نِيران الـ أدَهم

البارت السابع

#نيران الـ أدهم

الكاتبة:نور الخزعلي

nr_12r

‏كون تَرهم چا نسِيتك مَن زمان.
...........
نيران:رحنا ع بيت الشيخ منكول عليه بيت قصر كلش عالي وكبير
فتحو الحرس الباب ودخل ادهم السيارة وكان البيت من الداخل كلش يجنن وبي حديقة كبيرررررة وبيها نخل واشجار انغرمت

أدهم: نورتو بيتكم بوية

دخلنا وتلكونه بالهلاهل والجكليت ام ادهم وام حسام والحجية والشيخ وزلم كبار ونسوان كبار وشباب وبنات ما اعرفهم
وديما وفرح ورسل

اخذني ادهم وعرفني ع الشيخ سلمت ع الشيخ وبست ايده
الشيخ: ياهلا بجنتنا هلا بمرت الغالي باسني براسي وحضني
ادهم:شنو يابه مرتي اريدها

الشيخ:بدينا بغيرتك بوية

ادهم: هسه عوفها تعالي حبيبتي تعالي اخذني سلمت ع عمامه وعرفني عليهم وسلمت ع الحجية وتباركت النا والشيخه ونسوان عمامه وبنات عمه همه اجو سلمو عليه وديما ورسل ما عدا فرح كاعدة ومخليه رجل ع رجل 
وكذلك زينب سلمت عليهم كلهم

ياسر: يابه مجنص ادهم انا منها ولا اتزوجك دباع العيون دباع الجمال

ادهم: ولك انتَ ما تستحيي لا تخليني اكووملك

ياسر:قلبي الصغير لا يتحمل الحلوات

الكل:هههههه

نيران:كعدت يم ادهم وخجلانه منهم كلش
حجت فرح

فرح:اي عمي شيوخ تالي وكت نسوانهم تفرفر بنطرونات ومكياجهن وهنه

زينب باوعتلي بصدمة

نيران:والله يا حبيبتي زوجي وقابل وبعدين هاي كدام الشيخ والشيخه والحجية وزوجي وعمامة وكل الحاضرين تمانعون بلبسنا ؟ شيخه من خطبتيني شنو كلتي مو كلتي عادي عدنا البنيه التدرس وتلبس وتطلع بس بأحترام واحنا لا لبسنه فاضح ولا بارزين مفاتنه

الشيخ : مابي شي واذا شيوخ شلون بله حرام يلبسن

نيران: اخذتي جوابج حبيبتي ولا تضلين تذبين سمج علينا

ادهم اتقرب عليه شاورني بس انا ما قابل بلبسج
ضربته بكتفه
الكل باوعلنا وبتسم

ياسر:ماعرفتك ابو عگاب من هسه ام عيون ماخذه خاوه

ادهم: ياسسررر مرتي لا ادكلها ام عيون

ياسر: عود ايغار وكذا
.....................
طلعنا من بيت ادهم ورجعنا ع بيتنه
....................
بعد مرور شهر

نيران: علاقتنا انا وادهم لسه مثل ما هيه انا ما اطيقه وهوه ما خذني بالغزل والكلام الحلو
بلشت امتحانات وادهم ياخذني ويرجعني

اخر يوم امتحان لبست وطلعت ركض ادهم منتظرني برا

نيران:صباح الخيرر
ادهم:هلا بوية صباح النور
-صعدت يمه بالصدر
-بوية مو كلنا الصدرية هاي ما تنلبسس بعدد؟؟
-ادهمم عفيه اسكت منيي متوترره اليوم اخر امتحان وخايفة
-نيرررااان اشكككهاا عليييج ؟؟
-هاي شبيك ادهم يلاا راح نتأخر
ضل يتأفأف ويستغفر الصددرريةة هاي بسس ترجعين تنشك
-خوش
وصلت وضل يوصي بيه مثل كل مره لتخافين واهدأي وركزي واقري سورة الفاتحة لأم البنين وتوكلي ع لله
دخلت للقاعة والحمدلله اجت الاسئلة سهلة وجاوبت
طلعت فرحانه لكيته هستوه جاي