الـــتــحـــذيــر!

برأيك هل يمكن أن نتفاهم؟-بارت 1

تجاهلو الاخطاء
مشاهده ممتعه ✨
(ليلة مظلمه و فرحان يسوق سيارته و يلحق الاب صادق لكن منهو الاب صادق و ليه فرحان يتبعه؟....تبعه فرحان لين صدم سيارته و نزل الاب صادق يشوف سيارته و جاء فرحان طع..نه لحد ما مات و حذف ثلاث قروش عليه و صوره بكاميرته و ركب سيارته وراح نطلع من اليوم المشؤوم ذا و نروح ل حي شينغراكلي كانت الفرحانه مليانه المكان كان وقتها زواج وحده من بنات الحي)
العروس:حليت الموضوع؟
العريس:شيسو...سيركاي ابي حل الموضوع؟
شيسو:هاه..انا سالته قال الموضوع ذا مايقدر عليه
العريس:انت شتقول كيف مايقدر عليه! زوجتي تقول ماني منزفه الا بسفينه!!
شيسو:يقول ما تمشي على البر شسوي!! كيف بنمشي القارب على الارض
العروس:ايه وش قال؟
العريس:قال ما تمشي على البر
العروس:اذا القارب مايمشي معناته علاقتنا ماهي ماشيه
العريس:حبيبي شتقولين انتي! بكرا عرس!
العروس:مافي عرس ولاشي ماني متزوجه كنسل
العريس:وقفي!
(لحقها و يوم لحقها شافو هم الاثنين مليون واحد يسحب القارب و سيركاي حبيبنا متكي فوق القارب)
العريس:ياخي شيسو ذي المواضيع ما تنمزح فيهاا
(ضحك)
سيركاي:قالو في عرس و العروس تبي قارب....ها شرايك عجبك؟
العروس كانت فرحانه بزياده
العريس:والله سيركاي السفينه خيال بس العروس تقول ماتبي تتزوج
(لفت عليه)
العروس:مين..انا؟؟
(نزل سيركاي من القارب)
سيركاي:يلا خلاص تفرقو بكرا العرس
العريس:انتبه لا تتاخر ترا ماهم بادين العرس الا اذا وصلت
سيركاي:طيب معليك
(نروح ل الفريق التعبان استغفر الله باتو و دينيز و هاليت هاليت ذا يعتبر بمقام ابو دينيز و باتو خوي دينيز و كلهم شرطيين و كانو كلهم قاعدين بالسيارة قدام مقمرة سيركاي)
هاليت:اهدا شوي انت شفيك
دينيز:.....
باتو:اخي لين متى بننتظر مرت ساعه و حنا ننتظر
هاليت:مانقدر ندخل الا اذا وصلو الفريق انت ماتدري كم واحد جوا؟
دينيز:اكيد بيهرب ال**
(يقصد سيركاي😭)
باتو:هذي اكيد! لين يوصل الفريق بيهرب
(والله دينيز ماهمه احد فتح الباب و نزل بيروح بيدخل)
هاليت:هيييهه!! وين رايح دينيز!! باتو انا ** بدماغك ذا زين!
شيهسوار:ياخي روشان اغا شرايك انت تناوب على ابن كونيا ذا سيركاي قال لا تتركونه لحاله
روشان:ليه ما انت تناوب عليه!
شيهسوار:عندي شغل صغير يا اخي شفيك انت
(كان يناظر بوستر الرقاصه الي معلق😭)
روشان:توبه استغفر الله!
شيهسوار:**
روشان:لا تسب قدامي!
(شافو دينيز جاي )
شيهسوار:اووه سيدي تفضل خل نستضيفك
(فتح الستاره)
شيهسوار:عند الاولاد برنامج عزف
دينيز:انا ماجيت اتابع العرض ذا ياخوي
(فتح الستاره الي ورا روشان)
روشان:يا سيدي ذا مستودع و وصخ اخاف توصخ ملابسك لا سمح الله
دينيز:افتح الباب
شيهسوار:ماعندي مفتاح
روشان ارسل ل سيركاي
(و دينيز حبيبي كسر الباب بالسلا..ح و دخل جوا المقمره و اخذ عصا)
دينيز:سيركااايي كووشوومم انا جييت
(كوشوم=عصفوري)
سيركاي مستجم و ساكت
دينيز:وين صاحبكم؟ ماراح تقولون؟ كيفكم
(كسر كل الموجود)
دينيز:وشفيكم كشرتو؟ لا تكون جديده ب بفلوس حرام بعد
الحارس:سيدي لا تسويها حنا مستعدين ننال عقابنا مهما كان
(طلع سلا..حه و اطلق بالسقف و قام سيركاي من مكانه و راح لدينيز)
سيركاي بضحك:ياخي انت عطوك سلا..ح بس ماعلموك كيف تستعمله تطلق يمين و يسار بعدين ماله داعي الي كسرته لو دقيت كان جيت
دينيز:وش جاك؟ لا يكون زعلت عشاني كسرت العابك
سيركاي:انت تبي تجرحني شكلك اذا تبي فلوس علمني اعطيك
دينيز:لا انا مابي فلوس..ابيك انت
الكاتبه:بكرا يبي اخته😭
دينيز و هو يشد الكلبشات:لا يكون عورتك
سيركاي:هه بلعكس تعجبني ذي الاشياء
دينيز:ايه زين بتشوفها بكثره بالسجن
(تلوهم كلهم للحبس)
واحد مار من الشارع:اووه عمت مساء يا سيركاي ابي مع احترامي لك
دينيز:من قولكم اخي و احترامي ل** مليتو البلد بالمافيا
سيركاي و هو يلف على دينيز:شقصدك ب **؟
دينيز:ايه انت ال** وراك تحسست
(الصباح الي بعده دق هاليت على دينيز يساله و كذا)
هاليت:انت بالقسم وش جايبك بدري
دينيز:مارحت اصلا
هاليت:وش صار على حقك
دينيز:مافيه شي للحين بالتحقيق
باتو و هو يركض:ديينيزز جالسين يطلقون سراحه
دينيز:كم مرت ساعه بعد شلون يطلعونه !
باتو:مادري صار مشكله و المدير ساهر قال خلاص اطلقو سراحه
دينيز:اله سيركاي ب اي طريقه
(راح دينيز للمدير)
دينير:ابيك بموضوع
المدير:من ذا
دينيز:هذا الشخص يشتغل بالقمار على مستوى البلد يفتح مواقع الكترونيه و عنده حانتين ب اكسراي و تحت الحانتين له مقمرة و هو زعيم عصابه و منظم جرائم إيسكوبار التركي...مع ان شكله ما يناسب كل المواصفات الي قلتهم
المدير:لو اخذت الفاعل الصدقي و اعتقله هو طيب
دينيز:اخذته اساسا سيركاي جوا بالسجن اخذه من المقامر شغلتي و حبسكم له شغلتكم يامديري داهمنا الرجال بمكانه
المدير:وش تتوقع يطلع من المكان؟ ذا صاحب المكان المكان مسحل باسمه و كل التحقيقات عطت اسمه واعترف بكلشي ب افادته من ينظم حساب دخل المقمرة؟ هو!
دينيز:حساب الدخل؟ ٦ ضرب ٨ كم يساوي...جاوبني كم يساوي
الولد:25
دينيز:25؟ بالله عليك؟
(صفقه)
دينيز:اصلا لو كنت مجتهد لو ذره بس ماكنت تشتغل عند سيركاي
المدير:مايمديك تقنع النائب بجدول ضرب اذا تبي تمسك سيركاي جب دليل
دينيز:عشان اجيب دليل لازم تقعدون سيركاي بالحبس! ولا بيصير شي و يتحملون الذنب اخوياه...و انت ليه تضحك؟؟ ليه تضحك فرحان ؟ فرحان ان سيركاي حبسك بالسجن للابد و هو مادرا عنك
المدير:دينيز!
دينيز:ابغى منك اسبوع واحد بس او ثلاث ايام و بنظف كلشي و سيركاي ينسجن
المدير:انت ماتفهم؟ سيركاي قال انه جاء يلعب ورق ماله دخل ب اي شغل...لكن له دخل بنفس الوقت ليه؟ لان مافي دليل
دينيز:فهمت
المدير:وين رايح
دينيز:بروح اجيب الدليل دامك اطلقت سراح سيركاي
باتو:خذ
دينيز:وش ذا
باتو:انت مو قلت لي الهيه؟
دينيز:اغراض سيركاي ذي؟
باتو:ماخطر شي ثاني ببالي
(سيركاي قاعد يحتري اغراضه توصل)
سيركاي:دقو على كونيالي شوفو حل الوضع ولا لا كان لوحده اخر مره
روشان:طيب
(اول ما روشان صك الخط من كونيالي جو عصابة مسعود خطفو كونيالي)
سيركاي:ياخوي بنجلس ليله كامله عشان محفظه و جوال!
دينيز و هو يرمي كيسه اغراضه:خذ اغراضك
سيركاي:اخص دينيز انت صرت تهتم ب ذي الامور؟
دينيز:يلا ** مناك اذلف.....انا بحاول و اعرف كيف هربت من يديني
سيركاي:اول شي فندقكم ذا ماعجبني ابد بروح منه اصلا و ماعادني جاي و ثاني شي كيف هربت من يدينك؟ خل نشكر سيراي حبيبيتي
دينيز:ليه تجي؟ ماراح تجي اصلا بيجون رجال زياده و يضحون عنك انت. وسيراي ذي
سيركاي:اف دينيز تقول اسم سيراي و ان فمك وصخ مليان سبات
دينيز:رح بس رح
(ركب سيركاي سيارته)
سيركاي:اليوم الزواج؟
روشان:اليوم اليوم
سيركاي:طيب هدية العريس
روشان:هديتك جاهزه
(فتح شيهسوار الراديو. واشتغلت اغنيه)
سيركاي:الاغنيه...طف الاغنيه!!!...طفها!!
شيهسوار:مزاجنا اليوم عالي
سيركاي بصراخ:اقولك طفها!!
(وصل سيركاي ل حي شينغراكلي و العاده الي عندهم يبوسون يد سيركاي من باب الحب و التقدير)
سيركاي:ايه شسويتو
الولد:رفعنا الاشرعه على السفينه و العروس بتقعد و بتنرفع زي الشراع و هنا بيوقفون الطبالين
سيركاي:لا تطيح و تفقع عينها بس
الولد:هذا الي تبيه
سيركاي:ايه زين سوو الي تبون لكن اذا الموضوع فيه اسعاف مالي دخل ترا
(وصلو البيت و سيركاي شاف الجدار حق العماره مسكر و فيه سلالم و اشياء)
سيركاي:روشان ابي متى ينتهي ذا حولت البيت ل انشاءات
روشان:بينتهي بينتهي
(دخل سيركاي و جت عمته تسلم عليه و تشوف اذا فيه جروح او شي نروح ميسوت و كونيالي الحين)
ميسوت:ليه سموك كونيالي هذا الشكل يناسبك؟ اذكر اهل كونيا لهجتهم ثقيله
كونيالي:انا من كونيا... يعني شسوي انقل نفوسي ل كودي كوي
ميسوت:تدري ليه جابوك عندي؟
كونيالي:لا ماقالو لي شي بس اتمنى الوضع مب سيء
ميسوت:لا لا اذا انت ماتبي مافي
كونيالي:لا مابي مابي
ميسوت:سيركاي..سمعنا انه دخل ل شغل الرهان وانت الي جالس تاسس موقعه
كونيالي:صح انا
ميسوت:الكلب الي لين امس كنا نرسله يحصل ديوننا يحط عيونه على شغلها الحين؟
كونيالي:انا فهمت شتبغى...عطني كمبيوتر و شفرة النت و اقفل الموقع بعشر دقايق
ميسوت:بعت سيركاي بسرعه
كونيالي:انا ماشتغل لاحد
(جابو له لابتوب)
كونيالي:تتااءءء
كامل:تتااء وش تتاء؟
كونيالي:يعني خلصت
(فتحو الموقع لقوه مسكر و عطو كونيالي فلوس)
كونيالي:خلاص امشي؟
ميسوت:شرايك؟ اذلف!
(نرجع ل حي شينغراكلي تحديدا ببيت سيركاي)
الينا:سيركاي شرايك بشكلي؟
سيركاي:ماشاءالله ماشاءالله
الينا:خالتي انتي شتقولين؟
نيريمان:الفستان حلو و شعرك حلو بس حطي روج
الينا:خلص حقي
نيريمان:خذي حق سيراي ماتقول شي معليك
(شاف سيركاي اخوه قاعد يتابع المباراة و قعد معه و جلسو يتابعون و اولفي طول الوقت يشمق)
سيركاي:عساه خير اولفي ماراح تقول بالسلامه على الاقل؟
اولفي:........
سيركاي:وش الحركه ذي؟..قمت على الجانب الخاطئ بعد من جديد؟
(قام اولفي و تركهم)
سيركاي:شف الحركات شفها بس **
(قام لحقه و وقفتهم عمتهم)
نيريمان:سيركاي!...خله بعدين لا تسبب مشكله قبل العرس عندنا اعمال خل نتكلم عن وش بنسوي تعال اقعد!
سيركاي:طيب
نيريمان:صك التلفزيون انت بعد
(صك روشان التلفزيون)
نيريمان:تقول داهمو المكان بقي الصندوق و الحسابات **! اقولك بنتورط بنتورط
(نطلع من عندهم نروح ل شيهسوار الي راح و ما لقى كونيالي المخطوف)
سيركاي:وش الي مب موجود!! اسمعني زين لو صار بالولد ذاك شي..
(فتح الباب ولقى كونيالي)
سيركاي:وين كنت...بعدين وش الي بيدك
كونيالي:ويسكي الاغبياء
(فهم سيركاي ان كونيالي ضحك على ميسوت ولا قفل شي و اخذ ويسكي بفلوسه نروح للعرس بدا و ارسلو دينيز يتابع العرس من بعيد كان متفشل من عرسهم الهيلقي منصدم من الوضع العيال يبوسون يد سيركاي و يعطيهم فلوس و المغني بدال مايغني للعرسان يغني ل سيركاي)
سيركاي:وين اكيزومم
اكيز=تؤام
الينا:قبل شوي كنا سوا
سيركاي:من الحين ماني راقص بدونها
(دخلت حبيبتنا العرس و انتبه لها دينيز)
دينيز:اخص اخص اخخخصص مزه بحي شينغراكلي ؟ مستحيله ذي ب الاحلام ماتصير
سيركاي:سييييييرررررررراااااااي 🤩🤩🤩
دينيز:سيراي؟ الاسم مألوف
(قامت سيراي حبيبتنا ترقص و تهز و تسوي حركات  و الكل مستانس عليها و قام سيركاي يرقص مع اخته و دينيز لاحظهم و تذكر بقسم الشرطه يوم قال سيراي حبيبتي و يحسبها حبيبته صدق و خرب العرس لان جاء ميسوت)
ميسوت:سسسيررركااايي
سيركاي:دخل سلا..حك في شرطه
(كونيالي مبرمج ف اخذ مليونين من حساب ميسوت و حطها ب وحده من حسابات سيركاي المزيفه و ميسوت ما كان داري)
دينيز:عندكم مشكله؟
ميسوت:لا شدعوه جايين نبارك ل سيركاي...جعلني اجي لجنازته يارب
سيركاي:امين حبيبي وياك
(مشى ميسوت و كان سيركاي معصب من الحركه الي سواها و سيراي تهديه و عصب و تركها و رجع اختلط بالعرس)
سيركاي:خلاص سيراي وخري!
دينيز:شفيك لا يكون خفتي على حبيبك بس
(ناظرته سيراي من فوق لتحت)
سيراي:اهتم بشغلك بس مايخصك
(مشت و تركته)
دينيز:لو ماكنتي حبيبه ذا الغجري والله كان تزوجتك يعني
(جاء طفل يركض بسيكله)
الطفل:سيركاي ابي سيركاي ابي
سيركاي:شفيك
الطفل:قت..لو الاب صادق
سيركاي:نيه!
(وصلت الشرطه للمكان و الكل كان مصدوم من المنظر و دينيز فرحان شاف سيراي واقفه معهم نروح ل الثلاثي التعبان)
دينيز:شف بدو هو اعوذ بالله ** مايجيه شي بس يهدر الي حوله
الكاتبه:دينيز ووووصخخ😭😭 كل كلامه **
باتو:الحين انت تقول ان هو الي ارتكب الجريمه
دينيز:و انا شيدريني اذا سواها بعدين اذا ما سواها اليوم بيسويها بكرا ذي فطرتهم
باتو:طيب شنسوي
دينيز:نروح المركز و نشوف
(وقف هاليت السيارة و نزلهم)
<سيركاي راح للجنازه يعزي و جت عمته قاطعت الوضع و نادته>
سيركاي:كيف حال مرصاد؟<ولد صادق>
نيريمان:سيء كيف بيكون؟راحت الشرطه؟
سيركاي:راحو بس سالوني شفت شي سمعت شي او سويت شي قلت ما يطلع شي منه
نيريمان:لك علاقه ب ذا الموضوع؟
(صد سيركاي عنها و لفت وجهه)
نيريمان:ناظر عيوني
(جلست تناظر عينه)
نيريمان:ماتدري
سيركاي:الي قاله ميسوت ما يطلع من راسي
نيريمان:شقال
سيركاي:جاء يسلم يوم شاف دينيز صادنا و قال باذني مؤسف للي حولك
نيريمان:اكيد في اشخاص فوق ذا الميسوت  ذي الامور معقده مافي كتاب لكن في قواعد ما يقدرون يقت..لون اي شخص على كيفهم
سيركاي:الموضوع مب كذا....ما يقدر يقت..لني مثل ما يبي لكن يقت..ل اي احد حولي عشان يضايقني
نيريمان:تقول ان سوا بصادق الي ماسواه فيك؟
سيركاي:بذي الحاله لازم اروح
نيريمان:مافي روحه ولاهم يحزنون اول شي بتعرف كيف تحترم المي..ت!
(جاء اولفي)
سيركاي:قررت تصير رجال بعد ماكنت** جاي تعزي؟
اولفي:ابونا مفقود! محد يلقاه الا انت
سيركاي:.....
(راح للمكان الي يقعد فيه ابوه دايم ولقاه يغني و ثمل)
سيركاي:بابا
اوكتاي:شجايبك انت يا**
الكاتبه:ال** ذي مب مني انا افتح الحلقه و احطها فوق و اكتب تحت و الي يكتبونه كتبته بس هم يحبون يسبون😭
سيركاي:جيت اخذك للبيت
اوكتاي:ماني جاي
سيركاي:خلاص متى ماتبي نروح
اوكتاي:قلت لك رح ** عني
سيركاي:....
اوكتاي:صر رجال رجال فهمت؟ وش سويت؟ صرت رجال و وش سويت حتى الحين؟ ** بوجهك وش سويت؟
<يقصد نفسه ما يقصد سيركاي>
سيركاي:خلاص انت لا تفكر كذا
اوكتاي:اذلف عني!
(حذف القاروره عليه)
سيركاي سوا نفسه راح لكن راح قعد بعيد و يوم ابوه خلاص كثر شرب شاله و راح البيت و الحين نروح ل فرحان الي يلحق ورا ضحيته كلعاده وسوا نفس طريقه القت..ل المعتاده حقته و الشرطه كانو يحققون و يحاولون يربطون بين قصتين القت..ل حقت صادق و هذا الي تو انق.تل
هازال:هذا صادق الي انق..تل ب شينغراكلي
بولانت:صادق قلتي لي ايفه كان هناك؟
هازال:راحو عشان موضوع ثاني كان في زواج ب شينغراكلي راحو له
بولانت:شدخل ايفه بالعروس الحين يليل المهم انتي امنعي ايفه انه يتدخل بالشغل و اذا طلب اي شي علميني اول
باتو:كومسار
دينيز:هاه
باتو:طلبت مني تحليل التشريح و جبته
دينيز:هات....خلاص انت استعد بنطلع بعد شوي
(راح لمكتب المدير)
المدير:وش صاير منجديد من الصباح؟
دينيز:جبت لك ذول
المدير:وشي ذول
دينيز:امس وصلنا خبر يوم كنا بوسط الزواج
المدير:ايه شدخل ذا فيك
دينيز:ميسوت جاء امس ل الزواج و هدد سيركاي مب كلهم يشتغلون بالرهان عن بعد؟ اتوقع تهاوشو و بيصير اشتباك بالناس بدو يفرطون بالناس
المدير:انت متاكد ان ميسوت الي سوا ذا امس صارت جريمه بعد
دينيز:والله قال بنفسه ان مؤسف جدا للي حول سيركاي ان ماكان هو الفعال ف جبته للعرس و تهديده صدفه كبيره ان سمحت لي يا مديري اهتم انا بذا الامر
المدير:شف اقولك الكلام ذا و انا احذرك اذا ماكان معك دليل ماراح تمسك احد من ياقته و تجيبه هنا تجمع السلق عندي و تسالهم جدول ضرب كاننا بحصه رياضيات مب مكتب مدير  يلا اطلع
(راح دينيز ل المحكمه عشان احد من اقاربه و كذا و شاف سيراي بالصدفه لكن ما كانت لابسه لبس المحامين كانت توها جايه و واقفه تناظر جوالها و بتروح مكتبها بعدين و شافها دينيز)
دينيز:اوه من عندنا هنا
سيراي:انت من جديد...وش جايبك هنا؟
دينيز:ب الاساس انتي الي وش جايبك هنا و مارديتي على سؤالي حق امس
سيراي:سؤالك امس ماكان له داعي و اصلا وش دخلك وش صلة القرابه بيني و بين سيركاي
دينيز:طيب سؤالي الثاني
ابتسمت سيراي وقالت:محاميه انا
(فطس دينيز ضحك)
دينيز:انتي كيف طاح عليك سيركاي محاميه بعد ودي اصدق الصراحه لكن عجزت!🤣
سيراي:ماودي اثبت لك بس ودي اضحك على وجهك
(طلعت بطاقه انها محاميه و قرا و ضحكت سيراي عليه)
سيراي:هاه مو كنت مو مصدق قبل شوي شفيك بتصيح الحين🤣
دينيز:لحضه لحضه....انتي سيراي شاكا و سيركاي اسمه سيركاي شاكا
(سيراي و هي تطبطب على كتفه)
سيراي:اخوان و اصدمك اكثر اننا تؤام
دينيز:ماصدق جايه من حي شينغراكلي و اخوك سيركاي مابقى شي حرام ما سواه و انتي محاميه و ساكته عن اخوك!
سيراي:ايه ساكته شخصك يا كومسار
كومسار=مفوض
دينيز:انتي الي جبتي ذاك الفاشل بالرياضيات و خليتيهم كلهم نفس الافاده!
سيراي:ايه شفيك انصدمت لهدرجه
دينيز:بعدين منين تدرين اني مفوض
سيراي:سمعت سيركاي يناديك ف عرفت انت منين تعرفني
دينيز:يوم مسكت اخوك ذا عند القسم قال خل نشكر سيراي حبيبتي و يوم قال حبيبتي توقعت انك حبيبته صدق و يوم رحب بك بالعرس قال سيراي ف ربطت الاحداث ببعض انك حبيبته ماكنت ادري انك اخته التؤام
سيراي:ايه اتمنى ما عاد نتلاقى مره ثانيه
دينيز:صدقيني مشاعرنا متبادله و ماني ميت عليك
سيراي:ايه اجل دامك منت ميت خلني امر اروح لمكتبي
دينيز:انا ماسكك؟ روحي
سيراي:ساد الطريق عني!
دينيز:امشي من الطريق الثاني
(صقعت بواحد معه قهوه وطاحت و دينيز ضحك على الموقف لكن سيراي العصبيه اخذت كوب القهوه و كبته عليه)
دينيز:انتي مستوعبه شسويتي كبيتي قهوه علي انا! دينيز تكين!
سيراي:والتبن!
(طبعا تلها للقسم و حطها بالحبس و محد درا و يوم جاء النائب)
النائب:سيراي شاكا!! معليش ماكنا ندري تفضلي تقدرين تطلعين
سيراي:معطلين شغلي بعد
دينيز:دقيقه ذي كيف طلعت ب ١٠ دقايق! زي اخوها!!!
سيراي:انا سيراي شاكا مب انت الي تمشيني على كيفك و تحركني كاني لعبه يلا لا عاد نتلاقى ولا اشوف خشتك حتى!
(راحت سيراي وراح اخوها المتعجرف ل ميسوت عشان يجلده وجلس يهدده و طلع ميسوت ماله دخل اصلا)
سيركاي:تدري وش مكتوب على كفي تدري!! Çp شمعناها ذي شمعناها!! الغجر** يلا قلها خل اسمع!
(ما قال و طع..نه)
سيركاي:قلها!!!
(قالها)
سيركاي:ب الماضي حفرو ذي بروحي بعد مب بس بيدي ..خجلت كثيرا قلت لا تخلون احد يشوف الي بيدي و اخفيته و بعدين قلت ليه اخفيه؟
(جاء الليل و فرحان يحوم بيروح يخلص على ضحيته الجديده و ايفه و هاليت مسنترين ب شينغراكلي عشان سيركاي و وصل سيركاي لبيته)
سيركاي:ميرصاد
ميرصاد:ابي! انت بخير !!
سيركاي:بخير بخير انت؟
ميرصاد:ابي الد..م ذا يتعلق ب ابوي؟ مين طيب وش الموضوع
سيركاي:بقولك يا ميرصاد بقول
(جت نيريمان تركض ل سيركاي)
نيريمان:سيركاي انت بخير
سيركاي:الله الله شفيكم كلكم وش صاير
نيريمان:الشرطه تراقب البيت رح من هنا ولا تطلع لفتره ميرصاد سيارتك وين؟ خل سيركاي ياخذها عشان لا ينتبهون لسيارته
(جابت جاكيت و لبست سيركاي و عطته مفتاح سيارة ميرصاد انطلقت سيارة ميرصاد و السائق سيركاي و فرحان لحق سياره ميرصاد لانه ناوي عليه مب على سيركاي و باتو كان نازل يشري اكل و شاف سيركاي يسوق و راح ركض ل السياره)
دينيز:شفيك انت
باتو:انا رحت اجيب اكل و لمحت خشه سيركاي بسياره غير طلع من الحي
دينيز:اركب خلصنا!!
(صك فرحان ب سيركاي عشان يوقفه)
سيركاي:** السياره الي تسوقها ياكلب
(غطا شعره ونزل يشيك وجاء فرحان طعنه اكثر من مره و جلسو يتهاوشون وسيركاي ينز..ف ما يقدر يوقفه اكثر من كذا  ف ضربه و طاح سيركاي و مد يده الي عليها الحفر على اساس يبعده وشافها و عرف انه سيركاي صديق الطفوله و ماقدر يخليه يمو..ت ف سوا حركه اخذ الحديده حقت الحزام و حطها بالبوري. وكذا يجلس البوري يعلق و جو الشلة التعبانه شافوه و كان حي و فرحان يوم تطمن ان سيركاي لقوه ناس شغل سيارته و راح و شافوه الشله التعبانه و ركبو هاليت و دينيز عشان يلحقونه و باتو اخذ سيركاي للمستشفى و فرحان حرق سيارته و هرب و هاليت و دينيز يلحقونه و يطلقون و فرحان يطلق و جت طلقات على هاليت اما دينيز سليم مافيه شي و دينيز كان يوقف النزيف لكن ما كان قادر اما عايله شاكا كلهم راحو للمستشفى يشوفون سيركاي و بينما الكل متوتر اخذو دينيز و باتو الخبر الصادم مو..ت هاليت باتو تقطع صياح بالغرفه اما دينيز كان ساكت لين طلع من الغرفه و بعد عنهم و بكى من قلب و الوحيده الي كانت منتبهه له سيراي يحياتي و كانت زعلانه على حالته و طلع من المستشفى بعد ما هدا على اساس يعلم زوجة هاليت عن الوضع و جاب اغراض هاليت محفظته و جواله و اغراض كذا و بكى و عجز ينطق كلمه و اعتذر انه هو السبب و لو هاليت ما حماه كان ما..ت دينيز و حضنو بعض و جلسون يبكون هم الاثنين <اليوم الي بعده طلعو سيركاي من المستشفى و راحو الحي و كان فاضي محد استقبل سيركاي>
سيركاي:وين الناس
شيهسوار:مشغولين اكيد
سيركاي:كنت راح امو..ت و قعدت بالمستشفى ويوم جيت الحي مافي صوت طبول ولا مزمار! هل **يا شيسو؟
شيهسوار:شسوي يا باشا
(نزل روشان و فتح باب الكراج ودخلو سيارة سيركاي و نزل منها و دخل البيت و سيراي جت تركض بالكعب عشان تحضنه وبغت تطيح بعد ولا عطاها وجه😭)
سيركاي:سيراي بسالك
سيراي:اسال
سيركاي:اخوك توه جاي من المستشفى و المو..ت وانتي بتروحين دوامك بدال ما تقعدين معه؟
سيراي:شسوي لازم اروح
(طلعت و راحت لمركز الشرطه تشيك على الحب و شافها صدق)
دينيز:وش جابك
سيراي:......جيت اعزيك....شفت الي صار امس و ماقدرت اقول شي عشان وضع اخوي
دينيز:طيب؟
سيراي:وش الي طيب
دينيز:اذا انتهى كلامك تقدرين تروحين هالمره ماني ساد طريقك!
(صك كتفها و مشى و سيراي يحياتي زعلت شوي وهي جايه عندها شغله بالمركز وراح يكمل شغله هو)
دينيز:عطوني ملف ميسوت ابي اشوف وش بينه وبين سيركاي
الشرطي:والله كنت ابي لكن مقدر اجيبها
دينيز:وش الي مقدر اجيبها!
(درعم مكتب المدير)
دينيز :وش يقولون ذول اخذت سيركاي مني و مدري ايش
ضرب المدير الطاوله و قاله يكفي
المدير:بتجي و تحاسبني بعد هاليت ما..ت! انا ماعرفك؟تدور فرصه عشان تخلط الوضع صح؟ اذا كان سيركاي بالسجن كان هاليت ابي حي! هاليت ابي ما..ت بسبب رجل مافيا
المدير:انت مخطئ يا دينيز مخطئ! هاليت هدر من وراك!! هدرت بالرجال و رميته! بتبتعد عن ذي المساله! ماراح اخسر شخص ثاني بسببك! الملف مع بولانت و اغلق الموضوع
دينيز:ماراح اترك الشغل ذا لشخص ثاني
بولانت:تمام دينيز خل قلبك مرتاح شوي الموضوع معي
(جاء دينيز نطح بولانت على خشمه و سيراي تناظر من بعيد؛
المدير:شتسوي انت!!
دينيز:ف الواقع انتم خل يرتاح قلبكم الموضوع عندي انا
باتو:كومسار شسويت ياخي!
دينيز:وين ملف التشريح؟
باتو:عند نيشه
(لمح سيراي)
دينيز:خلاص انت رح انا بجي بعدين
(راح ل سيراي)
دينيز:وش مقعدك هنا غريب مب قلت لك اذا انتهى كلامك تقدرين تروحين؟
سيراي:عندي شغل غيرك.......شفتك تتهاوش و قلت خل اتابع وش نهاية الهوشه لكن ماحبيت
دينيز:وشو لا يكون شخصيتي ماعجبتك ماحبيتي الواقع؟ ذا الواقع ذي شخصيتي
سيراي:اصلا من الي ضحك عليك و قالك ان شخصيتك بعيوني كانت حلوه...اصلا تدري مادري من انت و الصباح سكت لك عشان عندك جنازة بس!
(ضرب الجدار)
دينيز:اسكتي لا تجيبين طاري الموضوع و الحين اطلعي برا
سيراي:مب انت الي تطلعني شغلي ماخلص مع الاسف ولا ودي اخلص من وجهك
(راحت و تركته...خلونا نرجع ل حي شينغراكلي)
نيريمان:اقعد استرح تبي احط لك فراش هنا؟
سيركاي:مابي....علموني حقيقه الامر
(قصده ان ليه مافي ترحيب)
سيركاي:تكلمو!!ليه الوضع كان فيه طاعون مافي احد يمر منا ولا منا
اولفي:ساكتين عشان انت لا تجن عليهم
سيركاي:وش يعني ذا
اولفي:بعد موت الاب صادق و طعنوك و انت قلت ف الحي ان مالك علاقه وانك بتجد الفاعل بعدها انت دخلت المستشفى جاء خبر من الشرطه انك مـ..ت
سيركاي:ايه؟
اولفي:ايه يقولون فقدنا سيركاي بعد
الينا:اولفي لا تهذي!! الله الله مافي شي يا سيركاي الناس خافو عشان كذا بعيدين خايفين يصيبهم شي لا تخاف هم يستجمعون نفسهم بيومين
سيركاي:وين ذا الادمي
روشان:سيركاي! جلدت الرجال جلد بعد كذا يكون زياده يكفي
شيهسوار:باشا انت لا تهتم بالي قاله في حزن بالحي وذا طبيعي
سيركاي:شيسو....ميسوت وين؟
(طلعو)
سيركاي:الينا
الينا:ها
سيركاي:انتي كلامك جميل اطلعي للحي و قولي للي تشوفينه سيركاي رجع و ما ما..ت ولا ينوي يمو..ت قبل يحاسب الي حطوه بذي الحاله
(راحت الينا و رجعت و دينيز قرر المدير ان يعزله عن المركز لمده اسبوعين عشان الحركه الي سواها و راح دينيز ل بيت سيركاي)
دينير:سيركاي
سيركاي:كومسار لا توقف بطريقي ذي المره ولا بيكون الوضع سيء اسحب سيارتك
دينيز:تدري مين الفاعل؟
سيركاي:ايه و رايح اجلده بعد و من الحين اقولك تجي تاخذني ب اي وقت لكن الحين لا
(سحب دينيز المفتاح)
سيركاي:ببدا اشتم انك قاطع طرق و شرطي بعد مو جالسين نطلع صوت لين السجن يبدا من ست شهور  تثق بنفسك عشانك شرطي يعني!
(تهاوشو)
دينيز:ميسوت مب الفاعل!
سيركاي:انت تدافع عنهم! ميسوت عنده خمسين شخص يقدر يسويها
دينيز:ميسوت ليه بيقت..ل بقال!
سيركاي:وش بقاله!!
دينيز:في شخص ثاني يسوي ذا شخص يعرفك حتى انه شخص ما يبيك تمو..ت !
سيركاي:رح فارق
دينيز:ماراح تروح اي مكان بدوني ذاك الرجل اخذ ابوي مني! يلزمني قبلك!
سيركاي:اذا يلزمك رح انت شرطي و وراك فرع امن
دينيز:ماني شرطي
سيركاي:بما ان الي وراك انسحبو طحت بحضني اجل
دينيز:انت الي طحت بحضني
(طلع جهاز تنصت)
دينيز:ذا شيهسوار و ذا روشان و ذي..
(ناظر سيراي و سيراي شمقت له و ناظرت اخوها)
دينيز:وذي نيريمان...نروح كلنا لمركز الامنيه و انت تقعد برا مب مشكله
(سمعهم صوت نيريمان ذاك حق قبل العرس بيوم حق الشغل)
دينيز:تصدق فالبداية كنت احزن انهم ما سجنوك لكن الان ابيك انت تلزمني عشان نلقى ذاك الادمي اول شي و انت بتساعدني هل اتفقنا؟ برايي اتفقنا
ييييييتتتتتتتبببببببببببعععع
ها شرايكم؟ انا احس كلعاده نارر نارر لكن والله صدعت و انا اكتب لان الحلقه مدتها ساعتين و زياده و الكلمات تعدت ٣٠٠٠ ف ماتوقعت ان الموضوع يصدع والله لكن صدعت بس عادي عشانكم الشكوى لله طبعا حنا اتفقنا اول بارتات مافي تواتشا و اصلا البطله بكبرها ماطلعت تبون تواتشا يطلعون؟🤣 تونا حبايبي لا تستعجلون على رزقكم بيطلعون تواتشا ان شاء و ماحبيت شخصيه دينيز تعامله مع سيراي ولا بريالين الصراحه ما ينطااق لكني احبه المهم قبل نختم خل نقول وش الحدث الوحيد المهم الي بيصير الحلقه الجايه
-تعاون دينيز و سيركاي 🔥
المهم اذا عجبكم البارت لا تنسون التصويت وتعلقون على اكثر شي عجبكم و ضحكم و بس والله باي 😢💖