حِطام الليــل

مُقتَطفات .

بسم الله الرحمن الرحيم

لَعَلهُ ابتلاء من الله
ليرى ما في قَلبي مِن صبر
فإذا رَضيت ، رضي عني .

_________________
*****

_ أُمي  داخابر عليه ميرد رسلتله رسائل
مديوصلن اله ما عنده اتصال بالنت
_ شسويله يعني يطبه طوب عساه الي ماتو بسببه احسن منه
_ أُمي كل الي ديصير بسببج لتلومين احد انتِ ممعتبرته من ولدج ليش؟ بشنو يفرق عنهم؟ حتى سحر لزمتج اكثر من مره دسويله
_ اششش اشششش والله وبالله  اذا عرفتج كايله هيج الاحد اخبلج اخليج تركضين بالشارع

سكتت عنها بالي كُله يم الحسن اخويه كلبي ممرود عليه
اخذت مبايلي حاولت اتصل على ...

_ الو ما اجه لهسه؟
_  أُمي راح تنجلط من البجي
_ اوف اوف  كلبي ممرود عليه ما ادري وين راح
بأثناء داحجي وياها دخل
بشرته شاحبه وصفره العرق يتصبب من جبينه وجسمه كُله على بعضه يرجف الواضح انو حرارته مرتفعه

شمرت المبايل بأهمال على القنفه وركضت حضنته
لو بيدي ادخله بضلوعي
تكلم بصوته الهادئ الي يبعث الطمأنينه وينطيني الراحه
غصب عني
_  حبيبتي اهدي عيني هذه انا يمج ما بيه شي
_ ردت اموت من الخوف عليك