🌿بـــــــًسًمِــ آلَلَهِ آلَرحًمِــن آلَرحًـيـــّمِ🌿
"في ضل الجهار (المُراس) "
بقلمي: وتر سـكندر
.......................
عيناك لوحة عشق لفها السحرُ
يغفو ويصحو على اهدابها القمرُ
في رمشها ألّف العصفور أغنيةً
وبين احداقها يُستعذب السّفرُ
....................
« عشـق »
::- گعدت على صوت اذان الفجر الجامع قرريب .. و انفاااس قرريبه. على رگبتي وأيدين مطوقتنيي.
عرفته آمون من عطره گلبي گام يدگ سرييع شجابه يمي شلون حاضني ونايم
وخرت ايده بهدوء حتى ليگعد ونسحبت منه ماخليته يحس علي
وطلعت من الغرفه رحت للحمام توضيت
ورجعت للغرفه مديت المصلايه وصليت
ضليت گاعده عل مصلايه متحركت واني احچي ويه نفسي.. معقوله الي جاي اسوي يغضب ربي ومد يخليني ارتااح لان وافقت اتزووجه اخذت زوج بنت عمي حراام علي ........
بس ربي يعرف شنو بداخلي وشنو نيتي مو أذيه اله او ادمر زواجه ........
گمت لميت المصلايه ورجعت للچربايه
تمددت ؏طارفهه باوعت على آمون
نايم ملامحه راخيه مبين تعبان انتبهت على ضربه فوگ حاجبه صايره حمرره
مديت ايدي لمستها عقچ وجها وداره لصفحه الثانيه.....
ضليت گاعده للصبح مجاني نووم طلعت الشمس واني گاعده گمت طلعت رحت للمطبخ سويت ريوگ وگعدت الحجيه متعجبه بيه شلون گاعده قبلهاا
رحت على آمون ميقبل يگعد عفته نايم
گعدنه نتيرگ اني والحجيه
شويه وطلع
:- صباح الخيير.
مريم_ صباح النور تعاال اگعد تريگ.
راح غسل واجه گعد صبيتله چاي
:- منو مسوي الچااي.
عشق _ انيي
:- مو اگول مو نفس چاي الحجيه.
عشق_ ليش موطيب؟؟
:- لا لا طيب.
مريم_ شبي وجهك؟؟
:-مابيه شي
مريم_ اچذب علي ترره مبين مضروب.
:- تعاركت اني وهذا الخايس عفته بتالي رووح عاد هوه هل يجوز اذا ماطلع رووحه.
مريم_ مو نحلت السالفه ليش رجعتو تتعاركون ..؟!
:- هوه يتحكحك چنه چلب مشروگه اذنه
مريم_ آموون تعلمني بييك يعني تقنعني انته ماتحارشت بيه.
:- ولا اتقربت عليه هوه بده واخذ المقسووم.
آمون يحچي والحجيه ممصدگه بيه وحتى اني اشك هوه الي تحاارش بيه
الحجيه راحت على بيت الجيران ماعرف شصاير عدهم سمعت صيااح..
واني گمت عزلت المطبخ والبيت اذن الضهر ورحت صليت........
أنت تقرأ
في ضل الجهار(المُراس)
Mystery / Thrillerفي ضل الجهار...... (المُراس) " لاَ مَرسى لنا ؛ نحنُ السُـفن التي لا تَستسلم للمُراس " في طريق مليئ بلعقبات هل يوجد طريق يؤدي الى السلام... ام ان هناك من اختصر طريقي وألجأني اليه ؟؟؟؟؟ هناك من يصارع حتى يحتفض بنبضات قلبه... حتى لا يجعل دقات قل...
