني اكتر ياسندس بالله عليكي انا عارفه من البدايه بس انا بحبهم بجد وكمان الخروجات اللي كنت بخرجها معاهم من وراكو عارفه انهم كانو عايزيني اصرف عليهم فيها وكنت قابله كل ده لعل وعسي يحبوني ف يوم من الايام بس اظاهر كده ان انا متحبش
_بس انا وسندس بنحبك يا ملاك
≈وده اللي مطمني يامريم انكم اكتر اتنين انا بثق فيهم وبحبهم ومقدرش اعيش من غيرهم
= يلا نعيط وبلاها فسحه
≈ بس يابت منك ليها يلا نمشي عشان نلحق اليوم من اوله
_ملاك
≈قلبهاا
_ انا بحبك أوي
≈ وانا كمان بحبك اكتر يامريم والله
_ سندس
= عيونها
_ انا بحبك اوي انتي كمان
= وانا كمان بحبك والله
≈ يلا ياوليه منك ليها العربيه هتمشي وتسيبنا
وبعد الكلام ده كان اخر لحظه ف حياه مريم وبدايه مرحله حزن ف حياه ملاك وعذاب والم ف حياه سندس
وهما بيعدو الطريق عشان يلحقو العربيه ملاك كانت سبقاهم وفجأه جت عربيه تانيه بسرعه رهيبه خبطت مريم وسندس اللي كانو بيلحقو ملاك.......
لحظه صدمه لملاك مش قادره تستوعب اي اللي حصل جريت عليهم وهيا مش واعيه  اي اللي بيحصل حواليه ايديها وهدومها دم واصحابها او بمعني اخر اخواتها ف حضنها غرقانين ف دمهم والناس بتصوت واتلمت حواليهم وهي بس ساكته وسرحانه واصحابها ف حضنها والدنيا وقفت عند اللحظه اللي كانو ماشيين فيها مع بعض الزمن وقف بالنسبه ليها

                                ~
فاقت ملاك لما لقت نفسها ف اوضه ف المستشفي فكرت انها بتحلم بس استوعبت ان دي حقيقه لما  شافت اخوها واقف قدامها وهو خايف عليها ونظرات الحزن ف عيونه واضحه
≈محمد مريم وسندس كويسين هما فين عايزه اشوفه بالله عليك
_ استهدي بالله يا حبيبتي انتي كويسه في حاجه وجعاكي
≈ قلبي اللي بيوجعني عليهم يامحمد بالله عليك طمني عليهم
_.......
≈ قول انهم كويسين ابوس ايدك
_بطلي عياط بس عشان خاطري انتي تعبانه دلوقتي
سندس ف العمليات ولسه مخرجتش
≈ ومريم
_مريم اتوفت اول لما اتخبطت انما سندس عايشه وهيا ف العمليات بس حالتها خطيره جدا
≈.....
_ملاك انتي كويسه..... ملاك ملاك حد يجيب الدكتور بسرعهه

الروايه باللهجه العاميه 🙂🫶
متنسوش اخواتنا ف دعواتكم 🍉
#ملاكي Part  1
#بقلمي_Ayosh
هستني رايكم ف الكومنتات اتمني تعجبكم 🩷