_انت اتجننت يا ادهم جايب بنات في البيت... انت ازاي تعمل كده هي دي اخلاقتنا وتربيتنا.... حرام عليك يا اخي دا انت عندك اخت بنت
هدر بهذة الكلمات الغاضبه ابن عم والصديق الوحيد لبطلنا عندما دلف لمنزل ادهم بالمفتاح الخاص به ووجد فتاه شابه تنام على احدى الارائك بملابس النوم خاصتها....... حاول ادهم السيطره على اعصابه من هذا الموقف المحرج الذي أُوقع به قائلا
_ يا بني اهدى واسمعني... مش زي ما انت فاهم يا طاهر صدقني
قاطعه طاهر هادرا بغضب: انت عارف لو حد من اهلنا عرف هيعملوا اي...... زفر بضيق وهو يحاول ان يشيخ نظره عن كتفها العاري الذي ظهر من اعلى ملابسها: استغفر الله العظيم..... انت لازم تتجوز البنت دي يا ادهم لازم تصلح غلطتك
اتسعت عين ادهم بصدمه من هذا الحديث قائلا بضيق: اتجوز مين يا بني انت مجنو-ن... اقعد وافهمني انا مش ناقصك يا طاهر
شدد على قبضته وهو يغمض عينيه بنفاذ صبر قائلا بنبره حاده: هي كلمه يا ادهم هتتجوز البنت دي وتصلح غلطتك ولا لا
_لا...
_يبقى ولا انت ابن عم ولا اعرفك.... وحد الله بيني وبينك يوم الدين سلام
فُتح فاهه من هول الصدمه وهو يحول نظره بين هذا الذي خرج من المنزل سريعا صافعا الباب من خلفه بقوه وهذه التي لا زالت تنام مغشيا عليه بعد ما حدث بينهم منذ قليل........
**********************************
_ البت دي احنا لازم نخلص منها في اسرع وقت.... كل يوم بتقوى اكتر من اليوم اللي قبله
_ منا قلتلك من الاول سيبهالي انا هتصرف معاها
نظر الاب نحوه بسخريه قائلا: منا سيبتهالك زمان... لو ناسي بص للعلامه اللي في وشك وهي تفكرك
وضع يده على وجهه متفحصا ذلك الجرح الطولي الذي يظهر على احد خديه بوضوح واعتلى الغضب وجهه قائلا بصوت تملؤه الرغبه في الانتقا-م
_لا مش ناسي يابا بس غِزلان دي هتبقى بتاعتي برضاها او غصب عنها...... عملالي فيها راجل وواقفه قصادي انا هوريك انا هعمل فيها اي
نظر نحوه بضيق بسبب غروره وتسرعه قائلا بملل: انا ميهمنيش دا كلو... انا كل اللي يهمني البيت والمحل وبس...... ثم اكمل بمكر: الباقي بقا ليك انت يا زينة الرجال
تقابلت نظراتهم سويا وقد فهم ما يُرمي عليه من الكلام فإنطلقت ضحكاتهم سويا.......
**********************************
#رواية_الليله_يا_سَمره
#الكاتبه_سهيله_عاشور
رأيكم ؟
قولوا في الكومنتات توقاعتكم لفكرة الروايه
