امتلكني بربري

بارت 3

هبطات كيفطرو
غيثة: اووو سمر لبروش لي فشعرك زوين منين شريتيه
ناصر حس بحالا وحلاتليه دغمة هز لما كيشرب
سمر: ناصر لي خداه ليا
عصمان: مشيتي كفتة ابا ناصر
غيثة: ولدي عندو دوق زوين
ناصر: صافي تقدرو تسدو هاد الموضوع
غيثة: اه نسيت مقتلكش اسمر ليوم اتمشي مع ناصر لمعهد الى بغيتي بطبيعة الحال تبداي ليوم
سمر: بصح أه نمشي اصلا قنطت منها نشوف ناس جداد
فيروز : بصح فرحت انلقا معامن نتوانس
سمر: صافي انا انطلع نجيب صاكي ونجي
طلعات
كلتوم دخلات عندهوم
كلتوم: صباح الخير بصحة وراحة لفطور قلت ندوز نطل عليكوم قبل ماتمشي لخدمة
عصمان: مرحبا كلسي تفطري
غيثة:( كتهضر مع راسها) صبحنا على الله
كلتوم: الآلة غيثة كيف بقيتي
غيثة: كنت لاباس دابا حسيت براسي مهياش
كلتوم: (فهمات راسها) اا مهم نخليكوم انا انمشي
ناصر: لا بقاي انا خارج انوصل فيروز وسمر ونمشيو لمكتب
غيثة: ههه ا ولدي بلاش بلا متعدب كلتوم معاك خليها تمشي ياله توصل
كلتوم: لا اخالتي مكاين لا عداب لا والو  ومنها نتعرف شوية على سمر
سمر: شكون بغا يتعرف عليا
كلتوم:..(جات تهضر قاطعاتها) مهم مكينش ياله نمشيو
ناصر ناض شاف فيها وداك العكر الحمر لي دايرة حتا شافت فيه ومشات رنات قبلة في الهواء لغيثة وخرجات
حطات يديها على الباب الامامي لسيارة وقفاتها كلتوم
كلتوم: طلعي لور انا موالفة كنكلس هنا
سمر:(طلعاتها وهبطاتها) تغالطو ليك احبيبة مولفة بالكيران وطوبيسات
دفعاتها وطلعات ضورات وجهها لور شافت فيروز
سمر: سمعتي الاخت قالك مولفة بلاصتي هههه تريكة الكيران
فيروز ضحكات حتا هي
فيروز : ههه متديش عليها
كلتوم بقات واقفة بالفقصة حتا شافت ناصر جاي وضارت طلعات حدا فيروز
سمر: (شافت فيها) شفتي ساهلة هانتي ولفي ديك لبلاصة جات معاك ( ضارت دارت نضاضرها )
طلع ناصر دار نضاضرو وديمارا
كلتوم: سمر كيف دايرين عائلتك لاباس سمعت بلي عندهوم غير نتي كيفاش سخاو بيك وسيفطوك لهنا
سمر: وهادشي فاش كيهمك
كلتوم: غير من باب تعارف
سمر: وشكون قالك انا باغا نتعرف عليك
كلتوم: صافي لي بغيتي منبززش عليك
سمر: بالطبيعة الحال لي بغيت انا
ناصر غير كيشوف هاد كمية التكبر والغرور لي كالسة حداه
وصلو للمعهد بقات كلتوم فالطونوبيل وناصر نزل معا لبنات حتا تأكد بلي دخلو ووصا فيروز على سمر
وطلع كمل طريقو للمكتب
كلتوم: سي ناصر كيفاش كتجيك سمر
ناصر: مفهمتش
كلتوم: زعما حاسة براسها بزاف ياك ونتا مكيعجبكش هادشي
ناصر سكت مجاوبهاش وحتا هي فهمات راسها بلي خاصها تسكت
سمر دخلات للمعهد دارت ضويرة فيه معجبهاش بزاف كلسات فالكافيتيريا شربات قهيوة وكل الاعين عليها سالات فيروز الحصة ومشات كلسات حداها
فيروز: مدخلتيش لحصة ولا شنو
سمر: نوع مرشقاتليش هاد ساعة
فيروز: اممم إوا غير يكون فخبارك هنا راه كولشي كيوصل لخويا ناصر
سمر: و منبعد يوصل ولا ميوصلششنو بالك نخرجو شوية
فيروز: من نيتك وفين انمشيو
سمر: نتي الآلة لي عارفة الفيلاج ماشي أنا
فيروز: اهاه وشنو انقولو لخويا
سمر: اوف خويا خويا راه مغادينش نقتلو غادين غير نضورو ياله نوضي باركة من شكاوي
خرجو شدو تاكسي ومشاو كيضورو فالمحلات من هدا لهادا فيروز عجبها لحال اخيرا لقات شي وحدة تخرج معاها دغيا تصاحبو سالاو دوران وشريان حتا لعشية مع دخلة دلباب لقاو سي سيد كالس بحال ملك الموت وحتا غيثة معاه منين جا وهي كتهدن فيه
ناصر: فيروز من ايمتا كتخرجي بلا علمي
فيروز:(حنات راسها وحشمات) خخويا سمح ليا غير سمر قلتلي ياله نبدلو الجو
سمر: صافي دغيا بعتيني واخا ديريها فين تجيك
ناصر: ونتي الآلة سمر نهار لول لي جيتي بغيتي الظبي قوانين القصر
غيثة: ولدي متديش عليهوم راه غير خرجو لبنات راس فراس
ناصر: الحاجة خليك فالتيقار
ناض قرب عندهوم شاف فختو وعاود شاف ف سمر
ناصر: ونتي محدك فهاد القصر عايشة لتازمي حدودك ديك ضسارة وتسلكيط انا عارف كاع فضايحك خلي داكشي حتا ترجعي لداركوم والا اندمك
سمر: مكتخلعنيش ولي فجهدك ديرو
غيثة: صافي براكة على لبنت كتخلعها اويلي واش هاكا كنهضرو مع ضياف
ناصر: لحاجة هاد ضياف ديالك ايخرجو ليك على بنتك فا من الاحسن ترجع منين جات
سمر تصدمات واش كيجري عليها من دار
غيثة: و وواش كتجري على البنت وانا واقفة هادي هي تربيتي فيك ( شدات قلبها و كانت اطيح  شدها ناصر كلسها)
ناصر: لحاجة بشوية عليك واش لباس كضرك شي حاجة انا انعيط لطبيب دابا
غيثة مجوباتوش غير كتحاول تنفس
هزها طلعها لبيتها وعيط على طبيب فيروز بقات كتبكي حظا لباب وحداها سمر واقفة
سمر: دابا لاش كتبكي راه هو عصبها ( مع كتهضر خرج هو سمعها وهي ضرب طم)
ناصر: نتي سباب فهادشي
سمر: شوف نتا. را من قبايلات وانا ساكتة ليك على قبل مك اما نوريك علاش قادة
ياله جا يهضر معاها وهو يجي طبيب خنزر فيها ودخل معا طبيب عطاها مهدء وقالو بلي مخصهاش نهائيا تعصب
دخلو عندها مشات فيروز كلسات حداها وكلس حداها ناصر وسمر بقات واقفة
ناصر: الحاجة كيف بقيتي سمحيلي قبايلات مقصدتش نقلقك
غيثة: نتا مدرتيش بوجهي كاع
سمر: الحاجة على سلامتك و مكاين لاش تخاصمو بسبابي انا غادي نمشي بحالي

غيثة: معندك فين تمشي هادي هي دارك ناصر بغيت نهضر معاك شوية بوحدنا اولدي
سمر خرجات وتبعاتها فيروز سدو لباب وشاف ف ماماه
ناصر: واخا الحاجة انا انعتادر منها ومنخليهاش تمشي كوني غير على خاطرك
غيثة: بغيتك تزوج بيها
ناصر: الحاجة واش عارفة راسك اش كتقولي
غيثة: شنو البنت زوينة وبنت عائلة وضريفة وحتا نتا عاجباك البنت علاش انبقاو كنتسناو حتا دير 40 عام ولا باغي تجيبلي لداري لي يسوا ولي ميسواش انا عارفة اش كيضورلك فراسك وهاديك هي لي عمرها دخل لداري
ناصر: الحاجة سمر اه بنت زوينة ولكن انا وياها عمر منتفاهمو نديرو هاحنا تزوجنا هاد زواج ميطولش
غيثة: نتا راك راجل تبارك الله مع الوقت لبنت اتبدل على قبلك
ناصر: الحاجة هاداك نوع مكيتبدلش
غيثة: كلمة وحدة قلتها بغيتي تاخد رضا ديالي اتزوج بسمر مبغيتيش تزوج انسخط عليك
ناصر: واخا ميكون غير خاطرك غير متعصبيش انا موافق ولكن بشرط حتا هيا تكون موافقة وانا عارف ماغاديش توافق
غيثة: الله يرضى عليك كون هاني خلي سمر عليا انا