وفي يوم واحنا عند سيف بيه في المستشفي قالنا انه عاوزنا نحدد معاد للفرح ويكون خلال الايام دي وانه اتصل بمهندس عنده يشوف مهندس ديكور يجهزلنا الشقه وهيخلصها في خلال اسبوعين
أحمد.. ايه اللي انت بتقولوا ده ياعمي ده مش وقته احنا عاوزين نطمن عليك الاول
سيف.. اسمع كلامي يا احمد انا ده هيريحني
غاليه.. سيف بيه اسمعني انا واحمد بنعتبرك ولي امرنا ينفع نفرح وانت في المستشفي وبعدين احنا لسه بدري علينا اوي ده احنا يادوب بقالنا شهر مخطوبين
سيف.. اول حاجه انا خارج انهارده من المستشفي انا عاوز اموت في بيتي
غاليه.. متقولش كده يا سيف بيه ربنا يديك طولة العمر
أحمد.. ربنا يطول في عمرك ياعمي احنا منقدرش نعيش من غيرك هتخف وهتبقي كويس واحنا جمبك ومش هنسيبك
سيف.. يبقي ريحوني انا اللي هيخففني اني افرح بيكوا واجوزكوا ارجوكي متتعبونيش معاكوا
مكنش قدامي حل انا ولا احمد غير اننا نوافق سيف بيه علي كلامه هو كان مصمم اوي واحنا منقدرش نرفض طلب لأكتر شخص حنين علينا في الدنيا
سيف.. احمد اطلع برا خلص اجراءات خروجي انا مش قادر استني مازن انا عاوز اروح زهقت من المكان ده وكمان في شغل كتير متعطل
احمد.. هو حضرتك عاوز تروح الشغل كمان مينفعش ياعمي انت تعبان
سيف.. انا مش هاجي علي نفسي وبعدين انا هقفل حاجات وهجز الشغل لأستقبالك انت ومازن انكم تديرو الفتره الجايه
أحمد.. بس ياعمي
سيف.. احمد متتعبنيش معاك وخلص الاجراءات بعد اذنك
خلصنا الاجراءات وروحنا بيت سيف بيه
مازن.. بابا انت ازاي متستنانيش اجي اخدك وانت يا احمد ازاي تخرج بابا من المستشفي من غير اذني
سيف.. ماااااازن اذن مين يا ولد هو انا عشان تعبت شويه هستأذنك ولا ايه انا خرجت من المستشفي عشان انا عاوز كده واحمد سمع كلامي ومحدش فيكوا يقدر يعصالي أمر وبعدين تقدر تقولي انت مجتش تاخدني ليه مشغول في شغلك مثلا ياريت كنت اتمني بدل الصياعه والسرمحه اللي انت فيها دي
مازن.. بابا انت ازاي تكلمني كدا قدامهم
سيف.. انا اتكلم زي ما انا عاوز انت فاهم
مازن.. ما انت لو تاخدني تحت جناحك زي ما بتعمل مع احمد كان زماني احسن من كدا بس انت راميني
سيف.. اتلكك يا فاشل نسيت الشركه اللي سلمتك ادارتها وخليت الشركه انهارت في سنه بس وكنت كل لما اكلمك وانصحك تقولي انا فاهم بعمل ايه اديك خربتها انت مبتقبلش النصيحه ومتكبر وبتيأس بسرعه عشان كده هتفضل فاشل
أحمد.. اهدي يا سيف بيه وريح دلوقتي احمد ابنك وعشمان فيك بردو مافيش مشكله لما يغلط مره
مازن.. ايه يا احمد بيه هتحنن ابويا علياا
أحمد.. ياسيدي انا غلطان انا ماشي ريح انت يا سيف بيه وهاجي اطمن عليك بكره يلا يا غاليه بع
غاليه.. هو في ايه بينك وبين مازن يا احمد
أحمد.. قصه طويله
غاليه.. احكيهالي انا مش خطيبتك وهبقي مراتك احكيلي
أحمد.. كل الحكايه ان زمان ابويا اللي كان داير الشركه دي وكان ناجح في شغله جداً وكانت ثروته گبيره جداً وكان بيحب جدي ومتعلق بيه اوي ولما جدي مات كان بابا عمره 40 سنه وعمي كان عنده30 بابا من الزعل علي جدي مستحملش مات بعديه بست شهور وانا كنت لسه في اعدادي طبعاً كنت وارث ثروه كبيره اوي وكان المفروض أن امي عشان واصيه عليا هي اللي تتحكم في الثروه دي بس انا رفضت وخليت عمي الواصي عليا ومسألتوش علي اي حاجه من ساعتها وعمي بقي يحبني اوي وبقي يكبرني وصرف عليا في تعليمي كتير اوي مازن بقي مش قادر يستوعب ان ابوه بيصرف عليا من ارباح ورثي ومدايق اوي ان ثروتي زي ما هي ومع ذالك اتعلمت برا مصر وراكب عربيه موديل السنه وعيشتي كويسه دايما حاسس اني احسن منه خصوصا ان انا الابن الوحيد لأبويا وخدت الورث كله ليا وهو امه واخته هيشاركوه في الورث بني ادم حياته كلها فلوس وبس هو شايف ان ابوه بيحبني اكتر منه والحقيقه ان ابوه بيعوضني بس موت ابويا وبيشكرني اني مخلتش حد يتحكم في الشركه معا برا عيلة العزايزه
غاليه.. فهمتك بس انت ايه اللي خلاك تخلي عمك هو الواصي ليك مش امك
أحمد.. لأني مبتفهمش في البزنس ولا الهندسه لكن عمي مهندس وكمان لأن بعد موت بابا خالو عمل حركه مش هنساها عمري
غاليه.. عمل ايه
أحمد.. بابا كان ميت بقالوا كام ساعه ولقيت خالو جايب محامي وبيقول لأمي عاوزين نعمل اجراءات الورث انتي الواصيه علي ابنك وهتتحكمي في كل ثروته واحنا هنعجل في الاجراءات وهو سيف غرقان في حزنه وميلحقش كل حاجه انا سمعته واتصدمت حسيت انه مش زعلان علي بابا وطمعان في ورثه وبس وهياخدني كوبري وحسيت تلقائي ان عمي هو الحنين لأنه كان حزين علي بابا جداً
غاليه.. احمد انا فخوره بيك
احمد.. غريبه كنت متوقع منك مواساه
غاليه.. انت كنت راجل من صغرك في ظل موت باباك وانت الطبيعي تكون مصدوم ومنهار ركزت في كلام خالك واستوعبت انه مطماع مواجهتش معيطتش ولازعقت انت فكرت وخدت قرار صح في سن صغير
احمد وهو بيضحك.. الحقيقه اني اتخانقت وزعقت وضربت خالي وحكيت لعمي اللي حصل وهددتهم اننا لو روحنا المحكمه هحكي اللي حصل وهفضح خالي وهطلب ان عمي اللي يبقي الواصي عليا بردو
غاليه وهي بتضحك.. كنت شجاع بردو يا احمد
أحمد.. بحبك
غاليه بكسوف.. وانا بحبك
أحمد.. طب بصيلي
غاليه.. خلاص بقي يا احمد بتكسف
أحمد.. عيوني ياست البنات يلا اوصلك
غاليه.. يلا
روحت البيت نمت عشان عندي شغل كتير مع سيف بيه بكره
صحيت تاني يوم روحت الشغل ولقيت سيف بيه في غرفة الاجتماعات وانا مستنياه لقيت شااب ريحته عمت المكان طويل وعريض لابس فورمال وشكله شيك جدا دخل عليا وقعد من غير ما حتي يستأذن
غاليه.. افندم حضرتك تؤمرني بأيه
حسام.. انا حسام مهندس ديكور المهندس سيف طلبني عشان افرشله شقه مهمه عنده
غاليه.. اه عرفت حضرتك اهلا بيك سيف بيه في اجتماع حضرتك تقدر تستناه في مكتبه لحد ما يخلص تمام حسام.. ممكن تطلبيلي قهوه بعد اذنك
غاليه.. اكيد طبعا
فجأه لقيته بيقرب مني وفكلي التوكه وبيقولي كده أجمل بكتير جمالك ظهر
غاليه.. ايه ده يا بشمهندس ازاي تسمح لنفسك تقرب مني وتتخطي حدودك معايا
حسام.. انا بعتذر انا بس مقدرتش أشوف جمالك مستخبي بالشكل ده واسكت
أنت تقرأ
الحب الضائع
Romantikفتاه نشأت وحيده لا تعرف شئ عن أهلها سوي أمها فقط وقررت ان تصنع لنفسها مستقبل وحياه ناجحه
