ملاكي🕊♥

Part 2

ف البدايه وقبل اي حاجه تعالو نصلي علي شفيعنا يوم القيامه سيدنا محمد عليه افضل الصلاة والسلام ♡

____________________________________

_ملاك انتي كويسه..... ملاك ملاك حد يجيب الدكتور بسرعهه
الجمله دي قالها محمد وهو بيصرخ لان اخته اغمي عليها فجأه ولانها رافضه فكره ان مريم صديقه عمرها من ايام الطفوله وجارتها سابتها ومشيت وسندس اللي اتعرفو عليها ف الاعدادي بين الحياه والموت موقف صعب ع الكل..
جه الدكتور  بسرعه وطمن محمد واهل ملاك عليها وانها هتكون بخير ف اقرب وقت واستاذن ومشي
قعد محمد علي الكرسي اللي قصاد سرير ملاك وهو مش قادر يمسك نفسه اكتر من كده عيونه بدأت تدمع غصب عنه وبدأ يعيط بشكل هيستيري لانه مش هيشوف حبيبته من صغره مريم خطيبته وصحبه اخته اللي كان بيعشقها اكتر من نفسه ومش عايز يبين اي حزن قدام ملاك لانها منهاره اكتر منه لكن هنا وبس مش قادر يستحمل بدأ يعيط ويصرخ باسمها ويخرج صورهم ويفتكر اول يوم شافها فيها لما كانت لسه طفله لحد اليوم اللي اتقدليها واتخطبو ويقطع شريط زكرياته صوت ملاك وهي بتحضنه وتواسيه وهي حرفيا محتاجه اللي يواسيها
≈ موقف صعب علينا كلنا يامحمد صح......
اختي وصحبتي وعشره عمري راحت مني قدام عيني وسابتني لوحدي ف الدنيا مع انها عارفه اني مش هقدر اعيش من غيرها. والتانيه هتسيبني هيا كمان زيها اتفقو عليا هما الاتنين
بدأت تصرخ وتعيط ف حضن اخوها ويواسو بعض
≈محمد عايزه اشوف مريم
_ حاضر هيا ف نفس المستشفي بس اوعديني تمسكي نفسك لان اهلها حالتهم صعبه
≈ هحاول بس موعدكش
_ طيب يلا تعالي ياقلبي
خدها محمد عشان تشوف مريم قبل م تخرج من المستشفي للمقابر وهي ماشيه لقت اهل سندس واقفين قدام غرفه العمليات ومنهارين وقفت هيا ومحمد تحاول تطمنهم انها هتخرج بخير لكن ساندي اخت سندس بعدتها عنهم لانها عارفه رد فعلهم هيكون ايه
_ملاك ابعدي من هنا دلوقتي
≈ عايزه اطمن علي طنط وعمو يا ساندي
_ انا عارفه ياملاك بس هما ف حاله صعبه وهيجرحوكي بالكلام لانهم مفكرين انك السبب ف موت مريم وحاله سندي دلوقتي بلاش دلوقتي ولما سندس تخرج هطمنك عليها انا بنفسي
≈انا اسفه اوي ياساندي انا السبب يارتني كنت معاهم ف الوقت اللي العربيه خبطتهم فيه انا السبب
وبدا تنهار تاني لكن محمد حاول يهديها واخدها ومشي عشان تشوف مريم
وصلو للمكان اللي اهل مريم فيه وكلهم منهارين وعياط وصريخ مامت مريم لما شافت ملاك جريت عليها وخدتها ف حضنها وهي منهاره
=انتي كويسه ياملاك يابنتي
≈مريم ياطنط مريم..
=بس بس اهدي ده نصيب بنتي واللي مكتوب ليها ان عمرها ينتهي ف الوقت ده اوعي تشيلي ذنبها يابنتي انتي معملتيش اي حاجه
≈سابتني ومشيت مريم خلاص مشيت انا هعمل من غيرها ايه ياطنط دلوقتي
= اهدي ياحبيبتي مش عايزه تودعيها ولا اي
≈عايزه اشوفها
= خليك يامحمد وانا هاخد ملاك
_حاضر هستناكي هنا ياملاك
خدتها مامت مريم عشان تودعها وقلبها منهار ع عمر بنتها اللي راح لكن هيا مؤمنه ان ده قضاء وقدر ومحدش ليه دخل فيه ولا حد يقدر يتحكم ف كده علي عكس اهل سندس اللي اتهموها باللي حصل
مشيت مريم وسابتها لوحدها ف العالم وسندس دخلت في غيبوبه محدش يعرف هتخرج منها ولا لا واليوم ده كان يوم صعب علي الكل بشكل غير طبيعي كل واحد خسر جزء من روحه في اليوم ده ملاك حالتها النفسيه بقت وحشه جدا لدرجه انها مش بقت تتكلم مع اي حد خالص فضلت علي الحال ده ايام واسابيع وشهور من بعد م وصلها خبر ان سندس هيا كمان سابتها ومشيت
كده خلاص مفيش مريم مفيش سندس تاني
فضلت كل يوم تروح المقابر تقعد معاهم وتروح البيت تنام واليوم يتكرر لحد م والدها قرر انهم يسافرو لبلد والدتها عشان ملاك تغير جو هيا ومحمد وبالفعل سافرو ومحمد غير شغله هناك وملاك قدمت ف الكليه هناك وبداو يتأقلمو علي الوضع
______________________________________
بعد سنتين من اليوم ده ملاك بدأت تعيش حياتها بشكل طبيعي وكل يوم جمعه تسافر هيا ومحمد بلدها القديمه عشان تزور اصحابها ف المقابر وترجع تاني يوم
ملاك كانت محجبه من قبل الحادثه دي بس لبسها كله علي الموضه مكنتش منتظمه في الصلاه علاقتها بربنا مش احسن حاجه لكن بعد الحادثه ملاك اتغيرت 180درجه لبست الخمار غيرت لبسها كله  بدأت تحفظ القرآن وانتظمت علي الصلاه في وقتها مع السنن اهم حاجه عندها علاقتها بربنا
من اول يوم ليها ف الكليه وهيا مش بتتكلم مع حد ودايما لوحدها خايفه تصاحب حد خايفه تحب حد تاني وتخسره هيا مش قادره فعلا
في سنه 2 اتنقلت بنت جديده للكليه بتاعت ملاك ونفس القسم اول لما شافتها ملاك اتصدمت جدا وراحت الحمام  وبدأت تعيط وهي مش مستوعبه اللي هيا شايفاه قدامها
≈معقوله دي دي مريم لا لا مستحيل مريم ماتت قدام عيني ممكن تكون شبها بس
خرجت ملاك من الحمام وهي ناويه تتجاهل البنت دي بالذات وخلصت محاضرتها ورجعت بيتها اول لما وصلت البيت دخلت ف هدوء غير العادي الكل استغرب حالها
محمد_ انتي كويسه ياملاك
≈ ها اه اه انا تمام بس تعبانه شويه هدخل اوضتي وارتاح شويه وهبقي زي الفل
= متاكده يابنتي
≈ ايوه ياماما
=خلاص ادخلي نامى شويه ولما تصحي هجهزلك الغدا
≈متحرمش منك ياست الكل
دخلت ملاك الاوضه وبدات تتفرج علي صورها مع اصحابها ومستغربه الشبه الكبير بين مريم والبنت دي
ف الصاله
_جرا ايه ياام ملاك ناسيه ان انتي ام محمد برضو ولا ايه
= في اي ياولا
_ انا كمان جعان علفكره ولا معندكيش غير ملاك
= اش حال انك لسه طافح من ربع ساعه لحقت تجوع
_طافح!!  اه ياامي جوعت فجأه اعمل اي اموت نفسي
=مفيش اكل يامحمد ريح نفسك ناقص تاكلني
_صدقيني مش باكل لحم بني ادمين بس باكل لحك فراخ لحم بقر لحمد....
= امشي يابن الجذمه من قدامي
_هههه حاضر هنزل اصلي العصر وبالمره اريحك من وشي عقبال م الحج يوصل بالسلامه
نزل محمد المسجد وصلي العصر وهو راجع قابل واحد صاحبه وسلم عليه
امجد_ابوحميد شواخبارك ياولا
= الحمدلله زي القرد اهو انت عامل اي وحشني والله من الصبح مشوفتكش
_تصدق ياض انك انت كمان وحشتني. الا بقولك اي في واحد صحبي لسه ناقل ف العماره اللي جمبنا من يومين
= صحبك منين وهو لسه جاي من يومين
_لا منا اعرفه من زمان كان شغال معايا
=اااه خلاص ياعم اعزمو بليل ونخرج مع بعض وبالمره اجيب الواد احمد ونتعرف عليه
_ اشطا ياصحبي
=يلا عايز حاجه هخلع انا عشان عمك احمد زمانه جاي
_سلامتك ياصحبي يلا سلام
كل واحد منهم رجع بيته بس محمد وهو ماشي شاف حاجه غريبه لفتت انتباهه رجع تاني علشان يتاكد من اللي شافه اتصدم وفضل واقف ف نص الشارع مصدوم ومستغرب ازاي ده..

الروايه باللهجه العاميه 🙂🫶
متنسوش اخواتنا ف دعواتكم 🍉
#ملاكي Part 2
#بقلمي_Ayosh
هستني رايكم ف الكومنتات اتمني تعجبكم 🩷