الحياة مليئة بالحجارة فلا تتعثر بها بل اجمعها وابن بها سلماً تصعد به نحو النجاح.
بعد يومين من دون احداث تذكر
يوم الكشته الصباح
في بيت أبو عماد
أم عماد:أف أنا قلت لك جمعات اهلك ما حبها بس لازم تسوي فيها قدامهم
أبو عماد:اجل تبين اخوي يطلبني ورده
ونس :يبه كل شي جاهز
أبو عماد:روحي قولي حق قصي يحملهم في سياره
ونس:ان شاءالله يبه
ونس راحت حق قصي
ونس :قصي أبوي يقولك ..
قصي:اخلصي وش يبي أبوي
ونس:أمم
قصي مسكها من شعرها:بتقولين ولا
ونس:خلاص خلاص بقولك بس اترك شعري
قصي ترك شعرها:أي يلا خلصي
ونس:أي أبوي يبيك تحمل الأغراض في سياره عشان ما نتأخر على عمامي
قصي:يلا احين يجي
جات العنود:قصي أبوي يقول وش تسوي للحين ما حملت الأغراض في سياره بسرعه قبل يعصب أبوي عليك
قصي:يلا يلا احين يجي اخرتني ونس
العنود:يلا يلا بسرعه عشان ما نتأخر على عمامي
في بيت أبو عبدالرحمن
مريم:يمه تكفين اقنعي عبدالرحمن نروح معهم
أم عبدالرحمن:وش اسوي اخوك مو راضي يقول ان هم بس عايلتهم
مريم:يمه عادي هم يبونا معهم عادي تكفين يمه مليت من البيت
جا عبدالعزيز:وش جالسه تسوون؟
مريم وهي زعلانه:عزوز تكفى اقنع دحوم نروح معهم
عبدالعزيز:لا وش نسوي نروح معهم مع جمعه عايله
مريم:تكفى عزوز اقنع دحوم والله إني مليت من البيت أبي اجلس مع بنات تكفى انتو ما تحسون كل برا البيت مو أنا كل جالسه في البيت انتو ما تحسون فيني قامت وهي تبكي راحت غرفتها
عبدالعزيز:من جدها بكت
أم عبدالرحمن :وين ما تبكي كانت متحمسه امس وجا عبدالرحمن وقال لا مافي روحه
عبدالعزيز:خلاص يمه بروح أشوف عبدالرحمن بحاول فيه ان شاء الله يرضا
راح عبدالعزيز غرفه عبدالرحمن
عبدالعزيز ضرب الباب على عبدالرحمن
عبدالرحمن:ادخل
عبدالعزيز دخل :هلا
عبدالرحمن:غريبه جاي أكيد تبي شي اخلص
عبدالعزيز:صراحه امي ومريم يبون يروحون يقولون بخاطرهم يغيرون جو
عبدالرحمن:بس
عبدالعزيز:بس وش ترا من زمان هم ما طلعناهم
عبدالرحمن:خلاص قولو لهم يتجهزون
عبدالعزيز راح قبل راس عبدالرحمن:ما تقصر ياخوي
عبدالرحمن :قول لهم بسرعه لا يطولون
راح عبدالعزيز حق مريم ضرب الباب
مريم وهي تبكي:مآبي احد يدخل
عبدالعزيز دخل
مريم :أف أقول مابي احد ما تفهم
عبدالعزيز:خلاص كيفك بقول حق عبدالرحمن مو لازم نروح
مريم نقزت:وش رضا ..في ذمتك رضا
عبدالعزيز:أي رضا احم أنا قنعته يلا قومي جهزي الأغراض بسرعه عشان ما نتأخر
مريم :يلا احين بقوم
في بيت أبو سلطان
في المطبخ جالسين يرتبون الاغراض
وضحى:يمه شوفي بس أحط الدلال هذولي
أم سلطان:أي وحطي ثنتين زياده عشان إذا قالو يبون زياده
وضحى:ابشري يمه
غاده :يمه وش باقي ما جهزناه
أم سلطان:خلصنا كل شي ورحي ريحي
غاده:يمه والله أني مرتاحه أصلا ما خليتوني اجهز معكم شي
أم سلطان:ما يحتاج وضحى ما قصرت ما خلت شي كل شي جهزته
غاده:سنعه وضحى يلا وضحى تدريب لك عشان إذا تزوجتي
وضحى استحت وحمرة خدودها
غاده:ما اقدر على الي يستحون
وضحى:أقول روحي نزلي أغراضك مو تقولين نسيتي شي
غاده:ليه بننام هناك
وضحى:أي كل مرا نروح ننام
غاده:ما كنت ادري أف بروح اجهز أغراضي اجل بسرعه
وضحى بضحك:لا تطولين ترا بنمشي ونخليك
غاده:أي ما راح اطول
جات لهم فاديه :عمتي تحتاجين شي
وضحى بصوت خافت ما سمعت غير غاده:تو ناس
أم سلطان:خلاص خلصنا كل شي ما قصرت وضحى
فاديه:أي يعطيها العافيه أنا كنت راح أجي أساعدك بس تعرفين عمتي تعبت مع الحمل توني في البدايه ما يصير أتحرك كثير
أم سلطان:أي روحي ريحي على ما يقولون بيمشون
فاديه:أي يلا بروح
راحت فاديه
غاده بضحك تقلد فاديه:أي يلا أنا بروح
وضحى وهي تضحك:أقول بسرعه يلا روحي جهزي أغراضك
غاده:أي يلا بروح
راحت غاده تجهز أغراضها
جا فارس و فهد:يالله يالله
وضحى تغطت
ام سلطان:تعالو مافي احد
فارس :هلا هلا يشيخه الحريم كلهم
استحت أم سلطان:أنا أقول تعال شيل الأغراض احسن
فهد:أقول خل امي تعال ساعدني
فارس:أي يلا يجي
وضحى:فارس تعال خذ هذا الكرتون في البيالات وكل شي انتبه لا ينكسر شي
فهد:خلاص أنا باخذه روح أنت شي الباقي
فارس:خلاص تم
جلسو يشيلون الأغراض
أبو سلطان جا :يلا يا حريم تجهزو بنمشي احين
أم سلطان :يلا تمام
وضحى راحت تلبس عبايتها وطلعت جات فاديه و غاده
فيصل:يلا طلعو
تقسيم سيارات
سياره وليد معه في مرتبه الي جنبه أبوه وخلفهم وأم وليد و ام أوس وام غيث في المرتبه الي خلفهم الهنوف ووجود و ونس وسليمان و سلمان
سياره فهد معه في مرتبه الي جنبه فارس وخلفهم وضحى ومريم وجنات وخلفهم غيم و العنود و غرور
سياره أحمد معه في المرتبه عبدالرحمن و خلفهم. غيث و عبدالعزيز و قصي وفي الخلف أوس و سعود
سياره فيصل معه في المرتبه أبو سلطان و خلفهم أم سلطان و سلطان وخلفهم وغاده وأم عبدالرحمن وفاديه
سياره عماد معه في المرتبه أبو عماد وخلفهم ام عماد و وليف و عفاف
