بَسم الله الرحمن الرحيم
الكاتبة : زينب عَبـــاس.
*كُل أربعة إيام يَتم تنزيل فِصل .
*صوتوا+تابعوني؛ونشاء الله يحققلكم أمنياتكم.
........................................................................
خلص تعقيم وكتلتني نضراته..
آني: بَعد مستحيل تتجرأ وتتقرب مفهوم؟
حَسن: صارر .
أحسه حيعيده بسبب كلمته الممله.
آني: انتَ مو ردت تسبح شكو نزلت؟
: ترا ردت أگلج الحمام الفوگ المي حار ونتِ وگعتي بيهن(عروقه).
: اني اموت على العروق بس من شفتهن بجسمك كرهتهت.
: اقنعيني.
:ولي مجذبه عليك،وروح اسبح الحمام هذاك.
گام ووجهه ميفسرلي شي.
آني: يماا شون حنام وهذا القرد يمي .. خلي أتصل على جَعفر اشوف امي شلونه.،
اتصلت ر..د بسرعه.
آني: ألو،شونك،علي أمي شلونهم، لا آني زينه ،اي قبل لا أنام ادهن ،يي نشالله ، يعني تبقون للصبح بالمستشفى ؟، جَعفر اخافن،وذا حسن يمي،تمام،نشالله، باي.
سديت الخط وبقيت متوتره شون أگله يدهن ضهري ورجلي؟ بس آني بنضره صغيره هم صح ،بس هوه من شافني تقبلني ؟ يمااا شون بيه .، طلع حسن من الحمام وبتراك أسود وشعره دينشف بيه بالخاولي وأجهه تجاهي..
حَسن: شنو نطلب عشا ؟
آني: ما اشتهي.
بوكته حتى الغدا من سوالي عَلي سدت نفسي ،بس حاليا ميته جوع.
حَسن: تمام آني حطلب وابقي انتِ جوعانه.
هملته مرديت عليه ودرت وجهي ،گعد نفس القنفة الگاعده عليه..وأتصل.
حَسن: ألو،سلام عليكم ،وياك لفة گَص4،بيتزا أُم الخمسه مال نفرين ، مقابيل شارع المطار بميسان قرب مدرسة در النجف،تسلم عزيزي.
سد الخط وباوع بأتجاهي..
حَسن: متغيره!
:شعليك متغيره ما متغيره؟
:شنو هالحقد هالكراهية؟
:لأن گرايبب وأموت منكم.
باوعلي بنضرات نار احسّ عيونه حتهجم عليه مو هوه.
حَسن: كافي هاي تصرفات أحترميني أكبر منج،وعيب ادگولين لأن گرايب أكرهكم.
من كثر عصبيته عليه ونصراته الحاده خفت أرد عليه بقيت ساكته الله ياخذ اللساني..، طلع جهازه بقه يكنك،وآني بقيت صافنه تفكيري يم أمي شويه ودمعت بقيت أبچي هوه حسّ عليه على صوت شهگاتي ..
حَسن: شبيج ضجتي مني؟
أبجي وحجيت وياه..
آني: لو تموت ما أبچي عليك.
: چا شبيج عليمن؟
:حَسن امي خايفة عليه.
