الأسود لوني.

bart 28

الكاتبه : گـلـيـࢪا

#الأسود_لوني

..

مرت يومين ملل في ملل م اگو شي چديد اني بـ غرفتي وهيام رجعت لبيت زوجها ومنير يچي بس لمن يريد ينام ولمن انزل لچوه اهله يتعاركون وياي ومعرف شنو تاليها اول مره اشوف هيچ ناس يعني اني كُلشي ممسويه الهم شي ابد شدعوه كُل هل حقد

اني عشت بـ فيئه م بيها هيچ ناس أبد عشت وي ناس حنونين بس الشخص الوحيد الي چان حاقد عليه هيَ ماما ليش وشنو سويت وشوكت حقدت عليه وليش هيچ چانت تعاملني كُل هل اسئله دائماً ادور براسي بس أبد مداگدر الگي الهم اچوبه اخذتني ذاكرتي لـ مواقف يعبرن عن حقد امي الي.

مره چنت راچعه من المدرسه تعبانه كُلش ومريضه نزلت من سيارة السايق واني يادوب اكدر اتحرك الكُل لاحظ تعبي حتى السايق طلب مني ينزلني لأن التعب واضح عليه.

:-عمو خلي انزلچ.

ابتسمت بتعب واردفت بصوت تعبان وراهي.

رتاج :-لااا عمو تسلم لتعب نفسك.

:-تعبچ راحه بس عمو اني مريضه خلي اساعدچ.

شگد لح عليه بس چنت رافضه اكره الشفقه من احد ، والبنات كلولي ليش داومتي واني ارد عليه بـ

رتاج :- بويه مبيه شي بس لأن منمت البارحه.

ميدرن ماما چبرتني اروحح مع أنُ تعرف كُلش زين بتعبي وتعرف اني شنو مرضي بس مع ذالك چبرتني.

رتاج :-ماما حبابه والله تعبانه مداگدر احرك اصبعي.

:-ترحين للمدرسه وبدون كلام زايد.

رتاج :-ماما والله مداگدر اتحرك وأذا اروح يمكن اموت كُلش زين تعرفين بمرضي.

:-للمدرسه ترحين وسوالف الكح** هاي بطليها.

ماما چانت دتحچي بـ اصرار ورحت واني بعز تعبي اصبعي م اگدر احركه وجهي اصفر بس مع ذالك اتكشخت والعطر يفوح اكره اكون وصخه او اكون محط الأنضار بسبب مُضهري البشع احب اگون بـ كامل اناقتي مهما گانت ضروفي.

نزلت من السياره ورحت للباب دگيته برخاوه احس بعد ماگدر اكوف ع رچليه اكثر من هيچ بهاي الحظهه احس رچليه صارن اخيوط اريد اگمل دگات الباب ماگدر صرت ابچيي واشهك خلص كُلت هاذا موتي مُستحيل اگدر اكمل اكثر من هيچ وي مرضي المُتعب.

بس كُل هل افكار تلاشت لمن سمعت صوت بابا بشارع وراي ويعيط بـ اسمي وهاذا چان اخر شي سمعت

فتحت عيوني ببطئ انوب رچعت غمضت مگدر اضل مفتحتهم اكثر خلص كُل تفكيري أنُ اني ميت مُستحيل اضل عايش بعد هذاك التعب والألم الي حسيت بي بـ اخر لحظه. كُل تفكيري چان أنُ اني ميته خلص صرت ابچي واشهك واكول لي متت م اريد اموت اني م استاهل هيچ موته والله عُمري م اذيت نمله ليش ديصير هيچ وياي بس كُل هل افكار تلاشت لمن سمعت صوت باب دينفتح وسمعت صوت بابا يم راسي يحچي وياي بحنيه.