الحنيــــــن ~ هَو بعثرة المشاعر واختلاط حلوها بمُرّها في تذكّر أيام
مضت وأشخاص غابوا أو رحلوا فيكونُ
حاصلها ابتسامةً شقّت طريقها وسط دُموع
سوآء أكانت دموعُ عينٍ مرئيّة أم دموعُ اشتياق
كل يوم وكل ساعه وكل ثانيه هناك ام واب واخت واخ وحبيبه وزوجه وابنه وابن يدعو لهم
هم ضحو بأنفسهم من اجل مستقبلنا ؟
بماذا ضحيت انت من اجلهم الا يكفي سبهم ونعتهم بالجيش الصفوي الا يكفي سبهم ماذا لو كان اباك او اخاك لاتقول لي لقد سرقو
اموالي او اخذو داري عن اي دار تتكلم وانت نفسك لم تحميها عن اي سرقه تتحدث والاعراض تنتهك هل تعلم كيف ينام هل تعلم ماذا يأكل هل تعلم ماذا يفكر عندما يذهب الى القتال هل فكرت يوم واحد ان تدعو لهم الاتعلم دعوت الغريب مستجابه انهم اولادنا وابائنا واخواننا من جميع الاديان والطوائف لاتعد الغير يتحكم بعقلك وفكر ولاحظ ماذا يقدم هو ماذا انت تقدم ؟؟؟؟
(ابطال القصه )
احد الجنود الابطال ✌واحدى الامهات المتبرعات واحد الاباء الذي ربى رجل واحدى الاخوات الحنونات واحدى الزوجات الحنونات
واحد الاطفال الابرياء
(عمر)
اني عمر من بغداد خريج كليه علوم مستنصريه خلصت كليه صار سنه وماكو تعين اشتغل بمحل اسواق الحمدالله الوالد والوالده عايشين واختي زهراء الصغيره المدللهه السنه سادس
اعز انسانه ع قلبي حبيبتي فاطمه
اتعرفت عليهه بالكليه ومنتظر اتعين واروح اخطبهه اني يومي عادي من الصبح لليل بالمحل وارجع لبيت اشوف اهلي وراهه اسهر ويه الحب
فاطمه:وينك اشو تأخرت شنو ويامن تحجي
عمر:بالاول سلمي شبيج عصبيه
فاطمه:اكيد تحجي ويه هاي الي منطيتك لايك
عمر:حبيبي والله هي صديقه علي اني مو مسويله اشاره هي انطت لايك
فاطمه:امسح المنشور
عمر:فطوم حبيبي فديت الي تغار شلون امسحهه وانتي معلقه بي قلبي مينطيني
فاطمه:ابقه اضحك عليه بهذا حجيك
عمر:فديتج حياتي انتي شلونج
فاطمه:تعبانه يعني لشوكت احنه نبقه هيج
عمر:لحد ما ربج يفرجهه
فاطمه:انت مو تشتغل تعال والله اهلي ميرفضون
عمر:فاطمه مااريد اهلي ينحرجون ويه اهلج ويصير اشكال
فاطمه:والله اني حجيت ويه خالتي وكالت امج وابوج مراح يرفضون
عمر:يعني اتوكل
فاطمه:اي الله يخليك
عمر:اوك باجر احجي ويه اهلي
فاطمه:اوك حبيبي
كعدت ثاني يوم وشفت امي وابويه كاعدين يتريكون واختي فاتحه كفشتهه وكتاب التاريخ كدامهه تقره
عمر:صباح الخير
الجميع:صباح النور
عمر:يمه اني قررت ازوج
الوالده:كللووووششش
الوالد:الف الحمدالله حشوفك عريس
زهراء:شنو هاي يعني اله بوكت دراستي
عمر:هههههههه يمه الابنيه موجوده اني اعرفهه وسائل عليهه عليج تروحين تخطبيهه بس
الوالده:الله كريم ابني
مااطول عليكم راحت امي وتمت الخطبه الحمدالله كمت اطب واطلع ع راحتي ويه حبيبتي وام جهالي ههه
(يوم الزواج )
جنت مشغول كولش بالتحضيرات مال العرس واليوم الزفه ربي يسهله علينه ان شاء الله طبعا رحت اني والاهل والجيران والكرايب والاصدقاء واخذنه فطومه وكملنه العرس طبعا بيتنه بقينه مرحنه فندق فاطمه محبت اتخسرني فاطمه:مدااصدك والله
عمر:صدكي حبيبتي
فاطمه :احبك والله
عمر:امووت عليج اوعدج مراح اقصر وياج
فاطمه:اعرف حبيبي واني هم مراح اقصر وياك حياتي
استمرت 5 اشهر ع زواجنه وجانت فطوم حامل بالشهر الثالث طبعا فرحتي متنوصف لان احلى شي بالدنيا انت تتعب علمود اهلك وشخص اتحبه جنت كاعد بالمحل ومشغل ع الاخبار وطبعا حال البلد تعب كولش شفت الخبر مال فتوه الجهاد ضد داعش فرحت وبقيت صافن لان اعرف هذا موت مو لعبه واني صاحب بيت وعائله كامله بركبتي رجعت لبيت مثل كل يوم وجنت نايم بالجربايه مالتي وافكر
فاطمه:شبيك ابو علي اشو صافن
عمر:فطوم تعالي عندي حجي وياج
فاطمه :خير حبيبي
عمر:حبيبتي اني من جنت اصغير عندي حلم
فاطمه:اعرف اني مو
عمر:صح بس انتي حلمي من كبرت مو من صغير جنت احلم اصير ضابط واستشهد واروح لجنه
فاطمه:اشش اسم الله شنو هالحجي
عمر:فاطمه هسه حكدر احقق هذا حلمي
فاطمه:عمر بلا هالحجي حبيبي خلينه مرتاحين
عمر:انتي مو حبيبتي واني مااريد منج بس شي واحد اديرين بالج ع الي بطنج واهلي
فاطمه:عمر لتشاقه
عمر:والله مااشاقه حبيبتي الله يخليج اسمعي مو هسه وكت تبجين اريدج انتي اشجعيني واتخليني اتحمس اكثر الوطن محتاجني
فاطمه:اكو غيرك هوايه اني محتاجتك اكثر وابوك هم واهلك
عمر:اذا اني مرحت وذاك مراح راح يجون
يكعدون بيتنه ويأخذوج مني ومااكدر احجي والله هذوله يهود لازم احنه نطلعلهم بيدنه
فاطمه:سوي الي تريده تصبح ع خير
هي منامت بقت الليل كله تبجي اني هم بقيت كاعد وياهه بس محجيت شي صار الصبح اخذت الفايل مالتي ورحت سجلت رجعت لااهلي طبعا اصعب شي عندي الوداع وياهم
الوالد:هسه اتأكدت تعبي مراح ابلاش عليك اريدك اتبيض وجهي ومتهد اسلاحك ولاتترك مكانك اله اذا الله راد واخذ امانته حتصعد روحك لسمه
عمر:يابه رضاك عليه وسامحني
حضنته وبست ايده وطبعا مثل كل ام عراقيه لازم لطم وبجي حقهه لان تعز ابنهه
امي:مودع بالله يحفظك محمد واهل بيتهه نخيتهم الك ومااريد بس اتبيض وجهي
عمر:ديربالج ع نفسج ياغاليه
طبعا زهوره جانت اصعب شي عندي جنت اتمنى اشوفهه عروسه وتحقق حلمههه وتصير محاميه
عمر:مااريد تبجين اريدج اتصيرين محاميه واترفعين رأس ابويه وخلي شي ابالج اخوج يحبج ويخاف عليج
زهراء:عمت عيني عليك والله مااكدر افاركك شلون حستحمل بعدك علينه ترجع بالسلامه ياغالي
وصلنه لفطومه الي جانت كالبه وجهه بس دموعهه خانتهه
عمر:ابني اريده علي ع داحي الباب اسمه
واريده مثل امه حلو واريد ميفرق بين احد مااحب يصير كسلان واريد اخلاق وكل الناس تحبه واريده بوكت الوطن يحتاجه يروح وميباوع وراه
فاطمه:واني مفكرت بيه
عمر:انتي بقلبي انتي هنا ومراح انساج واندعيلي فطومه ارجع واشوف ابني بحضنج
فاطمه:واذا ابنيه شنو اسميهه
عمر:اريدهه اتميسهه فرح لان حتكون فرحه الج ولااهلي
حضنتهه وحسيت نفسي اخر مره اشوفهم والله وجنت متأكد روحتي مامنهه رجعه بس هذا شي واجب علينه صعبه اتفارك اهلك منطقتك بيتك وتروح اتقاتل وانت تعرف مراح ترجع
تعرف شنو اول شي فكرت بي شنو موقف اهلي من اجيهم شهيد اصدقائي ومنطقتي شنو ردت فعلهم
(بعد مرؤر 4 اشهر) (فاطمه)
مسمعت اي خبر عن عمر اني هسه بالشهر 7 وطلع بيه توم ولد وابنيه يعني حيجون فرح وعلي لدنيا واتمنى عمر هو الي يشيلهم ويلعبهم وهو الي يربيهم جنت كاعده ع الاخبار وكل قناه اطلع خبر شكل جانت تقريبا الساعه 12 الظهر سمعت صوت رمي طلق
فاطمه:زهوره شنو هاي وين
زهراء:ماادري بس قريب
فاطمه:كومي خلي انشوف من الشباك
قبل لنوصل لمطبخ دخل عمو ومكسور الظهر
جانت الدمعه بعينه ويدور علينه
فاطمه:خير عمو شبيك
زهراء:يابه احجي شكو
ابو عمر:عمر ينتظركم بره
فاطمه:اجه عمر
زهراء:وينه ليش مدخل
بهذا الاثناء سمعت صوت خاله تعيط بره اني لزمت الباب وردت اوكع شفت زهراء كدامي تركض لباب وممصدكه الخبر وعمو كعد بالكاع وبس يبجي اني طلعت وشفت كاشخ بالعلم
باوعت عليه
فاطمه:كللووووششكلووووشش طولت يابعد قلبي مبرؤك عمر اتحقق حلمك
لزمت التابوت وموخرت عنه
فاطمه:الله شكد حلو العلم عليك جنت اتمنى تجي واكف بطولك واشوفك واحضنك وابوسك عمر اني اوعدك راح اصونك
المنطقه كلهه بجت عليه مو لان هو زين لا لان هو شريف ودافع عن عرضهه وماله ومات بشرف زفينا بالمنطقه وخاله جانت اتهلل اله اصعب شي بالدنيا اب يفقد ابنه الام تكدر اتعبر بحزنه بكل الطرق تعيط تلطم تبجي بس الاب ميكدر غير يكول انا لله وانا اليه راجعون جانت صدمه كلنه متوقعيهه وكل الشعب العراقي متوقعهه لولدهم الي بالجيش وحتى الي مو بالجيش كمنه من نطلع نقره الايات ونشاهد لان منعرف شنو ينتظرنه بالشارع
(بعد مرؤر سنه)
فاطمه:حبيبي البارحه علي كال بابا لصورتك تعرف اني كل يوم اخلي صورتك كدامهم حتى مينحرمون من شوفت وجهك صدوك فرح كلش هادئه بس علي وكح مبين حيشلع قلبي بس لتخاف عمو موجود وخاله اتموت عليه ابشرك زهوره نجحت وجابت المعدل الي يرفع راسك ودخلت محاماة واني بعدني انتظرك وكل يوم حبقه انتظرك وانتظر اليوم الي التقي بي وياك احبك حبيبي صار لازم ارجع لبغداد الحمله حتروح وتعوفني احبك عمري اي وحده اتسوي حمله لنجف اجيك حبيبي مع السلامه ياحياتي
هاي قصة عمر الي اكثر من نص الشعب ديعيشهه يااما اطفال تيتمه وشابات اترملت وهوايه بنات فقدت اخوهه حبيبهه خطيبهه وامهاتنه ماعدهم غير الدعاء واب جان حلم وحيد عنده ابنه يشيل اجنازتهه بس الزمن غدره ودفن ابنه بيده هذا حال بلدي وحال الجنود الابطال الي ضحو بأهلهم ومالهم وعيالهم في سبيل راحتنه وفوك كل هذا يجي واحد مرتاح وميعرف شنو ديصير ويكلك ايراني لو يكول حرامي بس احب اكلك اخي او اختي من تصيرون احسن منهم واضحون بشويه من الي ديضحون بي تعالووو احجوو ..النهايه
يااجيش بلدي دمتم فخر لنا وعزه ✌
الكاتبه: ريتا الخفاجي
