انا غاليه عندي 25 سنه خريجة كلية لغات وترجمه وبشتغل في شركة العزايزه صاحب الشركه يبقي سيف بيه العزايزي انا سكرتيرته الخاصه أقدر أقول اني ماسكه گل أعماله وأعرف گل ما يخص شغله وحياته الخاصه كمان
سيف بيه بيعتبرني زي بنته بظبط من ساعت ما اشتغلت عنده ويمكن قبل كده كمان وهو مقدر كل مجهوداتي في حياتي العمليه وفي الشغل ومقربني من حياته الخاصه جداً حتي أهله انا قريبه منهم اوي وببقي معا في كل الحفلات والاجتماعات واي مناسبه تخص الشغل او العيله ومن فتره قليله لقيت سيف بيه طلب يكلمني والحقيقه اني مكنتش اتخيل الموضوع اللي هيكلمني فيه ده خالص يعني انا اه ناجحه في شغلي جداً بس ده ميمنعش ان في اختلاف كبير جداً بين عيلتي وعيلة سيف بيه
سيف.. غاليه بعد ما نخلص شغل انا عازمك علي الغدا
غاليه.. خير يا فندم في حاجه ولا ايه
سيف.. خير عندي ليكي خبر المفروض يفرحك ويفرح أي بنت
غاليه.. مش فاهمه يا فندم ممكن توضح أكتر
سيف.. هنتكلم في كل حاجه علي الغدا
كنت بفكر ايه الحاجه اللي سيف بيه عاوزني فيها حاجة ايه دي اللي هتفرحني وهتفرح كل البنات في العاده انا ببقي مظبطه كل مواعيده حتي الغدي واي خروجه عائليه بيبقي عندي بيها معلومه من قبلها لكن غدا مفاجأه كدا ومقالش حتي الاسباب بوضوح غريبه
وانا بفكر لقيت باب مكتبي بيخبط
غاليه.. اتفضل
سيف.. غاليه روحي انتي البسي كده فستان شيك وظبطي نفسك وانا هبعت معاكي السواق يوصلك البيت وهيجيبك علي المطعم
غاليه.. ليه يا سيف بيه انا مش هروح كده هو دا مش غدا عمل ولا في حاجه تاني
حاولت افهم اي حاجه عن سبب الغدا بس سيف بيه أصر اني اعرف كل حاجه واحنا بنتغدا
سيف.. متستعجليش يا غاليه هتعرفي كل حاجه لما توصلي المطعم ونتكلم انا بس عاوزك تبقي زي القمر انهارده
غاليه.. حاضر يا فندم
روحت لبست فستان أسود طويل مظبوط علي عودي وعليه كعب سيبت شعري وكان مفرود لطول ضهري وعليه حلق مدور لونه سيلفر وسلسله رقيقه علي شكل قلب كنت حاطه ميگب ناعم جداً وبرفيوم ريحته هاديه روحت المكان لقيته فخم كالعاده ولقيت استاذ سيف بيستقبلني علي باب المطعم بيوديني لتربيزه عليها شاب مديني ضهره مقدرتش أعرف مين الشخص ده في الاول
سيف.. احمد ابن اخويا هيشاركنا في الغدا يا غاليه
غاليه.. اهلا استاذ احمد انبسط اني شوفت حضرتك
أحمد.. الحقيقه انا اكتر وياريت من غير حضرتك اتفضلي يا غاليه
لقيته بيقوم وبيرجعلي الكرسي عشان اقعد عليه وغير مكان قعدته وقعد قدامي وسيف بيه كان جمبي
سيف بيه طلب الغدا وكنا بناكل في صمت ومع ابتسامات خفيفه وكسر الصمت ده صوت سيف بيه
سيف.. طبعا يا غاليه انتي بتسألي نفسك ايه سبب الغدا ده وايه سبب وجود أحمد معانا وليه مكنش عندك علم بالمعاد ده
غاليه.. انا بس مستغربه لأننا متكلمناش في حاجه معينه لحد دلوقتي وفي العادي لو المقابله عائليه بتكون المدام والاولاد مع حضرتك
سيف.. الحقيقه عشان الموضوع يخصك انتي واحمد
غاليه.. يخصنا ازاي مش فاهمه
سيف.. أحمد گلمني وقالي أنه معجب بيگي من ساعت ما شافك في عيد ميلاد بنتي وانا قولتله يختبر مشاعره تجاهك عشان كده كان بيتردد علي الشركه الايام اللي فاتت وأكد عليا امبارح وطلب مني اني اتكلم معاكي
گنت بسمع كلامه ومستغربه هو ليه أحمد محاولش يكلمني ولا يبين حتي أنه معجب بيا وليه قاعد ساكت كده ومبيتكلمش دلوقتي حتي بس قولت يمكن محترم عمه وسايبه هو يتكلم بشكل رسمي خصوصا أنه عارف أن والدي متوفي ومافيش حد يتكلم معا في حاجه زي كده
سيف.. مقولتليش رأيك أيه يا غاليه
غاليه.. الحقيقه حضرتك فاجئتني يا سيف بيه اسمحلي أفكر في الموضوع وارد عليك
أحمد.. أنا مش عاوز أضغط عليكي يا غاليه بس عاوز أقولك أني معجب بيكي جداً وحاسس اني عاوز أسعدك وأگون جمبك لأخر العمر
أنت تقرأ
الحب الضائع
Romanceفتاه نشأت وحيده لا تعرف شئ عن أهلها سوي أمها فقط وقررت ان تصنع لنفسها مستقبل وحياه ناجحه
