فتحت الثلاجه طلعت سلطه وگعدت على الطاوله الي بنص المطبخ تاكل فجاه دخل يزن يريد يشرب مي وياخذ للولد هماتي
اول مدخل تقدم خطوتين بعدين وگف من شاف سيسيل جاي تاكل عباله رح تگوم وتروح لغرفتهه وتستحي لان جسمهه طالع لكن صار العكس بقت سيسيل تاكل ورغم صار تواصل بصري بينهه وبينه سيسيل وهي تاكل سيسيل-حبيبي مضيع شي بوجهي ليش صافن عليه يزن-اجيت اشرب مي واخذ هماتي سيسيل-اها تمام تلگه بالثلاجه لا تنسه تطفي الاضويه وتسد باب المطبخ .تعوف الصحون على المغسل وتطلع يزن-تمام .يباع عليهه يتفحصه من فوگ ليجوه يبتسم وياخذ المي ويروح
طلعت سيسيل من المطبخ وطلعت للأصطبل ويزن لاحظه بقه يراقبهه لحد مشافهه تتسلل للحظيره على مود ستيلا
تركض سيسيل بسرعه للحظيره حته محد يشوفهه وتشوف ستيلا وتخلي راسهه على راس ستيلا وهي مبتسمه سيسيل-ستيلا اهخخ اشتاقيتلچ تحضنهه وتركب عليهه وتروح بأنجاه الغابه او البستان بالاصح الشجره الي تگعد جواهه وتتأمل النجوم يزن-شباب هسه اجي .طلع بسرعه وراهه وضل يراقبهه وشافهه گاعده جوه الشجره والله هاي خبله شتسوي بنصاص الليالي يروح يمهه يزن-مرحبا عادي اگعد يمچ سيسيل-تگوم بفزع .هاا فززتني أي عادي عبالي ابوي خو محد شافك وانت جاي يمي ؟؟ يزن-لا محد بس شفتج من شباك الاستقبال سيسيل-اها زين .تبتسم يزن-ليش تگعدين لوحدچ؟ سيسيل-احب الوحده اخذ راحتي اكثر لوحدي واحب أقضي وقتي وي ستيلا يزن-ملامح ستيلا مميزه تصرفاتهه كأنهه تفهمچ مو صح ؟ سيسيل-أي صح لهذه انا احبهه وانا احب الخيول بشكل واحجي وياهم من وانا صغيره وشايف من تصعد على خيل تحس بعظمه فجاه .جنون العظمه مثل هيج بس بابا يمنعني انو اركب خيل يزن-ليش يمنعج شراح يصير مثلا؟ سيسيل-اصدقاء ابوي بأسبانيا جانو يگولون اله انو يأثر على غشاء البكاره وبابا صدگ بيهم وانا جنت ادري بالمخاطر اما انو يأثر على غشاء البكاره مستحيل لان هو بس يخلي واسع مدري شلون اشرحهه الك يعنِ ما يأثر على غشاء البكاره لو جان يأثر جان انا ما اركب خيل انا اعرف معلومات اكثر عنهم اكثر من أي شخص .مندمجه بالكلام والثاني صرحان بعيونهه يزن-زين تردين احاجي الچ؟ سيسيل -صدگ تگدر تقنعهه ؟؟! يزن -تمام من عيوني من باجر احاجي لا تهتمين خليهه عليه اتفقنه ؟ سيسيل -عااااا شكرا شكرااا يزنن افضل ابن عم بالتاريخ .تحضنه وتشكره سيسيل -شنو رأيك بجوله على ستيلا ؟ يزن-تم يلا بس تره ما اعرف اركب خيل اعرف اركب غير شي سيسيل-تباع عليه بنظرات شك .احم شنو هي يزن-تفكيرج وصخ .اعرف اركب دراجه ناريه وسياره سيسيل -اسفهه .تضحك تركب سيسيل الحصان وتمد ايدهه ليزن حته يصعد وصعدته وراهه بدت تمشي بستيلا شوي شوي لين ما قربت من البيت وجانن البنات طالعات بالحوش يسولفون ناس تلعب ناس تسولف قررت تسوي حركه تخلي نور تضوج منهه وتغثهه سوت حركه خلت يزن غصب عنه يتمسك بخصرهه وهو عجبه الوضع ضل متمسك بيهه ونور شافتهم حاولت تتمسك بأعصابهه ماكو اي فايده تروح ركض لسيسيل وتصيح علبهه نور-بصفتج منو حته تركبين يزن وراج نزلي يلا قبل لا اجرم بيج هسه سيسيل -صدوكك تجرمين بيه روح حياتي لماميتو تنطيج حليب تجرم بيه الفرخه نور-احترمي نفسج تره انتف شعراتج الورديات سيسيل-وايي طلعت الشعرات الورديات غاثاتج ومزعلاتج خلاص ولا يهمج باجر اصبغهن الج حمر سيسيل -زين تعاي انت شدخلج بيزن يزن قابل انت المحامي مالته لو المتكلم مالته شو يزن احجيلي تريد تصعد وياي لو تنزل يزن-لا والله عاجبني الوضع ماريد انزل .ست نور فكي ياخه شوي عني وعنهه كلشي مدخله روحج نور -هاي حته انت عليه شبيكم وياي .بدموع جذب سيسيل -زين لا تبجين يروح ماميتو يلا يزن انزل اروح اخلي ستيلا تريح تعبت حبيبتي ينزل يزن من الخيل ويروح يمهم وتبدء نور تعاتبه شلون يصعد وراهه وكذا بعد خمس دقايق طلعت سيسي من الحظيره وتروح بأتجاه الشباب وبتدء نور بأنتقاد لبسهه وشكلهه لكن محد سكت الهه صارو يدافعون عن سيسي وهي هم مقصرت قررت تدخل للبيت وبهاي الاثناء تقوى علاقه سيسي ورقيه اخت يزن يرحن سويه للغرفه مالت سيسي وتضل رقيه تسولف لسيسي هواي اشياء وتحجيلهه عن يزن وكذا وسيسي قررت تاخذ معلومات عن نور ورقيه مقصرت حجت الاولي والتالي من گد محجن نامن وهن يحجن
