في ضل الجهار(المُراس)

episode.. 1

🌿بـــــــًسًمِــ آلَلَهِ آلَرحًمِــن آلَرحًـيـــّمِ🌿

"في ضل الجهار (المُراس) "

بقلمي: وتر سـكندر

...................

مَاذا أقولُ لَه ؟.
مَاذا أقولُ لَه لَو جاءَ يسألني . .
إن كنتُ أكرهه أو كنتُ أهواهُ
مَاذا أقولُ ، إذا راحتْ أصابعُه
تُلملمُ الليل عَن شعَري وترعاهُ ؟
وكيف أسمح أن يدنو بمقعدِه
وأن تنام على خُصري ذراعاهُ ؟
غَداً إذا جاءَ . . أعطيه راسئلهُ
ونُطعم النَـار أحلى مَا كتبنَاهُ ،
حَبيبّي ! هل أنا حَقاً حبيبتهُ ؟
غَدى لَدي كالشَمس ذكراهُ ،
يُشرق لَيلي إن رأيتُ مَعالمهُ
ويطيبُ نَهاري إن أصبحتُ بصوتِه ،
يَا صَفوتِي مِن البَشرِ ،
لَم يطبّ لأحدٍ غَيركُ فِي القَلبِ مَسكنهُ ،
فَأنتَ صاحِبُ المَسكنِ و أنيسَهُ .

..........................

في سنه 1983

بتول::- كملت الغدا ورحت صليت واني ادعي ربي صار عندي هل دعااء جزء من صلاتي وحياتي.
ربي يرزقني حتى لو بطفل واحد صار 12 سنه من تزوجت ولحد هسه ماعندي اي طفل ولا احبل ماعرف اذا الخلل مني او من زوجي حسن كم مره سوينه تحليل بس ماكو اي خلل بينه الثنين مابينه شي سلمنه امرنا لربنا وگعدنا ننتضر الله يرزقنا بطفل.. ومن بعد صبرر طوويل الله باوع علينا ورزقنا بنت ابوها سماهه غزل كللش فرحت بيها صارت روحي من الدنيا غزالتي

وبعد سنتين هم اجاني ولد سميته آمون وبعد آمون اجاني توم بنات وحده اسمها فاطمه والثانيه تقى

كبرو اطفالي وكبر خووفي على آمون
الي شلع گلبي ولا يخااف حتى كلامي مايسمعه مايخاف مني لأن مدللته حييل بس هوه ولد عندي.. يخاف من ابوه لأن شويه عصبي

وعلى سيرة آمون دخل للبيت كله تراب اكييد متعارك كلعاده هجج المنطقه الجار الي مايعجبه يسويله مشااكل حتى يشيله وكم مره سوالنه مصيبه راد يروح بيها وهوه كل عمره هسه 12 هذا من يكبرر شلوون ويااه؟؟

_ هااا شمسوي من المصايب انووب ولك ماجووز يوميه مكتول موو شلعتت گلبي

:- شحده ليطخني غيير ارجعه بأم***

فتحت عيوني بصدمه على اللفضه الي لفضها رحت عليه لزمته من حلگه فركته
_ هااي منين اجيب هاي اللفاض ووولك هااي اللفاض ولد الشووارع منين جايبها شووف والسماك آمون اكضبك اصلخك صلخ بس اسمعك تتلفض بهيج اللفاض مرره ثانيه خل يسمعك ابووك ألا يموتك

خنس بس گتله اگول لأبوك اخذته للحمام سبحته لو شگد مايسبح بس يطلع باب الحوش يجيني وصخخخ تعببني هل ولد كللش وخايفه على يوم يسويلي مصيبه اكبرر من عدنه ....