وبعد يوم متعب ل سارا رجعت البيت ونامت
الساعة ٨:٠٠
عند عزيز وغدق ونواف
كانو جالسين في الصالة ويسولفون
ودق الجرس وسوبلا فتحت الباب وراحت عند عزيز وقالت
سوبلا: عزيز بابا عبدالله وفهد عند الباب
عزيز: طيب خليهم يدخلون المجلس
سوبلا:تمام
عزيز: بطلع أبدل
وطلع ولبس ثوب ونزل وراح المجلس
عزيز: سلام عليكم.وتقدم يقبل راس ابوه
الجد عبدالله: تسلم،اجلس
وجلس عزيز
عزيز: امرني يبه
الجد عبدالله:مايامرعليك ظالم ، حنا بندخل في الموضوع بدون مقدمات
عزيز:سم
الجد عبدالله: ابي منك تسمعني ولا تقاطعني
عزيز:ابشر
الجدعبدالله: حنا جاينك اليوم طلبين يد حفيدتي سارا ل حفيدي محمد على سنه الله ورسوله
عزيز: ماعندي بنات ل الزواج وبعدين بنتي ماتاخذ واحد مثل هذا
ماتاخذ واحد واطي وحيوان مثل ابوه
فهد:احترم نفسك
عزيز: محترم نفسي قبل لا اشوفك أنت وولدك
الجدعبدالله: كيف ما عندك بنات ل الزواج
عزيز: سارا باقي صغيرة
الجد عبدالله: شوف يا عبدالعزيز لا انا ابوك ولا انت ولدي ومتبري منك ليوم الدين ألا اذا سارا اخذت محمد
عزيز: بس يبه انا ماقدر اجبار البنت على شي
الجدعبدالله: ماخرب البنت الا الدلع الزايد والماصخ وعلم يوصلك سارا بتاخذ محمد والبنت مالها الا ولد عمها
عزيز: يب......
الجد عبدالله:وحطبه قلت الى عند والملكة بعد يومين ، يلا مشينا
وراحو
وطلع عزيز وهو بس يسب ويشتم في فهد
وطلع فوق ودخل الغرفة ورما ثوبه بالارض
وجات غدق
غدق: عزيز شفيك
كان عزيز منسدح على السرير : تعالي
وراحت له غدق وسحبها عزيز وطحت فوقه
حطت غدق يدينها على وجه عزيز وحوط عزيز خصرها
غدق: شفيك ياروحي
عزيز: اهخخ يبون ياخذونها من ياغدق
غدق: منهي
عزيز:سارا يبون يجبرونها
غدق: كيف يعني عزيز فهمني
وسرد عزيز لها كل شي
غدق:الله يسامحه عمي ليش يجبر البنت
عزيز: ماعرف شسوي احس اني ضايع
قامت غدق وراحت ل الجهه الثانيه وتربعت
غدق: تعالي .وحطت يدها على رجلها
وتقدم عزيز وانسدح على رجولها وغدق تلعب بشعره
عزيز: مابي اجبرها لكن مو بيدي
غدق: خلاص انت ارتاح
اما بنسبة ل سارا صحت الساعة ٨:٥٢
وقامت تغسل وجها وسوت سكن كير واخذت جوالها وشافت كميه الرسايل
واتصلت على خلود وصارت تسولف معها وشوي ودق الباب
سارا: اكيد هذا حبيبك
خلود:خليه يدخل وحطي سبيكر
سارا: اك ، تعال
ودخل نواف
نواف: اا سارا
سارا: لبيه
نواف:فاضية
سارا: اي تعال اكلم خلود
دخل نواف وجلس على سرير سارا : ااا فيه موضوع بكلمك فيه
سارا: اصبر بس ،خلودي بقفل
خلود:اك .وسكرت سارا
نواف: سارا جوك خطاب
سارا:من
نواف:اا محمد ولد عمي فهد
سارا:نواف بله هذي سالفة انتو تعرفون ردي انا مابيه مابيه وله وجه يجي يخطب هو وراسه المربع
نواف: بس شوفي بقول لك كل شي
سارا:قول
وسرد نواف لها كل شي
سارا بصوت باكي : نواف مابيه نواف سو اي شي مابيه مابيه
وضمها
نواف:خلاص اهدي
ومسحت سارا دموعها
ودخل عزيز
عزيز:نواف خلنا انا واختك شوي
نواف: ابشر .وطلع
عزيز:افااا من مزعل دلوعتي
سارا: بابا مابيه مابيه
عزيز: بس ياروحي انا قطعتي قلبي
وضمها
وبعد محولات من انها تهدا صارت الغرفة هدو ناظرها وشافها نايمه
عزيز:اهخخخ والله لو بيدي كان امحيه من حياتك
وباس راسها
وحط راسها على المخده وغطه ب البطنية وخفف الاضاءة
إنتهى البارت 🤍
