"මං හරී "
ඈත පේන කඳුකර දර්ශනය දිහා බැල්කනියට වෙලා බලන් උන්න මං ආපස්සට හැරුණෙ එයාගෙ හුරතල් කටහඬට....එයා වොශ් දාන් ඇවිත්..... මං අත්වැටට හේත්තු වෙලා පපුව උඩින් අත් දෙක බැඳ ගත්තා....එයා ඇඳං උන්න සුදු පාට පිජාමා කිට් එකට එයාව තව පුංචි වෙලා හුරතල් වෙලා පේනවා....අර දිග කොණ්ඩෙ එක්ක ඔට්ටු වෙලා ඒක උඩට කරලා බැඳ ගත්ත එයා දිහා ලෝභ කමේ බලං උන්න මං ඒ හිස අතගාගෙනම බාත්රූම් එක පැත්තට ආවා....එතන එයා දිහා බලන් උන්්නොත් දිගටම බලාගෙනම ඉන්න හිතෙයි....ඒ තරං ලස්සන රූපයක්..
"මං කෑම ඕඩර් කලා තව ටිකකිං එයි...."
කියාගෙනම ටවල් එකයි සුදු පාට ශෝටක් එක්ක මෙරූන් පාට ටී එකක් අරන් මං බාත්රූම් එකට වැදුනා..
____________________________"මෙතනට ඈත ලස්සනට පේනවා නේ..?"
කාලා බීලා ඉවර වෙලා බැල්කනියෙ ඉඳන් කොෆි එකක් බොන අතරෙ හසංගනා කිව්වෙ...එයාට ඕන වුණේ සීනි වැඩි කොෆි එකක්...මං නං කොෆි එකට සීනි ගොඩක් වැඩි වෙනවට ආස නෑ...
කලින් උඩට කරලා බැඳගෙන උන්න කොණ්ඩෙ ආයෙ පිට දිගට වැටිලා..හුලඟට එහෙ මෙහෙ යන කොණ්ඩ ගහක් දෙකක් ඇවිත් මගෙ ඇඟෙත් එතිලා...එයා දන්නෙ නෑ...එයා ඈත පේන ලයිට් එලි පත්තු වෙන කඳුකරේ දිහා බලන් ඉන්නවා...ඒ මූණෙ හිනාවක් යන්තමට ඇඳිලා...මං දිගටම බලං හිටියෙ ඒ පැත්තකට පේන මූණ දිහා....
"හ්ම් ලස්සනයි තමා..."
එයා මං දිහා බලද්දි ම මං අහක බැලුවා....
බැල්කනියට වෙලා ඉඳලා අපි ඇඳං වලට ආවා....ඒ රූම් එකේ තිබ්බෙ සිංගල් බෙඩ් දෙකක්....කර්ට්න් වලින් පෙරිලා එන්න තරම් එළියක් අටවක හඳට තිබුනෙ නැති නිසා වෙන්නැති කාමරේ ටිකක් කලුවර ගතියයි...බිත්තිය පැත්තට පිටුපාලා හැරෙද්දිම මට මුණ ගැහුණෙ අඩ අන්දකාරේ දිලිසෙන හසංගනාගෙ ඇස් දෙක....එයා එහෙමම බලං ඉද්දි මටත් නොදැනීම මං ඒ ඇස් දිහා බලං උන්නා....
කීයට නින්ද ගියාදෝ දන්නෙ නෑ...මං නින්ද යනකන්ම බලං හිටියා....රෑ හීනෙනුත් ඒ ඇස් හොල්මන් කරද්දි උදේ හිරි ගඩු පිපෙන සීතල මැදින් ඇහැරෙද්දිත් ඒ ඇස් මට මුණගැහුනා.....
YOU ARE READING
හසංගනා (Still Ongoing-slow Update)
Romanceමට හීන ගේන අංගනාවී පෙරදාක ඇයිද නාවේ නොකියා කියූ දේ තේරුණා.... ඒ රිදුම් නිවී මා හදේ ඈ ළඟින් රැඳීලා වගේ සීරුවෙන් ළයේ පෙම් මල් පීදුනා.... මා නුඹෙ නෙත් මානෙම ඉන්නම් මුව සරසන් සුසුමක් ගානෙ හිඳී නම්... මෙ'හිත සනසන් හැඟුමන් මාගෙ විඳී නම් නුඹ එනකන් මොහොතක්...