Unicode
လူကြီးမင်းနဲ့ဂျီမင် မိုးခမပင်ကြီးအောက်က မြက်ခင်းပေါ်တွင် ထိုင်နေတာဖြစ်သည်။ ဖက်ဖူးစိမ်းရောင်ဝတ်ရုံနဲ့ ဂျီမင်က ဖရိုဖရဲလှနေသလို အနီရောင်ဝတ်ရုံပြည့်နဲ့ လူကြီးမင်းဟာလည်း သပ်ရပ်ခန့်ညားလှသည်။ နန်းတော်ကပြန်ရောက်ရောက်ချင်း လူကြီးမင်းက ဂျီမင့်လက်ကိုဆွဲကာ ဒီကိုခေါ်လာခြင်းဖြစ်သည်။ ဘာအခင်းမှမပါဘဲ မြက်ခင်းပေါ် ဒီတိုင်းဖြစ်သလိုထိုင်နေတာ။ ဂျီမင်က ဒူးနှစ်ချောင်းထောင်ကာ လူကြီးမင်းကိုကျောပေးထားပြီး လူကြီးမင်းကတော့ တင်ပုလွေခွေထိုင်ကာ ဂျီမင့်ဆံပင်တွေကို ကျစ်ဆံမြီးကျစ်ပေးနေသည်။
" ကိုယ် မနက်ဖြန်ဆာဟာရကိုသွားရမယ် "
လူကြီးမင်းရဲ့စကားမှာ မြက်ပင်တွေကို လိုက်ဆိတ်နေတဲ့ ဂျီမင့်လက်တွေရပ်တန့်သွားသည်။ လူကြီးမင်းက ကျစ်ဆံမြီးကျစ်ဆဲ။
" လူကြီးမင်းက ဆာဟာရကို ဘာလို့... "
" စစ်ပွဲအတွက် ခံတပ်စွဲပြီးပြင်ဆင်ဖို့ပါ၊ ကိုယ်တစ်ယောက်တည်းမဟုတ်ဘူး အိမ်ရှေ့စံနဲ့ စစ်သူကြီးပါပါတယ် "
" စစ်ဖြစ်တော့မှာပေါ့ "
" ဒါပေါ့ စိတ်ပူစရာတော့မရှိပါဘူး ကိုယ်တစ်ယောက်လုံးပါနေတာပဲ "
ဟာသနှောတဲ့ ပြောင်ချော်ချော်စကားကြောင့် ဂျီမင်ရယ်လိုက်မိသည်။
" ဒီတစ်ခါကြာမှာလား "
" အင်း နည်းနည်းကြာမယ်၊ လပိုင်းလောက် "
" အဲ့တာဆို ကျွန်တော်ဘုန်းတော်ကြီးကျောင်းနဲ့ နတ်ကွန်းကို လပိုင်းလောက်အထိသွားနေရတော့မှာပဲ "
လူကြီးမင်းစစ်တိုက်သွားတဲ့ရက်ကစပြီး ဂျီမင်ဟာ မြို့တော်ထဲမှာရှိတဲ့ဘုန်းတော်ကြီးကျောင်းနဲ့ တောင်ခြေမှာရှိတဲ့နတ်ကွန်းဆီ မနက်တိုင်း သွားဆုတောင်းနေကြဖြစ်သည်။ ထိုအခါမျိုးတွေမှ ဂျီမင်စံအိမ်ထဲက ထွက်ဖြစ်တာဖြစ်သည်။ အစေခံတွေကတော့ နောက်ကနေအမြဲလိုက်ရသည်။ ဘုန်းတော်ကြီးကျောင်းဆို ကျောင်းဝင်းထဲအထိလိုက်စောင့်ပြီး နတ်ကွန်းဆိုရင် တောင်ခြေက ပထမဆုံးလှေကားထစ်အထိ လိုက်စောင့်ပေးကြသည်။ ထို့ကြောင့် ဆုတောင်းရှိခိုးသည့်အခါမျိုးတွင် စံအိမ်အပြင်ဘက်ရောက်နေသော်လည်း ဂျီမင်တစ်ယောက်တည်း သီးသန့်ရှိနေတတ်သည်။
YOU ARE READING
တိမ်တိုက်တွေရဲ့အလွန်
Fanfictionဒီဇာမဏီငှက်လေးလွတ်မြောက်သွားရင် တို့တွေအတူတူထွက်ပြေးကြရအောင် ဂျောင်... ဒီဇာမဏီငွက္ေလးလြတ္ေျမာက္သြားရင္ တို႔ေတြအတူတူထြက္ေျပးၾကရေအာင္ ေဂ်ာင္... Start Date - 13.6.2024 End Date -
