( بسم الله الرحمن الرحيم صلو على محمد وآل محمد )
بقلم الكاتبة : زينب حسين 🌿
( عيناه القناص )
لاتنسون تصويت وتعليق بين الفراقات . اشكد احبجن زركاتي
لاتنسن تشتركن بالقناة تليhttps://t.me/mi_yi90
كضت الحفله رحت بسرعه لوجهي للغرفه سديت الباب احس نفسي راح انفجر كوه لزمت نفسي
شويه وحسيت الباب يندك كمت من مكاني اشوف منو فتحت الباب طلع حر يركض بسرعه طب للغرفه وشمر نفسه على الجربايه
- ها شكو
- اريد انام لن بابا كال باجر اجي اطلعكم
- انام بدون صوت يالله
نام احسن المره صدك راح اطك ثاني يوم تقريبن الساعه 10: 10 جاي انضف بالبيت انا و روز شويه
ودك الباب فتحت عيوني على وسعهن من سمعت حر كال
- اجه بابا اجه بابا
اتضكرت أركان اتجمعت ادموعي بعيوني رحت اركض ضبيت نفسي على الجربايه شويه وسمعت الباب يندق
- منو ؟
- انا حبيبتي ادخل
- طبعن
روز : شكو شبيج
ابريال : جاي احس نفسي مخنوكه
روز : هسه راح تشمين هواه علي منتضر بره
ابريال : هسه اجي
زفرت نفسي و طبيت للحمام اخذت شور بدلت وكملت اخذت تلفوني وطلعت لبره لكيت حر لبس بنطلون اسود و فنيله سوده ونضرات وهوه هم لبس اسود يكول عدنه فاتحه
علي : يالله
- همست بيني وبين نفسي
الله ياخذك
فتحت عيوني على وسعهن من سمعت كال
علي : وياخذج
ابريال : هااي شلون سمعت
علي : امشي اصعدي يالله
صعدت بالسدر و حر بالوره ابوع على المناضر كلش حلوه شويه نزل علي جاب عصاير انا ماقبلات اخذ
بس هو و حر شويه اجه ماكن أبالي
ابريال : علي
علي : روحه
خزرته على هاذا الكَلام وتندمت لن كلتله علي
علي : ها
ابريال : ممكن تاخذني للنجف
علي : ليش اشعدج
ابريال : اريد ازور كبر أركان
