البارت ١٩
نوره خلصت مكالمتها شوي ويدق تلفونها من جديد
نوره : بغضب وجع وجع شتبي ياخي انت شتبي
جاسم : افا عليك يانوري ويش سويت انا
نوره : بفشله اسفه يابعدي وربي اسفه مااقصد عندي رقم ازعجني اتصالات
جاسم عادي : وشلونك
نوره : بخير وانت
جاسم : بخير يا بعدهم تدرين لو اقول لك شي حلو ويش بتعطيني
نوره : والله عاد متضايقه وابي كلام استانس فيه
جاسم : ويش فيك ياقلب اخوك متضايقه
نوره : بكلمك بعدين ويش كلامك بالله متحمسه
جاسم : بقول لك بس بشرط
نوره : امر
جاسم : مايأمر عليك ظالم ابيك تعزميني على قهوه
نوره : بابتسامه وين ياجسوم انا وين وانت وين
جاسم : ابد ابشرك اليوم بجي
نوره فزت : في ذمتك
جاسم : اي والله بجي اليوم
نوره ودموع الفرح : والله اني مشتاقه لك ياجسوم قسم بالله
جاسم : انا بعد والله وليه تبكين ياقلبي
نوره : مسحت دموعها ابكي فرح فرح ياروح اختك
جاسم : ياجعلني فدا وحيدتنا يلا انا بسكر بركب الطياره الحين
نوره : استودعتك الله
وبعد ساعات وصل جاسم
دخل البيت وشافهم كلهم متجمعين واول ماشافوه فرحو نطت نوره تسلم عليه وتحضنه
نوره : جعلني فداك ياخوي اشتقت لك يا بعدي
جاسم : ياحبيبتي انتي وانا بعد اشتقت لكم
وجت ام جاسم تسلم عليه وهي تبكي بكاء الفرح
وجاسم : يسلم عليه ومتشقق قلبه فرح وأهله بعد
جاسم : بعد ماسولفو يلا عاد استأذكم انا بنام ميت من التعب
ابو جاسم : اصحى بدري بنسوي عشاء اليوم
جاسم : يبه الله يخليك والله تعبااان خله بكره
ابو جاسم : زين يا ولدي وراح جاسم نام
نوره راحت بعد تنام وكل واحد راح غرفته
في جناح نوره جت رساله لاتلفونها : سلام عليكم
نوره عقدت حواجبها : وعليكم السلام
عبد العزيز : كيفك
نوره : بخير
عبد العزيز : عادي اتصل
نوره : لا انا نسيت ما اعطيك بلوك
عبد العزيز : تكفين نوره لاتبلكيني
نوره : عبد العزيز انت تدري بعائلتنا شلون اهيا لو عرفون انك تكلمني بيذبحوني
عبد العزيز : لا بسم الله عليك ماحد بيعلم أن شاء الله
نوره : زين الحين شتبي وليه ماخذ رقمي ويش في خاطرك
عبد العزيز : بقول لك ليه ماخذه بس اتصل
نوره : فيني نوم الحين بس طيب دق
دق عليها عبد العزيز وبعد السلام قالت
نوره : هاه ويش موضوعك
عبد العزيز : بتكلم بس ياليت ماتعصبين وتبلكيني
نوره : تمام مابسوي شي
عبد العزيز : احلفي
نوره : أن شاء الله
عبد العزيز : لا احلفني ووعديني
نوره : وعد مااحضرك يلا قول
عبد العزيز : تعرفين لما شفتك انتي والبنات
نوره : اي
عبد العزيز : صح اني ماشفت الا عيونك بس يشهد الله علي انك اخذتي قلبي وروحي واني حبيتك وأبيك ومابي غيرك ووعد مني لااخليك بعيوني وماافرط بك ولما اتقدم لك الشرطي وتدللي وإذا طلبتيني شي مابقول الا سمعاً وطاعه والله مااردك بشي لو تبين حتى روحي ويش اسوي انا يانوره انا والله مااحب الإنسان الي يحب ورافض فكرة اني احب بنت بس ويش اسوي انتي لما شفتك حبيتك من داخل قلبي وانا ابي حبنا شريف واتقدم لك وياليت ماتردين ولد عمك
نوره بصدمه وماقدرت تقول حتى حرف واحد
عبد العزيز : نوره انتي معي شفيك
نوره : عبد العزيز انا ابي اقول لك من الحين تبي الصدق انا مااحبك ولا ابيك مو انك فيك عيب بس ماابيك والله يستر عليك وعلي ويعطيك الحرمه الي احسن مني وسكرت
