ان النجاح لا يتطلب عذرا
والفشل لا يترك اي مبررات
ابو سلطان بعصبيه :وش الي سمعته
فيصل :يبه خليني أفهمك الموضوع
فهد:يبه اسمعنا اول
ابو سلطان :بسرعه قولوا وش الموضوع
جلس فيصل يقول حق ابوه كل شي
ابو سلطان بعصبيه:أنا لازم اقول حق سلطان ..فيصل روح ناد لي سلطان خله يجيني المجلس
فهد:خليني أروح أنا يبه
ابو سلطان:لا خل فيصل أعرفك بتدخل و بتعفسهم
راح فيصل ينادي سلطان
فيصل :سلطان ابوي يبيك في المجلس
سلطان وهو يشوف وجه فيصل حس ان في سالفه:وش صاير لا تخوفني
فيصل:ما صار إلا كل خير روح قبل يعصب ابوي زياده
راحو المجلس
سلطان يقبل راس ابوه :آمر يبه
ابو سلطان:ما يامر عليك ظالم ...اسمعني لازم توقف أمرتك عند حدها إلا عيال سيف ماحد يقرب منهم ولا احد يحاول يضرهم الي يحاول بس يمس شعره منهم والله ما يجلس في بيتي
سلطان بخوف:يبه وش صاير وش مسويه مرتي
ابو سلطان:قاله السالفه.... ترضاها على بنت عمك
سلطان بعصبيه :لا والله ما ارضها أنا اعلمك فيها ما تجلس عندي دقيقه
ابو سلطان :نادها جنبي كلمها
سلطان:فيصل نادها انت احسن لان لو أنا مسكتها بذبحها
فيصل :ابشر
راح فيصل حق امه :يمه نادي مرت سلطان وقولي لها تجي المجلس
ام سلطان:ان شاءالله
راحت لها وقالت لها تروح المجلس وراحت
فاديه بدلع ماصخ:هلا عمي جات تبي تقبل رأسه بعدها عن بالعصا
فاديه:ليه ياعمي بسلم عليك
ابو سلطان:مابي سلامك الي يحاول يضر عيال سيف لا يجي يحاكيني
فاديه:وصلت لك العلم نقالة الحكي
أبو سلطان:يعني الكلام الي وصلني صح
فاديه تتصنع البكي:عمي اه ..تبكي اكثر.. ما سويت ..ل لها شي هي تتبلى علي
أبو سلطان بعصبيه :انتو كلكم بنات اخوي وما ارضاً عليكم بس إلا الغلط ما احبه و عيال سيف حط احمر
سلطان:أنا محترمك عشان أبوي ولا أنتي ما تستاهلين الاحترام وأنتي طا....
فاديه قاطعته :أنا حامل
سلطان :كيف و متى
فاديه وهي تتصنع البكي:لي كذا أسبوعين ادري كنت أبي أسويها مفاجأه بس انت خربتها
سلطان وهو في حيره ما يقدر يعيش معها اكثر وكيف احين هي حامل في ولده الي كان يتمنه جلس وهو ساكت ماعلق
أبو سلطان:مبروك يا بنتي الله يتمم لك على خير بس انتبهي تكررين الي سويته مرا ثانيه صدقيني مارح اسكت لو يطلع أبوي من قبره
فاديه جات تقبل راس أبو سلطان:اسفه عمي إن شاء الله ما تتكرر طلعت من المجلس
أبو سلطان :يا سلطان هدي نفسك عطها فرصه ان شاءالله تكون قدها لان لو كررتها أنا الي مارح اسكت مو أنت بس هذي المره بسكت عشان الي في بطنها و عشان عمك ولا تصير مشكله بينا
سلطان:ان شاءالله يبه
في بيت أبو عبدالرحمن
عبدالعزيز:يمه اجل وين مريم مالها حس
أم عبدالرحمن:ماعليك منها احين تجي تزعجنا معها
عبدالعزيز:افا يمه قصدك أنا ازعاج
أم عبدالرحمن:أنت قلبي وماقدر عليك
عبدالعزيز :حسافه ماحد موجود يسمع هذا الكلام عني
إلا جات مريم
عبدالعزيز:لو طارين المليون احسن
مريم:أقول أنا احسن من المليون
عبدالعزيز :والله لو عندي مليون ما شفتي وجهي مقابل وجهك
مريم :اي واضح جالس تلمح ان تبي تتزوج
عبدالعزيز:اسكتي وش ها طاري
أم عبدالرحمن:وهي صادقه ليه ما تتزوج
عبدالعزيز:مريموه ان ما سكرتي الموضوع نفس ما فتحتيه لأعلمك
مريم بتطنيش لعبدالعزيز:آي منو تبي نخطب لك
عبدالعزيز:ليه انا جالس على قلبك
مريم:لا جالس على الأرض هههه
عبدالعزيز:ما تضحكين ابد أنا مارح أتزوج إلا لمن تتزوجين أنتي و عبدالرحمن
مريم استحت من طاري هذا :أقول مارح أتزوج بجلس عند امي
أم عبدالرحمن:مآبي احد أنا كلكم بزوجكم
عبدالعزيز:واضح الوالده تطردنا من الحين
أم عبدالرحمن: العين أوسع لكم من المكان بس ودي افرح فيكم كلكم
عبدالعزيز يحاول يسكر الموضوع :الله كريم يمه
مريم :وش رأيك توديني لغدو اتطمن عليها
عبدالعزيز:وأنتي ما تهجدين في البيت كل تبين تدورين في البيوت
أم عبدالرحمن:خذها لأختك من زمان ما شافتها وين تدور كل جالسه في البيت وهواش معك
عبدالعزيز :طيب خمس دقايق و أشوفك جاهزه سامعه
مريم بركض:ابشر
بعد خمس دقايق
عبدالعزيز:ما صارت ترا مو رايحه عرس
جات مريم :خلصت خلصت جلست تتغطى
عبدالعزيز:تغطي عدل مو احين أشوف شي طالع
مريم :شوف شوف تغطيت عدل
عبدالعزيز:إي يلا يلا
وصلو بيت أبو سلطان ضربت الباب فتحت لها وضحى بينت من طرف الباب شافها عبدالعزيز وصد و في نفس اللحظه جا فهد وشاف ان وضحى تبين من فتحت الباب ناظر في عبدالعزيز شافه صاد ومريم دخلت عبدالعزيز:هلا والله في فهد الي ما ينشاف
فهد يحاول يهدي من نفسه:أهلين فيك موجود أنت الي مختفي
عبدالعزيز :والله تعرف أنت وضع الدوام
فهد :حياك ادخل تقهوى معي
عبدالعزيز :لا مرا ثانيه احين والله بروح أريح تعبان
فهد:تم مرا ثانيه مافي اعذار
عبدالعزيز:ابشر يلا مع سلامه
راح عبدالعزيز و فهد دخل البيت
فهد:يا أهل البيت
كانت وضحى في المطبخ هي ومريم يجهزون القهوه
مريم:روحي شوفي وش يبي
وضحى:ليه أنا اروح
مريم : أكيد ماتبين تخليني أنا اطلع
وضحى:أف طيب بروح
تغطت راحت تشوف وش يبي
وضحى بعصبيه :امر وش بغيت
فهد:اولاً شدعوا لي ساعه أنادي ماحد جا ثانيا وش هذا الأسلوب وش فيك معصبه
وضحى بتأفف :كنت مشغوله خلصت الي في يدي وجيتك اخلص وش تبي بروح أكمل شغلي لا تجي أمي وأنا ما خلصت وتعصب علي
فهد وهو متعمد يستفزها:شدعوا يابنت العم معصبه أبي تسوين لي شاي أبي أروق عليه وأي إذا سويتي شاي جيبيه المجلس بقولك شي
وضحى بفضول :وش بتقولي
فهد:تركي عنك القافه روحي سوي شاي و قولك
وضحى :أف طيب
راحت المطبخ
مريم :وش كان يبي منك
وضحى:يبي اسوي له شاي و يقول بيقولي شي
مريم بغمزه :وش تتوقعين بيقولك
وضحى ضربت مريم :وش يعني بيقولي تلاقينه مارح يقول شي بس عشان اسوي له شاي
جلست تسوي شاي خلصت وراحت بتودي له شاي ضربت باب المجلس وقام فتح الباب لها
فهد:تسلم يدك
وضحى:الله يسلمك وش بقيت بسرعه عشان اطلع أكمل شغلي
فهد جلس يكلمها بجديه:اسمعي مرا ثانيه إذا جيتي تفتحين الباب لا تصيرين في وجه الباب صيري على جنب عشان ما احد يشوفك سامعه
وضحى بصدمه لان اول مرا يكلمها بهذي طريقه:سامعه ما يحتاج تعصب ترا افهم راحت وهي فيها البكيه فهد أنصدم ان ما عصب عليها ليه تبكي حس بتأنيب الضمير بعدين حس ان مالها داعي تزعل هو معصب راح يكمل الشاي بروقان
