الحب الضائع

البارت التالت

دخلت انا واحمد الفندق اللي كنا عاملين فيه الخطوبه لقيت المكان في منتهي الجمال كل حاجه تجنن كل الناس كانت مبسوطه وانا كنت مبسوطه جدا الحقيقه وجات لحظة تلبيس الشبكه ولقيت أحمد بيقدملي توينز سلوتير فتني من شدة جماله وبعد الشبكه ومابين ان الناس كلها بتبارك ومبسوطه لقيت مازن ابن سيف بيه بيقولي ايه يا غاليه عجبتك الشبكه
غاليه.. جداً يا استاذ مازن
مازن.. كانت هتعجبك اكتر لو كان احمد اللي جايبها
غاليه.. مش فاهمه
مازن.. يعني الخطوبه الجميله دي والشبكه الاجمل دي ابويا اللي جايبها ده كله فلووس ابويا واحمد باشا معملش حاجه ده حتي مكنش يعرف ان بابا جايب شبكه فخمه كدا هو كمان اتفاجئ مش فاهم مش كفايه بنصرف عليه هنصرف عليكي انتي گمان

قالي الكلام ده ومشي وانا اتصدمت يعني احمد مش هو اللي عامل كل ده حتي الشبكه مش جايبها ويعني ايه بيصرف عليه يعني انا هتجوز واحد عايش عاله علي عمه لا انا مقبلش ابداا الوضع ده ولا اقبل ان واحد زي مازن المغرور ده يجي ويقولي كلمتين زي دول

غاليه.. أحمد هو مين اللي جايب الشبكه دي
أحمد.. يعني ايه مين أكيد انا
غاليه.. يعني مش سيف بيه
أحمد.. مين اللي قالك
غاليه.. يعني صح سيف بيه اللي جايب الشبكه وعامل الخطوبه
أحمد.. غاليه انا عمي قالي ان الشبكه دي هدية جوازي وده عادي جداً لأنه عمي اللي مربيني وبالنسبه للخطوبه انا عرفت انه بيهاديكي انتي بيها

غاليه.. وانت شايف ان صح ان شبكتي تبقي منه هو
أحمد.. غاليه انا نزلت جبتلك شبكتك بفلوسي وكنت هقدمهالك لقيت عمي فاجئني الصبح بالشبكه دي رفضت وقولتله انا جبت قالي انت ابني وبهاديك ترفض هديتي وانا اتحرجت ازعله لأن ده عمي اللي مربيني بعد موت والدي ومكنش ينفع اقوله لا

غاليه.. ماشي يا احمد بس هديتك كانت هتفرحني أكتر
أحمد.. وهتفرحني انا كمان أكتر
ولقيته نزل علي ركبته وقالي تقبلي تتجوزيني يا أغلي حاجه في الدنيا ولبسني خاتم هو اصغر من خاتم سيف بيه بكتير بس الخاتم ده جيه بحب وشقي ده ملي عيني وقلبي اكترر

أحمد.. غاليه انا بحبك مش عارف ليه بس اول ما شوفتك حسيت أن أنتي اللي كنت بحلم بيها وحقيقي عاوز ارضيكي انا بشتغل وعمي كان عاوزني اخد نسبه من مكسب المشروع اللي انا فيه وانا رفضت عشان مش عاوز مجاملات في الشغل عاوز ابني بيتي بتعبي عاوز اسعدك بكل جنيه انا شقيت بيه برغم ان والدي شريك في الشركه دي الا اني رفضت اعتمد على ورثي وقررت ابني نفسي لكن عمي رباني وحنين عليا اوي يا غاليه بخجل اني ارفضله طلب فهماني

غاليه.. بحبك
أحمد.. اايه
غاليه.. بحبك
أحمد.. اول مره تقوليها
غاليه.. بص يا احمد انا اتربيت من غير أب ووالدتي متجنبه العالم كله وعاشت ليا وبس وانا من اعدادي كنت بشتغل قررت ابني نفسي كنت بتعب في الشغل وكنت بشتغل عشان بس الفلوس عشان اسد احتياجاتي لكن بعدين حبيت الشغل بقيت مش بشتغل عشان محتاجه لا بقيت ببني نفسي واطورها ببني علاقات وبخلي فكري ينضج اتعرفت علي ناس كتير ولاد رجال اعمال كبار بسبب شغلي مع سيف بيه وكنت برفضهم عارف ليه
احمد.. ليه

غاليه.. عشان مكنوش هيتعبوا في جوازتي كانت سهله بالنسبالهم غير انهم كان عاجبهم جمال غاليه جمالي اللي هيزول يا احمد مش دايم لأني هكبر وهكرمش وسناني هتقع
بس انت حبيت روحي وقلبي كتير كنت بتتغزل في صفاتي مش شكلي حبيت اللي مش هيغير فيا حبيت روحي وكمان دلوقتي انك عاوز تسعدني بجهدك ده زود قيمتك عندي انا عاوزه نبني حياتنا سوا لو هنعيش في كوخ ولا اننا نعيش في قصر بفلوس غيرنا

أحمد.. وانا بحبك وبحترم عزة نفسك وقناعتك الزياده يلا بقي نكمل حفلة خطوبتنا
غاليه.. يلا

كنا بنرقص وفرحانين اوي لقيت مازن جالي تاني وكأن خطته يدايقني
مازن.. شايفك لابسه خاتم تاني ايه احمد خطبك مرتين
غاليه.. ااه خطبني مرتين مره بحبه ليا وتعبه ومره بأحترامه للي ربا واللي كبره
مازن.. قصدك اللي بيصرف عليه
غاليه.. بيصرف عليه من فلوسه يا مازن متنساش ان الشركه دي بتاعت سيف بيه واخوه حازم بيه ابو احمد يعني احمد اتربي من ورثه
ورثه اللي سايب عمه يديره وشغال فيه موظف عشان يبقي بني نفسه بنفسه مطلعش علي كتف ابوه زي ناس عوزاك يا استاذ مازن متنساش اني سكرتيرت سيف بيه واعرف كل ما يخص الشركه

مازن.. دي شركة والدي انا هو اللي تعب فيها
غاليه.. والله دي قناعتك انت بس الواقع ان حازم بيه اكبر من والدك وهو اللي كان العمود الاساسي في بنا الشركه وابوك كان لسه طالب في المدرسه وممكن تسأله قبل ما تيجي تعمل فيها خيرك علي احمد

مازن.. انتي ازاي تكلميني كدا انتي اتجننتي
غاليه.. اياك تسمح لنفسك تكلمني كده انت فاهم بعد ازنك ياا استاذ مازن هنبسط بخطوبتي

خلصت الخطوبه واحمد خدني اتعشينا بره وروحني وطلب مني اخد بكره اجازه ونقضي اليوم مع بعض كلمت سيف بيه وانا محروجه جداً لقيته وافق ومرحب اوي وقالي اهم حاجه تنبسطوا وحقيقي كان يوم في منتهي الجمال صحيت من النوم علي مسدج جميله من احمد
كان بيقولي لو يسمحلي القمر أكون ونيسه انهارده
واول ما كلمته قالي متفطريش عشان مجهزلك يوم كامل بكل تفصيله عاوزك بس تلبسي حاجه مريحه عشان متتعبيش لبست بنطلون بوي فريند تلجي وتيشرت ابيض وشوز بيضه وشنطه كروس ولميت شعري ديل حصان خدني بالعربيه ووداني اسكندريه فطرنا هناك احلي أكلة سمك وقعدنا شويه علي البحر وبعدين دخلينا سينما وبعدها اتمشينا في الشوارع جابلي هدايا كتير واتكلمنا كتير عرفنا حاجات كتير عن بعض وقربنا من بعض اكتر اليوم ده كان يوم كل تفصيله في تجنن روحني البيت وقالي أنه بيتمني يسعدني العمر كله
روحت البيت حكيت لماما وانا مبسوطه جداً وهي كانت فرحانه اوي روحت تاني يوم الشغل كان عندي ضغط شغل بسبب التزامات كتير كانت متأجله بسببي نزلت مع سيف بيه اجتماعات كتير وفجأه لقيته تعب جداً ومش قادر يتنفس روحت بيه المستشفى واتصلت ب استاذ مازن وكامليا ولاد سيف بيه عرفت ان سيف بيه عنده كانسر في الرئتين اتصدمت وقلبي وجعني جداً جريت في الشارع زي المجنونه ازاي الانسان الطيب ده يبقي عنده مرض زي ده ازاي الشخص اللي بيقدم مساعده وحب ودعم للناس كلها يتعب كدا كلمت احمد وكنت منهاره وهو جيه علي طول روحنا لسيف بيه فضلنا معا لمدة شهر نخلص شغل الشركه ونروحله المستشفي نطمن عليه ونبقي معا لحد ما طلب مني انا واحمد طلب مكنش ده وقته ولا دي ظروف تناسبه