الحُبّ جنه والبُعّدِ نارّ

2

آلسعوديه-الرياض-الخريف🍂:
،
<<مـرّكز الـشرطه>>
رفع يده يركز بـ أنظاره على الساعه الـ متوسطه معصمه وتنهـد من النوم الي يجيه فجأه رُغم انه ينام كويس! وقف بـ هدوء يتوجه يأخذ لك كوب منّ القهوه اهم شي يصحصح من النوم المفاجئ ، ولف من سمع بـ احد يناديه بـ اسمه:الغيث ، ابتسم بـ بهدوء ورجع انظاره القهوه:وش جابك؟
كشر وسام:كيف وش جابك؟ تراني خويك!
هز راسه بـ تفهم:ادري ، تعلمني؟
وسام ضحك بهدوء:اعلمك ليش لا
ضرب راسه بـ ضحك:شعندك بس؟
وسام جلس وحكى بكُره:الـغبي ساميّ بن خالد لازم نقضي عليه ياشرطي ، كل مايخرج من السجن تزداد مشاكله، ماصارت!
فتح عينه بذهول:وش مسوي مره ثانيه ذا ؟ مايتوب
وسام رفع كتفه بعدم معرفه:ليتني أموته بس!
ناظر الـملف المكتوب فيه<<سامي بـِن خالـد>> معروف بالمشاكل ورجع انظاره على وسام:شغله معي ، ارتاح انت
وسام بحماس:تكفى موته
فتح عينه بصدمه ورجع ظهره لورا وضحك:منت بصاحي ياخوي ، موت مافي تفاهم؟
هز راسه وسام:ياخي كل سنه في السجن ولا يتوب
رفع كتفه بعدم معرفه:بكيفه ، اهم شي نسجنه
وقف وسام بـ تفهم:الله يعينك
هز راسه ورجع يقلب بأوراق ملـف سامي ، ووسام خرج يكمل شغله
،
-منطقه اخرّى الطائف🍂-
صحت ليان من نومها الثقيل ورفعت معصمها تشوف الساعه اللي كانت تشير إلى 6:00 وقفت تدخل الحمام ، وانتهت بعد مُده ، تقدمت تفتح دولابها وتطلع ملابس المدرسه (مريول كُحلي) لبست ملابسها وتقدمت للتسريحه تحط لها ميكب خفيف (مسكرا-قلوس-بلشر) عدلت شعرها واخذت شنطتها تنزل للاسفل وشافت امها:ماما ليش ماصحيتيني؟
سمر:صحيتك بس ما صحيتي
ليان هزت راسها بـ تفهم:تمام ، انا رايحه المدرسه ورمت لها بوسه في الهواء وابتسمت سمر
،
وصلت المدرسه ونزلت ببتسامه وشافت صحباتها وتقدمت:هاييي بنوتاتي !
ابتسموا صبا ولمى ووقفوا يحضنونها:اهلييين لولي ، اخبارك؟
ليان:الحمدلله أنتوا؟
(صبا ولما صحباتها من الابتدائي)
ليان:نروح الفصل؟
البنات:يلا
مرت الشله الي تكره شله ليان وبينهم عداوه شديده وشمقوا لهم ليان بعصبيه:يع شفيكم؟
ريما من الشله الأخرى:انتي الي خير !
لمى وصبا:اتركيها يشيخه تدور مشاكل
هزت راسها وهي ودها تذبحهم وتوجهوا للفصل ، وكانوا منسجمين مع الاستاذه الي تشرح
وانتهى الدوام لليوم وبـالنسبه لليان كان يوم مُتعب جدا ، ودعت صحباتها وتوجهت للبيت
،

-الرياض-

<<مــرّكز الـشرطه>>
الغيث يقلب بأوراق ملـف سامي ،،وفجأه جاه اتصال واستغرب لأنه من ابوه ومسك الجوال يرد:ابوي؟
الحسن:وينك يـ الغيث؟
الغيث تنهد بتعب:في المـركز
الحسن:تعال البيت حالا ! ابيك ضروري في موضوع هام جدا جدا
الغيث عقد حاجبه بالستغراب:تمام ابشر ،، خرج من المكتب
وسام بتساؤل:وين؟
الغيث:عندي اشغال مع ابوي
وسام:تمام ، لازم تجي الليل
الغيب هز راسه بتمام وخرج ورأسه مليان تساؤلات من اتصال ابوه المفاجئ والموضوع المهم!!
،
-في بـيت الحسن-
قبل مُده لما اتصل الجد صالح
رجفت يد الحسن من اتصال ابوه ورد بخوف:سمّ يبه؟
الجد:لا سؤال؟ ولا زياره؟ماعندك ابو انت؟
بلع ريقه الحسن:ظروف والله يبه اسف !
الجد بحده:لا ظروف ولا غيره ، بعد كم يوم تجون تفهم ولا ماتفهم
الحسن بقلق:بس يبه
الجد بعصبيه:بدون بس ، تجي !
الحسن تنهد:ابشر ابشر
،
نرجع للحاضر
الحسن يفكر بتوتر كيف يفاتح ولده بلـ موضوع الهام ،
رفع أنظاره على دخول ولده الغيث:ابوي؟ شفيه؟
الحسن اشر بجنبه:اجلس اجلس
جلس الغيث:امرني يبه وش بغيت
الحسن بتوتر:والله يـا ولدي ماني عارف كيف افتح الموضوع ، ماراح يعجبكم ابد
الغيث بتوتر:يبه لا توتر تفصل قول !
الحسن:جدك كلمني...