بلاي يا سعود حبيت غيم وانا ماني ع درب الحب و سحبتنا غيوم الحب

بلاي يا سعود حبيت غيم وانا ماني ع درب الحب و سحبتنا غيوم الحب 3

آسر:حتى لو
سعود:طيب تره غض البصر انا اوك و ثاني شي تعال معانا لا نو بروح اجيب لها باقة زي ما تبي
آسر :خلاص انا بروح اجيب لها
رعد وهو جاي:ايوا في شي
سعود:سلامتك
رعد:الله يسلمك
سعود:يلا روح جيب الورد ل وش اسمك
غيم :اسمي غيم
سعود:تشرفنا وانا سعود
غيم:الشرف ليا
آسر:يلا قدامي
سعود:يلا تعرف محل ورد قريب ولا اوصف لك
آسر:وحنا جاين شفت محل ورد بروح عندوا
سعود:تمام
وراح آسر و غيم يشترون ورد
عقاب:سعود من ذي
سعود:بنت العم
عقاب:تمام طيب الدكتور يقول انو في احتمال يجيه شلل كامل
سعود وهو منصدم :نعم
عقاب:اهد لانو لازم نكون معاه و في احتمال كبير بس رجله بس تنشلل و ممكن تتعالج تمام
سعود:الحمدلله على كل حال
عقاب:الحمدلله
الدكتور وهو طالع:يمديكم تدخلون بس تره لازم تغيرون من نفسيته
عقاب:ابشر
ودخلوا كلهم
دحوم:مشعل طلعت خكري من طعنه تروح الغيبة
مشعل:ايوا وش عندك يلا بس روح ذاكر وراك جامعه
عقاب وهو يضحك:جابها ع جرح
مشعل:جاك شي
عقاب:لالا جرح بسيط
مشعل صغر عيونه:متأكد
عقاب هز رأسه:المهم انا بنام عندك
سعود:عقاب
مشعل:لا عقاب ولا جدي ولا يحزنون اصلاً ابغى عقاب في موضوع عشان كذا لازم ينام
آسر وهو داخل:سعود يا كلب لعد سمعت كلامك
سعود:خير وش سويت انا
آسر وهو يأشر ع باقتين ورد كبيره:1000 ع باقتين ورد بس
سعود انصدم:الحمدلله و انا ما رحت كان فلست فوق مانا مفلس
دحوم:طيب ليه باقتين
آسر:وحده لست هانم غيم و الثانيه للي داخل الغيبوبه
مشعل:انا
غيم هزت راسه:الحمدلله على سلامتك و تره آسر مكبر الموضوع
دحوم وهو فاتح عيونه:1000 دافعها و تقول انو مكبر الموضوع يا بنتي 1000 ع باقتين الوحده بكم
غيم وهي تروح عند مشعل و تعطيه:لا تهتم عادي المهم الحمدلله على سلامتك
مشعل وهو منصدم:الله يسلمك
غيم :آسر متى بنرجع
آسر :الحين
سعود وهو يوقف :يلا فمان الله
غيم:مين بينام عندك "كانت تكلم مشعل "
مشعل:عقاب
غيم :تمام انتبه لنفسك لانو اختك كانت تبكي عليك كثير
رعد ضحك:مو اختوا بنت عم ابوه
غيم:ليه ما عندكم اخت
دحوم:عندنا بس ما تعتبر اختنا
غيم :اوك المهم يلا لانو تأخرنا و بنمر دانكن عشان نجد تبغى قهوه و دونات يلا
و طلعت
سعود وهو يرفع يدو للسماء :الحمدلله انو ما عندي اخت زيها الحمدلله
عقاب وهو يضحك:انت اصلا ما عندك اخت
سعود:اي صح الحمدلله
و طلعوا
عقاب وهو يجلس:والله ما تستاهل الباقه
مشعل :اسكت انا للحين منصدم
عقاب وهو يضحك:من حقك والله
مشعل:جيب احد يهتم فيها
عقاب:احلف تره سهل بس مويه و خلصنا
مشعل:ع كيفك هوا يبغى لها ثلج و مويه المهم جيب فازه عشان نحطها فيها و ثلج عشان نحفظها وقت طويل ما ابغى تخرب ع لطول
عقاب وهو يشوف اهتمام مشعل في الورد وهو اصلا ولا عمره اهتم لأشياء زي كذا:اعجبتك
مشعل وهو فهم وش يقصد بس استغبى :الورد ايوا
ضحك عقاب:انت فاهم وش اقصد
مشعل لف يناظر له:لا
عقاب:بكيفك
مشعل:جاوبت
عقاب:الجواب الاول ولا الثاني
مشعل:قلت لا بس حسيت انها لطيفه
عقاب وهو يناظر للورد:واضح اصلا
مشعل:بس تدري اول ما صحيت لقيتها عندي
عقاب هز براسه :ايوا هي قالت انو كانت ناسية شنطتها و اجت تاخذها و لقيتك صاحي و راحت تنادي الدكتور
مشعل:تمام استغربت و قالت انها غيم بنت علي بنت عمي علي
عقاب تنهد :المهم الحين لازم تهتم في صحتك لانو ممكن تنشل بس الحمدلله شلل فقط لـ رجولك و فتره و ترجع احسن من اول بس فتره
مشعل:طيب مين اللي طعنك
عقاب :نفسوا هوا اللي طعنك
مشعل ضحك:ولل ما يحترم نفسه يطعن اثنين قليل ادب المهم وش صار عليه
عقاب:مخليه يلف و يدور بكيفه فتره بس اثبت عليه تهريب ممنوعات و كذا عشان يروح فيها اعدام
مشعل:طيب ما منو خطر
عقاب:لا ما عليك عندي معلومات كامله وش بسوي و وين بيروح كل شي
مشعل:تمام و دوامي
عقاب:اجازه الين تتعالج
مشعل:حلو المهم بنام فيني نوم
عقاب:نوم العوافي
مشعل:يعافيك
نروح للمزرعة الكل نايم معاده اثنين نجد و سعود
نجد طفشت وهي في الغرفه فقررت تتمشى شويه في المزرعه و هي تمشي ضاعت و وصلت اللين اخر المزرعة و كان سعود متكي هناك
(معلومه نجد كانت بس لبسه عبايتها و الطرحه ع كتفها)
سعود وهو حس انو في احد:مين
نجد علطول عرفت صوت سعود:انا نجد
فز سعود اللين مصدر الصوت:هلا امري
نجد:ضعت في المزرعة و ماعد عرفت ارجع
سعود وهو يناظر في عيونها *احيه ذي عيونها بسم الله عليها * تنحنح و صد عنها :تمام بس انتم في اي بيت
نجد علطول استوعبت و لفت الطرحه و غطت وجها:مدري في بيت لحالنا
سعود:اهااا بيت عمي علي شكلهم نظفوه قبل لا تجون اعرف مكانه امشي وراي
نجد:ما اشوف شي
سعود لف لها و شافها متغطيه:اكشفي انا صاد عنك
كشفت نجد :تمام
وصلها بيتهم
سعود:انتبهي لنفسك ولا لاتطلعين اخر الليل لانو في عمال كثير في المزرعه
نجد:ان شاءالله
سعود:بحفظ الرحمن
وراح و طلعت نجد تركض لغرفتها و وقفت عند الدريشة تشوف فين رايح
سعود رجع جلس و كان يفكر في عيونها و شعرها و ملامحها :ملاك بسم الله عليها
و كمل هواجيس في نجد
*بعد اسبوع مافي اي احداث تذكر*
جيهان:نجد غيم ميلا وعد تعالوا ساعدوني
غيم نزلت :لبيه يمه امري
ميلا وهي وراه غيم:تدللي يا جيهاني
وعد وهي وراهم :يا عيونوا و روح و حياة وعد وش بغيتي بس
جيهان:اليوم الغدا عليكم وين اختكم
غيم علطول:انا عليا  الحلا زي دايم
ويلا:الكبسه ع الغاز
ميلا:يمه نجد نايمه خليها تعبانه و مافيها حيل تقوم المهم الشاهي و القهوه عليا
وعد:الترتيب
جيهان:وعد تساعدكم لانو زي دايم الاكل بيكون في بيت جدكم و نجد اشبها تعبانه
ويلا:من القهوه المهم يمه تره قدمت ع نقل و قبلوا
جيهان:الحمدلله
وعد:يمه تره نجد من امس تستفرغ و رافضه علينا نعلمك كذا بدون سبب
جيهان فزت:ياويلي ويله بنتي تستفرغ وانا اخر من يعلم
علي كان داخل و سمع جيهان:من
جيهان لفت عليه:نجد
فز علي و جيهان ركض لغرفت نجد اللي كانت تطرش
جيهان:يمه بنتي فيك شي تعبانه
نجد :بموت يمه بطني مو قادره يمه
علي وهو حاط يده ع بطنها :بسم الله عليك استغفرالله بسم الله الرحمن الرحيم يالله انك تخفف عليها
وكانت جيهان تدعي و تقرا المعوذات
علي:تبغين نوديك المستشفى
جيهان :بنادي وحده تساعدها و بروح البس عبايتي لازم نوديها
و نزلت جيهان تركض:بنات يا بنات
آسر وهو توه يرجع من بره :يمه فيك شي
طلعوا البنات من المطبخ يركضون :هلا
جيهان:وحده تروح تلبس نجد عبايتها
ويلا :انا بروح
و طلعت تركض و جيهان واحت تلبس عبايتها
آسر:بنات وش فيها نجد
ميلا:مدري لها اسبوع تعبانه و من امس تتطرش و الصباح استفرغت الدم و اتوقع الحين تستفرغ دم
آسر انصدم:هذا كلو وانا ما ادري
نزل علي وهو شايل نجد فز آسر علطول عندها:نجود فيك شي وش يعورك
نجد:بطني
آسر:طيب يبه بجي معاكم
علي:و خواتك من يجلس عندهم
آسر:صح بس يبه انت ما تعرف شي هنا بنادي سعود يوديكم لانو انتم ما عندكم سياره
علي:طيب بسرعه
و فز علطول للاسطبل
آسر:سعودددددد
سعود فز يركض لـ آسر:آسر فيك شي
رعد وهو جاي يركض:تكلم
آسر:نجد تعبانه و ابوي يبي يوديها المستشفى توديهم
سعود:تم ما طلبت شي روح نادهم وانا استناكم في السيارة
آسر:تمام
و رجع يركض للبيت
آسر:يبه تراه يستناكم في السيارة
علي:تمام يلا انتبه لخواتك
آسر:ع خشمي
علي:عليه الشحم واذا اجى وقت الغداء روحوا تغدوا عند جدكم
آسر:ابشر
نجد:يبه بموت وانت تعلم عليه
علي:ابشري يا بنتي الحين نروح المستشفى اهدي انتي بس
و راح اللين سيارت سعود و كان سعود متكي ع باب السيارة
سعود فز يفتح الباب :تفضل يا عم
علي ركب نجد وره و جيهان ركبت جنبها و علي ركب جنب سعود
علي:مشكور يا سعود والله ما تقصر
سعود:ما بيننا والله وتره هذا واجبنا
وعم الصمت و كان سعود يفكر فيها
بعد ما وصلوا و كان سعود واقف معاهم
الدكتور:البنت تعبانه اوي وينكم عنها
سكت علي ما تكلم
الدكتور:بنسوي فحوصات عشان نعرف ايش فيها و إيش نسوي لأنو ممكن نسوي لها عمليه
علي انصدم:عمليه
الدكتور:اهد لانو مو أكيد نسوي لها عمليه ممكن تاخذ ادويه و تتغذا كويس و تغير نفسيتها و بس و ممكن عمليه
سعود وهو كان ساكت و يناظر في نجد اللي واضح عليها التعب من عيونها
علي:تمام مشكوره الله يعطيك العافية
سعود:يا عم ارتاح اكيد دلع بنات و مارح  يسون لها لا عمليه ولا شي بس كذا كلام فاضي
علي ضحك ع سعود:ان شاء الله
نجد تكلمت وهي مو قادرة تتكلم:مو دلع
سعود:شوف ما دامها دافعت يعني خلاص دلع بس تبغى اهتمام
نجد:يبه امسك ولد اخوك لافصل عليه و اطلع حرتي فيه
سعود:اسكتي يا المدلعة حرام الحين يعني ما تشربين قهوه والله مدري كيف رح تعيشين المهم بروح اشتري لي قهوة تبغين اي صح آنتي تعبانه ما تقدرين تشربين
علي وهو يضحك:تره اذا فصلت عليك ما لي دخل
سعود:هذي تقدر تسوي شي هذي اصلا يلا تتنفس تبغها تفصل عليا
نجد:اطلع بره
فطس سعود ضحك:اهدي تره امزح
نجد :الحين الكلب خلاني اشتهي قهوه ابغى
علي:لا والف لا
سعود ضحك :يلا بروح اشتري لي و ارجع
وراح يشتري قهوة و نجد تخاصم اجاه تأنيب ضمير ف قرر يقسم لها قهوه معاه ف اشتر اكبر حجم من دانكن و مر اشترى كوب ثاني و وصل هناك و ما كان في احد غير نجد
سعود:وين عم و عمه
نجد وهي كاره سعود:راحوا عند الدكتور و قالوا اذا جيت اجلس انتبه لي
سعود :تمام تمام
خلص كلامو و فتح الغطاء و صب في الكوب الثاني
سعود:تبين اي كوب ذا ولا ذا
نجد وهي مو فاهمه  :ليه
سعود:تحسبين بخلي القهوه في خاطرك وانا اللي شهيتك فيها المهم بسرعه ايت كوب و تره والله ما شربت ولا نقطه
نجد:ابغى كوب دانكن
سعود قام يعطيها و نجد كانت تصور
نجد:شكرا
سعود وهو يرجع مكانه :العفوا
نجد:بنزلها استوري عادي
سعود حرك راسه بمعنى عادي
نجد:تمام
بعد ما خلصت تصوير كانت توها تشرب
سعود:خلصتي
نجد:تصوير ايوا
سعود:ولل لك ساعه بس تصورين فيها
نجد هزت راسها بمعنى ايوا:وش فيها
سعود وهو منصدم:لالا ما فيها شي عادي بس مو كأنك طولتي
نجد:واذا طولت عادي
سعود :براحتك
بعد ربع ساعه
نجد :ممكن تطش الكوب
فز سعود يرمي الكوب :لحد يدري
نجد استغربت:في وش
سعود:اني اشتريت لك قهوه
نجد:اكيد
و بعدها دخل علي
سعود:هلا يا عم مو كأنك تأخرت
علي:لالا المهم البسي عبايتك بتطلعين ماراح تنامين
نجد:اماااا
علي:ايوا فيك تعب بسيط و الدم بسبب اشياء المهم انك بخير و يلا بنروح نسلم ع مشعل و نطلع
قامت نجد وهي تصور و جتها دوخه و بغت تطيح بس في اخر لحظة فز سعود و مسكها علطول
سعود وهو كان وجهه قريب من وجه نجد :جاك شي
نجد وهي توترت من القرب :لا بس ممكن تبعد
قومها سعود و باعد عنها
علي:ها هذي العربيه و وصلت
نجد:ما كان لها داعي
علي:الا
نجد:براحتك
و جلست عليها نجد و كان سعود وهو اللي يمشيها بـ العربية و علي و جيهان راحوا يشترون الادويه
سعود:ايوا يا مدلعه وين تبين أمشيك
نجد عصبت:انا مو مدلعه
سعود قرب من اذنها و همس:مدلعه "وباعد" في وحده مو مدلعه بسبب تعب بسيط تروح المستشفى و تستفرغ دم لا طبعا يعني مدلعه ولا ماتقدر تمشي
تنرفزت نجد و وقفت ع رجولها و مشت خطوتين و كان سعود مركز معاها عشان لا تطيح بس ما كملت الثالثه الا وهي دايخه ف علطول مسكها سعود و جلسها ع الكرسي
سعود بحزم:نجد تراك تعبانه و ما تقدرين تمشين
نجد وهي معصبه:طيب لا تنرفزني
سعود بغيره ع بنت عمه:حسك لا يرتفع
نجد :ممكن تبعد
هنا استوعب سعود انو ماسك المساكات حقت الكرسي(يعني المكان اللي تحط عليها يدها اتمنى أنكم فهمتوا ) ف علطول باعد عنها و قام يمشي بكرسي و عم الصمت كان بينهم صمت رهيب بس كل واحد داخل في معركة تفكير
علي :هااااااي  سعود هنا
سعود بعد ما استوعب :هلا والله كنت مفهي شوي والله اسف ما انتبهت
علي وهو يطبطب ع ظهره:لا لالا عادي حصل خير المهم وين غرفة مشعل
نجد:يبه ماقدرت اروح تروحون انتم أنا بجلس في السيارة
جيهان:خلاص اجلسي في السيارة و سعود معاك
سعود:عادي مافي مانع أصلا ماقدرت اقابله
علي وهو حاس انو سعود فيه شي بس سكت:خلاص تمام انتبه لها
سعود:بين عيوني
علي:كفو
سعود:كفوك الطيب
وراحوا كل واحد اتجاه
في السيارة
سعود:نجد تعبانه تبين شي قولي
نجد:سلامتك
سعود:الله يسلمك
وعم الصمت لمده  خمس دقايق
نجد:سعود تكفى حر ما تحس
سعود: اول شي تكفى هذي ما تقوليها لك  من هب و دب و ثاني شي الا احس بـ الحر  بس بسببك مطفيه
نجد انصدمت:اول شي ابشر و ثاني شي ليه مطفيه عشاني انا بموت حر
سعود:بس تعبانه
نجد:شغله
و شغله سعود و شويه اجى علي وجيهان ركبوا
~~~~~~~~~~~~~~~~~~~~~~~~~~~~~~~~~~~~
لحد يسأل ليش حسوا بـ حر و هم في أبها مدري ليه الصراحه المهم اتمنى عجبكم البارت و بايييي انتبهوا لانفسكم 🫶