البارت 20
عبد العزيز بعد ماسكرت بوجهه وسمع كلامها انقهر وزعل وحس بضيقه بقلبه ومو قادر يكتمها حس بغصه وخلاص راح يبكي طلع من غرفته وشافته الهنوف
الهنوف : شفيك عزوز مارد عليها وطلع
وفي مكان بعيد على شاطى والهدوء العام يتواجد فيه عبد العزيز كان قاعد على الأرض ويدور في رأسه كلام نوره فجأة بكى بكى القهر
كان يقول ليه يا نوره ويش سويت انا ليه تقولين لي كذه ليه قلتي انك ماتبيني بطريقه بشعه كذه ليه يارب ايش هذا الحظ الي انا فيه ويش سويت يارب يارب انا تعبت والله تعبت ارحم عبدك يارب توقت المر من وانا صغير ولما قلت ابي استانس ترفضني البنت ويش اسوي يارب والله إنه قهر والله العلي العظيم مااخذ غير نوره مااخذ غيره حرمه لين اموت وارتاح شوي لانه بكى ونام على الأرض ولا عنده أحد والتلفون مسكر
عند نوره بعد ما قالت هذا الكلام تندمت وزعلت وكانت تقول ياربي انا ليه قلت له كذه والله حرام علي احس اني قهرته بس يارب أنا ماحبه ومابي اكذب عليه وماابي بعد يحبني لانه بيتعذب وقعدت تفكر في كلامها لين نامت
وفي الصباح
في بيت ابو عبد العزيز الوضع كان متوتر يدقون على عبد العزيز مايرد
ام عبد العزيز ببكى : ياويلي يابو عبد العزيز لاصار بولدي شي والله اموت من دونه
ابو عبد العزيز : تعوذي من الشيطان والولد مافيه شي وبخير وبيرد
ام عبد العزيز : يارب
عند عبد العزيز
صحى على الشمس في وجهه الشاحب الحزين وقام مادرى وشلون نام هني اخذ جواله بسرعه وشاف المكالمات من كل أهله دق على رقم ابوه
عبد العزيز : صباح الخير يابوي
ابو عبد العزيز : صباح النور وينك ليه ماترد ويش فيك
ام عبد العزيز : هات اولدي اتطمن عليه وخذت التلفون
ام عبد العزيز : وهي تبكي وينك ياعزوز خوفتني عليك أتعبتني ياولدي
عبد العزيز وهو يتذكر كلام نوره وقال بغصه يمه بخير الله يهداك وليه تبكين مافيني الا كل خير وبعدين انا طلعت كان عندي مهم دقون علي وماقدرت اكلمكم حتى تلوفني خلص شحن
ام عبد العزيز : الحمد لله طمنتني الله يرضا لي عليك وينك الحين
عبد العزيز : انا شوي وبجي
ام عبد العزيز : زين وسكرت
وسمعو كلهم أنه بخير وارتاحو
عند نوره
قامت وتجهزت ونزلت تحت عند اهلها
نوره : صباح الخير
الكل : صباح النور
ابو جاسم : ويش فيك للحين نايمه
نوره : والله يبه نمت متأخره كان عندي شوي شغل
ابو جاسم : زين الله يكون في عونك
نوره : يازين بيتنا وجاسم موجود
سعود وثنيان : وحنا ليه مو مالين عينك
نوره : لا لاني ماحبكم احب بس جسومي
سعود وثنيان : مالت على حضنا بس
نوره : ضحكت امزح معاكم والله اني احبكم كلكم
جاسم : ياحظي دام انتو اخواني والله اني سعيد
نوره : ياقلبي انت
ابو جاسم : يهمس لاام جاسم شفتي مااجمل اولادنا وهم يحبون بعض
ابتسمت ام جاسم : اي ياااارب أن تحفظهم
وخلصو الفطور
جاسم : يبه انا بروح عند اولاد عمي اشوفهم
ابو جاسم : زين وترا اليوم العشاء مابيتأجل
جاسم : ضحك اي ادري وطلع وراحو كلهم الا نوره قاعده بصاله
