Echoes Of Everyday Wonders ||

little things!

කෙනෙක් මට කියපු කතාවක් නෙවෙයි ඇත්තටම.
ඒක මම අහම්බෙන් දැකපු කතාවක් කාලෙකට කලින්!
ඒත් මට ඒක තාම හොඳට මතකයි.

ඒ කාලේ වැඩිය මේ ගැන ලොකු තේරුමක් තිබ්බේ නැති උනත්,එන්න එන්න ලොකු වෙද්දී ඒ කතාව අමුතු ලොකු දෙයක් තියෙනවා කියලා තේරුණා.

ඒක තේරුනේ මගේ මනස හොඳටම,දරාගන්න බැරි තරමටම තෙහෙට්ටු උනාට පස්සේ!

"මහා ලොකු දේවල් ඕනි නෑ සතුටු වෙන්න,පොඩි දේවල් වලින් උනත් අපිට සතුටු වෙන්න පුළුවන්!!"
මම ඒක ඉගෙන ගත්තා.

ඇත්ත!
දැන් පොඩි දේකින් උනත් සතුටු වෙන්න පුළුවන් වෙන තරමටම මගේ mindset එක හැදිලා.(පරිපූර්ණ විදිහට නෙවෙයි...යම් තරමකට)

මන් කියාදෙන්නද පුංචි දේකින් උනත් සතුටු වෙන විදිහ? සත පහක්වත් ඕනි වෙන්නේ නෑ ඔයාලට මේ විදිහට සතුටු වෙන්න..

කොච්චර නරක දවසක් උනත් කොහෙන් හරි පොඩි දෙයක් හොයාගෙන සතුටු වෙන්න?

අනේ පුළුවන්!
මහා නරක එපා කරපු දවසක උනත්,ඔයාලා හොදට බැලුවොත් ඔයාලට සතුටු වෙන්න දේවල් ඔයාගේ වටපිටාවේ ඕනේ තරම් තියෙනවා.

මටනං අදුරන්නේ නැති මනුස්සයෙක් මගේ දිහා බලලා සුහදව හිනා උනත් ඇති සතුටක් දැනෙන්න.

චූටි පූස් පැටියෙක්,බලු පැටියෙක් ඇවිල්ලා ඇගේ ඇතිල්ලුනත්,

නිල් පාට පිරුණු අහසේ සුදු පාට වළාකුළු එහා මෙහා යන විදිහ බලන් හිටියත්,

හුළඟට හෙලවෙන ගහකොළ දිහා බලාගෙන හිටියත්,

කලබලකාරී පරිසරයක උනත් යාන්තමට ඇහෙන ලස්සන සින්දුවකට ,

බස් එකේ යද්දී ඇහෙන පරණ කාලේ සින්දුවකට උනත්,

පන්සලේ බෝ ගහ යටට වෙලා හිස් හැඟීමකින් මිනිස්සු දිහා බලන් ඉද්දී උනත්,

ඉර බැහැගෙන යද්දී පාට වෙනස් වෙන අහස දිහා බලන් ඉද්දී,ඉර බහින දිහා බලන් ඉද්දී,

රෑට අහසේ තරු පායලා තියෙනවා දකිද්දී,දවස් ගානකට පස්සේ පායන හඳ දකිද්දී උනත්,

හවසට කිරි තේ එකක් බිබී අම්මා එක්ක කරන රස කතා වලදී උනත්,

මම ආසම කෑම රස කර කර කද්දී,එක එක කෑම උයන්න ට්‍රයි කරද්දී,
(මම මාරම ආසයි අලුත් අලුත් කෑම හදන්න.හැබැයි කම්මැලි වෙලා දැන්...ඒත් ඒක වෙනස්ම විදිහේ meditation එකක්!!)

පොතක් කියවලා ඉවර උනාම ඒක ගැන කාත් එක්ක හරි කතා කරද්දී උනත්,

මේ හැම දෙකින්ම මම මහා පුදුම තරමේ සතුටක් විඳිනවා.මාව ළඟින්ම ආශ්‍රය කරන අය දන්නවා ඒක ගැන. (දන්නවා ඇති කියලා හිතනවා)

ජිවිතේ බරක් කියලා හිතෙන ඕනිම වෙලාවක,දුක හිතෙන ඕනිම වෙලාවක,එපාම කරපු දවසක කරන්න තියෙන හොදම දේ තමයි...හැල්මේ දුවන එක නතර කරන එක.පොඩ්ඩක් හෙමින් යන්න.පොඩි පොඩි දේවල් ඔයාගේ වටේට තියෙනවා ඔයාව සතුටු කරන්න පුළුවන්!! ඔයාව සනසවන්න පුළුවන්!! ඔයාව නිවන්න පුළුවන්!!

හරියට වහින වෙලාවට ජනෙලෙට වැටෙන වැහි බින්දු වල සද්දෙ අහගෙන ඉන්නවා වගේ, මොකක්ම හරි මෝඩ කතාවක් යාළුවෝ එක්ක බෙදාගෙන හයියෙන් හිනා වෙනවා වගේ ඕනිම පොඩි දෙයක් කරලා ඔයාට සතුටු වෙන්න පුළුවන්.

මම කිව්වේ,
පොඩි දේවල් වෙනුවෙන් ජීවත් වෙනවා කියන්නේ ලොකු අවස්ථාවල් නොසලකා හරිනවා කියන එක නෙවෙයි,ඒවටත් මූණ දෙන්න ඕනි.ඒකෙන් මන් අදහස් කරේ, එදිනෙදා ජීවිතේදී සුන්දර,සතුටු හිතෙන දේවල් හොයාගන්න හරි ලේසියි කියන එක.ඔයාලා හිතන තරම් ඒක අමාරු නෑ...

මීට පස්සේ දුක් වෙවි කාලේ නාස්ති කරන්න එපා!!
මන් කියනවට දුක හිතෙන වෙලාවට පොඩ්ඩක් සැලකිල්ලෙන් වටපිටාව බලන්න...ඔයාව සතුටු කරන්න පුළුවන් දෙයක් අනිවාරෙන්ම එතන තියෙයි.

සතුටින් පිරුණු ජීවිතයක් හදාගන්න, එකට ගෙතුණු මේ පොඩි පොඩි දේවල් ගොඩක් වැදගත්.සරලව ජීවත් වෙන්න උත්සාහ කරන්න.එතකොට අපේ මනසට ලොකු ප්‍රේශ එකක් එන්නේ නෑ.

ඒකනිසා, ඔයාට කලකිරීමක් දැනෙන ඕනිම වෙලාවක,පොඩි පොඩි දේවල් අගය කරන්න වගේම ඒවගෙන් සතුට හොයාගන්නත් මතක තියාගන්න!!

මොකද,
They can make all the difference!!

Byeeee >•<

(මාත් 100ට 100ක් සම්පූර්ණ මනුස්සයෙක් නෙවෙයි...අඩුපාඩු එමටයි.ඒත් මං උත්සාහ කරනවා මාව ලස්සන මනුස්සයෙක් කරගන්න...)