_________________________
________________________________
"
متجمعين كلنا بالمجلس الجو توتر بعد مارجعت متاخر ....
انا من زمان داري انه يبي زله علي الخنيث "امجاد"
اعاين جدي من ابوي ارجع اطالع الي حول المجلس الي منهم عمي ابومالك وعمي ابو عبدالعزيز و ابوي و عيال عمامي '
الجد بنبره غضب : فهد ..!
فهد بنبره توتر : سم...
جده : وين كنت ضايع فيه..؟
فهد وصوته مبحوح : ما رحت بعيد طلعنا انا و مالك تعشينا بالاستراحه وفرينا شوي وجينا
جده : انفر راسك بماكينه قل امين
فهد بصوت عالي : ترا منيب منحاش وبنخطف بعدين صكيت 21 وباقي أتحاسب على الروحه والجيه ..!
جده يعالي : يعني انت مالقيت تطلع إلا يوم جينا نفرح بجيه ولد عمك وتنحاش ماخذ مالك معاك شوف ولد عمك الصغير امجاد جالس معنا ينتضر جيه اخوه..
طالعت بأمجاد الي جالس ماسك ضحكته ويشرب قهوته جعلك تغص ،يناظر فيني يحسب انه كذا خلاص انتصر حسابك بعدين ياجرار..
فهد وفيه بحه بصوته عاليه : انا ماشفت عزيز مني صغير وماعرف عنه شي ليه أتحمس زيكم يعني ومالك اصلًا هو الي قومني يبي نطلع والحين جحدني وراح وأمجاد هين يصير خير ..!
جده بصوت عالي : لا ترفع صوتك تعرض كلامي طلعاتك كلها مالها مبرر وتراني خابر مالك ولد اجودي ومحترم
فهد وهو طالع ومعصب : إذا ابوي راضي ومو قايل شي انت شعليك مني و مالك لو انه محترم على قولتك كان الحين جا يتحاسب معاي ، طلعاتي اسال امجاد عنها خليه يقلك ..!
طلعت وسكرت باب المجلس بقوه !
ما ادخل المجلس ذا إلا وانا طالع منه وأخلاقي يحطونها بخشمي '
