انتي في ذرى شماغي من حد سيف الظروف

البارت السادس

ادركت نجد ان ريناد تبي تخرب علاقتهم ونطقت:ياسوسه ضحك ذياب عليها ونطق:ليش سوسه نطقت نجد وهي تمثل العصبيه:يعني عاجبك الي سوته! ضحك على شكلها ونطق:لا وش رأيك نروح للخيول هزت رأسها بالإيجاب ومشو للخيل الي كان اسمه رعد تقدمت بخطواتها له وهي تمسح على راسه جاء ذياب وحاوط خصرها ونطق:بعترف لك بشي
هي ماتوقعت كذا منه وناضرت يده الي محاوطه خصرها وابتسمت بخفه ونطقت بهمس: وشهو
ابتسم ذياب ونطق :تعالي مسك يدها وودها ورا الاسطبل الي كان فيه مشتل ورد انصدمت ان فيه مشتل ونطقت :الله فيه مشتل ابتسم بخفه ونطق :ايه ندخله؟ هزت بالإيجاب ودخلو وانصدمت من جماله ونطقت:الله يجنن إيه صح وش كنت بتعترف
ذياب:جاهزه تسمعين؟ هزت رأسها بالإيجاب
ذياب: تدرين كنت شخص ما يؤمن بالحب كنت أشوف خرابيط بس لما حبيت اختلف كل شي حبيتها حب لدرجه إني أفكر فيها وإذا غمضت عيني يمر طيفها حبيتها حب مايعلم فيه إلا الله حبيتها حب اخخخ بس وش أقول وش اخلي
نجد بغيره وفصول:مين الي حبيتها
تقدم ذياب لها وحاوط خصرها ونطق:أنتي أنتي الي سلبتي عقلي وتفكيري حبيتك رغم الي صار معنا حبيتك رغم كل شي أنا الآن اقدر أقول إني اؤمن بالحب بسببك لأنك تعنين لي الكثير صح مانسولف مع بعض ولا نتكلم كثير بس يشهد ربي علي أني ماعمري حبيت شخص إلا أنتي لمس شعرها يبعدها عن وجهها. وكمل :أنتي وش سويتي فيني احبككك احبككك احبككك اعشقككك ياخيي انتيي نجد العذيه اسرتيني احب ضحكتك احب أسلوبك احب عيونك احب كلامك احب لطافتك احب صوتك احب وجهك احب جمالك احبك بكل حلاتك وش أقول وش اخلي مهما تكلمت مايكفي عليك كانت تسمعه وهو يتكلم وتحسه صادق عيونه تحكي كل شي تناظره وهي كلها تئامل له تشوف كيف وهو يعبر عن مشاعره اتجاها كيّف صادق نظراته لها تدل على حبه لها كانت مشاعرها متضاربه تحس بالأمان والحب وبنفس الوقت الخوف كمل كلامه ونطق:بسئلك سؤال واحد بس تحبيني؟
انصدمت نجد من سؤاله المباشر لها ونطقت والخجل طاغي عليها:اتوقع بعد ماوقفت معي وشفت خوفك علي طبيعي بحبك ابتسم ومسك فكها ورفع وقبل ثغرها انصدمت من حركته ونطق:خمر حلال وربي
انحنى يقطف ورده  صغيره لونها احمر  حطها ورا أذنها ونطق :ذي تكون هنا  ابتسمت بخفه طغى عليها الخجل نطقت:مو كننا طولنا
أخذ يدها ومشى معها لنبته وقطف منها نعناع ونطقت وهي مبتسمه:بتسوي شاهي هز رأسه بالإيجاب ومشو للمطبخ دخلو مشت نجد تخاذ البريق حق الشاهي غسلته وبدو يسوون الشاهي مع بعض رغم محاولات ريناد تخرب بينهم بس كان حبهم أقوى من أنهم يفترقون سوو الشاهي وراحو للحوش جلسو وبدت السوالف سالفه تجر سالفه لمين أذن الفجر وهم مع بعض سمعو الأذان ضحكو لأنهم ماحسو بالوقت مع بعض بس كان يوم مليئ بالمشاعر الحلوه شالو الأغراض توضو وصلو وكل واحد على سريره بعد يوم حلو مع بعض
~العصر~
استغربو ان نجد وذياب مانزلو للحين وهم نايمين
نطق أبو عبدالله:ذياب وينه
نطق صقر :نايم ياجد
أبو عبد الله باستغراب:غريبه مو عادته ينام للعصر
أم ذياب ضحكت: ايه قالت لي الخدامه انه كان سهران مع نجد
انبسط الجد ونطق:مشاءالله طابت النفوس
ماكمل كلامه إلا ذياب نازل كاشخ لابس ثوب اسود وغتره بيضاء وريحة العود تسبقه ونطق:سلام عليكم
الكل:وعليكم السلام
أم ذياب ببتسامه:كاشخ وين رايح
ذياب وهو مبتسم:معزوم عند خويي ترا فهد بيروح
التفت لصقر ونطق:تخاويني
صقر :تم
ماجد وسيف وفيصل وعبد العزيز وريان راحو من زمان للبر يعني بس البنات بالبيت
اما الجد وعياله معزومين عند الـ جزاء
والأمهات معزومين عند أم خديجه
نطقت العنود:أفف بنات طفش الكل معزوم إلا حنا
قمر:صادقه ياخي نبي فعاليات
أسيل طلعت فكره ونطقت:لقيتها
البنات كلهم:وش
أسيل: وش رأيكم نكشخ ونصور ونسوي حلا ونرقص يعني بختصار كننا معزومين
البنات:تم
وبلفعل كل وحده راحت تكشخ وتتجهز
قامت بطلتنا من النوم دخلت الحمام(اكرم القارئ)أخذت لها دش سريع طلعت ولبست بجامتها وجلست على التسريحه ترطب جسمها أخذت جوالها تتفرج فيه شافت ذياب راسل لها فتحت الرساله وكان مكتوب(نجد العذيه أنا طالع معزوم أكلي زين وتدفي وترا حولت لك 500﷼ ممكن تحتاجينها انبسطي ياكلي انتي انتبهي على نفسك يعيوني )ابتسمت بخفه وهي تشوف رسالته لها كيف يهتم فيها وهو مشغول كتبت له(هلا بشاعري البدوي ابشر يعيوني انتبه لنفسك وكان له داعي تحولي تدفى زين)سكرت جوالها نزلت تحت شافت البنات مو موجودين راحت غرفه أسيل لقت البنات يتجهزون استغربت ونطقت:سلام ليه تتجهزون.
أسيل :عازمين نفسنا
ضحكت نجد:كيف
ميعاد :سلمت الله طفشانين إلا ذي الصخله الي جنبي جابت فكره أننا نكشخ ونصور ونرقص ومن الطفش وافقنا
نجد ابتسمت:اجل الأكل علي
البنات :تم
طلبت من المطعم أكل وراحت تتجهز وكشخت وشافت المندوب يقول أن الأغراض برا راحت للحارس الي عند سور مزرعتهم ونطقت:شهاب جيب الأغراض من المندوب وهذي الفلوس آخذ الفلوس وعطه للمندوب وأخذ الأكل أخذت الأكل وحطت بصاله وجهزت السفره وكل شي وجابت السماعه خلصت كل شي والبنات مانزلو كانت تصور نفسها نزلت ريناد ونطقت:وايي ذوق زيزوو شهلبس
نجد ناظرتها من فوق لتحت ونطقت:الحمد الله والشكر نزلو البنات

البارت قصير بس بعوضكم
انستاء.   rema11660
تعالو ياحلوين 💗💗