انتي في ذرى شماغي من حد سيف الظروف

البارت الرابع

نرجع للبنات ~المطبخ ~
نطقت العنود:صح النوم
نجد ابتسمت:صح بدنك وش تسوون
نطقت غيم:نطبخ الفطور
غيم:خلصنا اساساً بس سوي الشاهي
نجد ابتسمت:من عيوني وبلفعل اخذت البريق حق الشاهي وغسلته وحطت المويه وحطته على النار وخلته لين يغلي حطت السكر والنعناع وحطت الشاي
وخلته لين يغلي ويااخذ النكهة وحطتها بدفاية الشاي
وجابت الكاسات وحطته بصحن وحطت الدفايه وحطته بسفره وبدو يأكلون وشربو الشاهي وانصدمو من الطعم الي عجبهم ونطقو:(يجنن)(يسلم يدك)
وبعد ماخلصو جلسو بصاله وبدت السواليف وضحك
~المجلس~
كان ابو سليمان موجود وابو عبد الله وابو فيصل وابو ذياب  وابو مالك جالسين يسولفون
نطق ابو سليمان:والله يابو مالك جاينكم وطمعانبن بنسبكم نبي نتقدم لحفيدتيك اسيل لوليدي سليمان
ابو مالك:هاذي الساعه المباركه ياخوي
تعريف بسيط للعائلة سليمان
الأب اسمه:مصلح بن خالد ال حازم ٧٠
والام اسمها:شيخه بنت عادل ال حازم ٦٩
الابن الكبير:سليمان عمره ٢٦
آخر العنقود:رسيل عمرها ١٨
(ماجو مع ابو سليمان لأنهم مسافرين)
ابو مالك :بس البنت لها رأي
ابو سليمان :خذو راحتكم تقدر تسئلها الحين
ابو مالك :ابشر الحين نسئلها ماجد.روح اسئل اختك
ماجد :ابشر ياجد
وبلفعل.راح ماجد ودق على أمه
ام ماجد:الو هلا مجيد شتبي
ماجد :هلا والله يمه اختي جاها خطاب
ام ماجد فرحت:صدق منهي
ماجد:اسيل
ام ماجد :من خاطبها
ماجد :ولد صديق جدي ناديها بسئلها موافقه ولا لا
ام ماجد :يلا يناديها لك
وبلفعل توجة للبنات الي كانو قاعدين على الزاويه ويسولفون ونطقت:بنتي وحبيبتي كبرت وجاها عريس
انصدمو البنات ونطقو مين:من غيرها اسيل
فرحو البنات عند اسيل الي كانت مصدومه ونطقت مين خطبني ردت عليها امها :سليمان ولد صديق جدك انصدمت وانبسطت مثل ماوعدها وبيجي يوم وتكون حلاله وبلفعل وجاء وخطبها وماصدقت ونطقت:سليمان  مصلح ماغيره
ام ماجد:ايه هو
ونطقت غريبه أهله ماجو ردت عليها امها أتوقع أنهم برياض عند خوالهم هزت رأسها ونطقت امها :ردك يابنتي نزلت راسها واحمرت خدودها من الخجل ونطقت :الشور شوركم وانتو أدرى بمصلحتي
وبدت ام ماجد تزغرط والبنات فرحانين ويزغرطون مع أمها ونطقت ام ماجد:يابنتي اخوك ماجد يبيك
ورفرف قلب خديجه الي كانت جيرانهم بالمزرعه وتعرفهم لمده طويله وعمرها ٢٢ هزت راسها بالإيجاب وبلفعل طلعت اسيل لاخوها ونطقت سم يامجيد شبغيت
ماجد:كبرت اختي وصارت عروس خطبك سليمان ولد صديق جدي هاه موافقه
اسيل بخجل :الشور شورك ياخوي
ماجد بفرحه:يعني نقول مبروك ألف ألف مروك لك مقدماً
اسيل وهي منزله راسها وشوي وتموت من الخجل ونطقت:الله يبارك فيك ياخوي
ماجد انا بروح للجدي ينتضر الرد
~المجلس~
دخل عليهم ماجد ونطق:ألف ألف مبروك اختي موافقه فرح سليمان والفرحه مش سيعاه
اتفقو على المهر والأمور احسن مما يكون
نطق سليمان:ياعم متى تبي نكتب الكتاب
ابو مالك ابتسم:الاسبوع الجاي
ابتسم سليمان وهمس لماجد صديقه ونطق:لو الود ودي ابغها الحين ضحك ماجد بخفه عليه
واستئذنو
~غرفة البنات~
غيم:أففف ماتفقنا كذا طول الجلسه مستحيه (خجلانه) ضحكو  البنات عليها نطقت ميعاد :ماتوقعت اختي الي كل دقيقه نتضارب بتصير عروس ومن مين من حبيب الطفوله انصدمو البنات من كلام ميعاد نطقت العنود:حبيب الطفوله!!!
ميعاد ضحكت:ايي شفيكم من زمان تحبه وأزيدكم من الشعر بيت حتى هو يحبها
انصدمو البنات نطقت غيم :الطيور على اشكالها تقع ماسمعت إلا شوق ضاربتها من راسها خلت أذنها تصفر نطقت شوق:أقول انطمي مابقى إلا انتي تتكلمين على اختي الا عروستنا ضحكو البنات نطقت اسيل بخجل:بنات خلاص عاد غيرو الموضوع
نجد وهي نتاظر اسيل ونطقت:عشتو قال إيش حب طفوله قال بس الله يوفقك صدق يعني في مناسبه نستانس فيها
العنود :اييي
وبدو يسولفون البنات وكذالك الامهات اما ريناد وغلا يسولفون بعيد عن البنات وبعد مدة نامو البنات إلا العنود مانامت نجد قامت شافت العنود سرحانه تفكر قامت نجد وتوجة لسرير العنود ومسكت يدها ونطقت:تعالي ننزل تحت بكلمك
وبلفعل نزلو تحت المطبخ ونطقت نجد:ليش مانمتي وسرحانه قولي لي
العنود قامت حضنتها تحتاجها فعلاً ونطقت وش رايك نسوي شاهي وافضفض لك إذا مافيك نوم طبعاً
ابتسمت نجد :تم يلا وبلفعل سوو الشاهي وحطو النعناع وكل شي وحطو بدفاية الشاي واخذو الكاسات(بيالة الشاي) وطلعو بالحوش صبت نجد للعنود شاهي واخذته العنود نطقت نجد :يلا انطقي
تنهدت العنود تنهيده طويله و عرفت نجد انه في شي بقلبها نطقت العنود:نجد تعرفين ان اخوك يحبني صح؟ ردت عليها نجد:ايه؟نطقت العنود :انا ابادله نفس الشعور انصدمت نجد: ونطقت كيف تبادلينه؟
العنود:يعني احبه واعشقه يعني نفس مشاعره اتجاهي
انصدمت نجد:يعني تحبينه وهو يحبك وش الي يضايقك يخليك كذا
العنود:اسمعي كنت بودي الشاهي للرجال سمعت ريناد تكلم فهد وتقوله ادري انك تحب العنود بس هي تكرهك وما تحبك يعني بختصار لا تحبها لأنك مراح تأخذها لأنها تكرهك تكلم فهد وقال لها أنا واثق مهما صار العنود لي وانا لها ومااسمح آي احد ياخذها غيري
نجد:طيب كلام فهد منطقي
العنود :مو هنا المشكله ان ريناد قالت مالاحظت صدها عنك يعني عايفتك ماتبيك وفهد صدقها
نجد انصدمت ونطقت:مستحيل فهد يحبك حب جنوني ويعرف عنك باابسط الاشياء تجي ذي الكلبه
تخرب بينكم ليش ان شاء الله
العنود:ذا الي قاهرني اما ماصديت عنه إلا اني خجلانه منه
نجد:عارفه يعيوني بس مستحيل فهد يصدق بسرعه ذي فهد مستحيل يمشي عليه الكلام ذا يسكت ويروح البر ويفكر بالموضوع وانا بتكلم معه شخصياً
العنود:خايفه يقول لذياب عاد تعرفين وش يسوي فيني
ضحكت نجد:تدرين عاد ان ذياب اول واحد يدري ان فهد يحبك
انصدمت العنود:كيف ومتى وشلون
ضحكت نجد:الحين بسئلك ذياب إذا زعل وين يروح
العنود:البر
نجد:يعني مالاحظتي ان اخوي وأخوك إذا تضايقو يروحون البر
العنود استوعبت :اها يعني ذياب يدري اني احب فهد
نجد هزت راسها :ايه يعني انتي له وهو لك
العنود حضنتها :ياخي انتي تطمنين الواحد
بدو يسولفون وماحسو بالوقت لمين إذن الفجر
سمعو صوت الأذان ضحكو لأنهم ماحسو بالوقت قامو وشالو اغراضهم وصلو وهم يروقون الدرج شافتهم ام عبدالله ونطقت:انتو مانمتو نطقت العنود :مانمنا ياجده لان كان مابقى شي على صلاة الفجر فقلنا نسمر لمين يأذن وبعدها ننام ونطقت نجد:ايه صح ولا تحسبونا بالفطور نطقت  ام عبدالله: مشاءالله عليكن غريبه المطبخ نظيف نظفتوه هزو روسهم بالإيجاب
وبعدها رقو فوق ونامو
صباح يوم الأحد
قامو الكل إلا العنود و نجد افطرو الكل صلو الضهر
والعصر وقامو العنود ونجد اخذو شور لبسو ملابسهم وتعطرو ونزلو ونطقو:السلام عليكم
ردو السلام تقهوو على معده فاضيه اتصل فهد على نجد ونطق :نجودتي البسي عباتك واطلعي انا برا
نجد:وين بنروح
فهد:بتعرفين
وبلفعل قامت نجد لبست عبايتها ومرت من الصاله نطقت ام فهد:نجد يابنتي وين رايحه ردت عليها نجد :بروح مع فهود وطلعت من البيت وصادفت ذياب سلم عليها وسلمت عليه ناظرو بعض بدون مايحسون على بعض استوعبت نجد وطلعت من البيت بكبره ضحك ذياب على حركتها ركبت سيارة فهد ونطقت:سلام رد فهد السلام
نجد:وين رايحين
فهد: بتعرفين
بعد مدة وصلو مطعم استغربت لأنه مطعم
نزلو ودخلت المطعم وطلبو أكل ودخل غرفه خاصه
نزلت نجد نقابها وسئلته :ليش جاين هنا
فهد :بغديك وبتكلم معك الموضوع
فعلاً جاء الأكل  فعلا وبدو يأكلون نطق فهد:نجد العنود تكلمت فيني نجد عرفت الموضوع ونطقت:إذا عن كلام ريناد الي قالته لك خله بعيد من رأسك
فهد انصدم ونطق:كيف عرفتي عن كلام ريناد
نجد :بسئلك أنت تحبها
فهد:تبين الصراحه ايه أموت فيها وأعشقها
نجد:طيب تصدق كلام وأنت متأكدت
فهد :شلون ماتاكدت تشوفين صدها عني
نجد:في سبب لأنه تستحي منك لأنها تحبك تحبك وجت تشتكي لي منك لانك صدقت ريناد  الي محد يصدقها تدري ليش ماقمنا بدري لان كنا سهرانين بالموضوع حقك وحق ريناد ومره متظايقه
انصدم فهد:تحبني!!
نجد:ايه تحبك
فهد:ماني متوقع ان الي احبها تحبني
نجد:فهد اصحك تنسى الحب الي بينكم
فهد :ماعليك وعلى الكلام الي يفتح النفس بقهويك
ابتسمت بحب له وبلفعل دفع الحساب وراح للمحل يشتري أدوات V60 وشرا بن لها انصدمت يوم شافته شايل الادوات القهوه وكيس البن ابتسمت بفرح له
فهد:هاذي أغراضك الجديده ولاتبخلون على زوجة المستقبل حقت اخوك
ضحكت نجد:ابخل عليك ولا عليها

١٢٥٨كلمه لعيونكم أبي دعمكم لي