حِطام الليــل

الحِــطام الأول .

بسم الله الرحمٰن الرحيم

لَين لا زحت الحَيه ولا ضيعت معروف
ولا خنت الوفه وربعي جفلو مني
اضحك بالوجوه من غير راحة بال
واصبر لو ليالي العسر ضكني

اول بارتات حيكونن تعويد لحياة البطله
حيكون هناك اختصار بالاحداث بسبب عدم وجود شي مهم ينذكر
الاحداث الدسمه حتكون بعد البارتات الاولى اتمنى تصبرون🤍.

لا تنسون التصويت لُطفاً وتعليق حلو بين الفقرات مثلكم فراشاتي 🦋.
________________

تردد بسمَعي صوت امي تكعدني من نوم
- ڤيونننن ولج ڤيوننن كعدي جيبي خُبز

- ها يمه هاا
- كعدي جيبي خبز شلون تتريكون ما عدنه خُبز
- كايمه يمه كايمه
- هاج خمسه جيبي خبز بـ ٣ الاف
- يمه صدك تحجين ساعه بسته مكعدتني على خبز خرب انَّ
- اش بلا حجي روحي يلا
- رايحه امري لله

تمشيت حتى وجهي ما غسلته كفشتي واصله للسكف شمرت عليها الشال مع انو مو محجبه بس شعري ما مشطته اخذت الفلوس وطلعت للمخبز جان قريب علينه بنهاية فرع بيتنا

راجعه للبيت شايله بيدي علاكة الخُبز واغني

- صغيره جنت وانتَ صغيرون
حُبنه بده بنضرات العيون
كالو ترا ذوله يحبون
ومن الصغر لما يكبرون
مثل نجمه والكمر كبر حُبنه وازدهر

وصلت لباب بيتنا طبيت للمطبخ
- يمه وينج جبت الخبز
ما جانت ترد ، رحت لغرفتها لكيتها نايمه
هزيت ايدي
اويلي عليج يمه مكعدتني اجيب خبز من سته وراجعه نايمه ادري عماله اني
رجعت نمت بفراشي

ساعه 3:38 مساءً

ڤيونن حضري ممية وملابس لأختج الصغيره خلي نروح لخالتج وطلعي ملابس لشمس خلي تبدل يلا كومن بسرعه لا تعلن كلبي
- كايمه كايمه

- كملت ماما
- يلا امشي نروح
طلعنه نأجر تكسي ابوي مموجود يشتغل اعمال حُره بس جان ممقصر علينه بشي خالاتي وعماتي البعض منهن يغارن من امي لان عايشين بخير
اجرت امي تكسي صعدنه رايحين لبيت خالتي جانت
صديقتي المفضله بنت خالتي الي اسمها هند