عشك اذياب

البارت الاول

في أحد ازقه بغداد عام 2017

يوم الثلاثاء  7:18

شيماء : ماماتي دره يلا كومي  تأخرتي وراج دوام

دره : اي ماما كعدت بس شوي

شيمااء : لج ماما صارت بسبعه ونص كوميي اخوانج كلهم راحو للمدرسه بقيتي بس انتِ

دره: صباح الخير ماما

شيماء : صباح العسل حبيبتي يلا كومي بدلي وغسلي عله ما اسويلج اكل

دره : لا ماما ماشتهي اني اكل برا

شيماء: يوم مو زين عليج لعد شون تركزين

دره : ماما ماحب اكل الصبح

شيماء : بكيفج حبيبتي راح اخليلج مصرف بجنطتج واخليلج مي

دره :  اوك ماما

رحت شفت ساعه عزا تأخرت ساعه 7:25
رحت اركض عله الحمام بدلت وفرشت أسناني مشطت شعري سويته كعكه رخيه كلش ولبست الساعه ورحت البس البوت واخذت جنطه وطلعت دامشي بنص الطريق والدنيا داتمطر

ياه نسيت البس جاكيتي الجو كلش بارد عزا شيخلص ليومم  وصلت للمدرسه سلمت عله صديقاتي

وهج : هلا دودو صباح العسل لج شنو هاي خدودج حمر من البرد طالعه جننين وباع خشمج همات احمر عبالك المهرج

دره : هههه لج لذكريني نسيت البس جاكيتي لان طلعت متاخره

وهج : هاج هاي قمصلتي

دره : لا داده حبيبي البسيها يمعوده لترحين تتمرضين الجو كلش بارد ليوم

وهج : لج دخذيها عاد لابسه ملابس هوايه اني

دره : يروحي انتِ لج شنو هاي الحنيه ابوسج اني

وهج : شعندي غيرج اني اخلفف اجيب
صدك ليوم اسيل ماكو

دره : ماعرفف صارلها يومين غايبه وحت مفاتحه نت خاف صاير وياها شي لا سامح الله

وهج : تمام ليوم من انحل من لمدرسه انروحلها نشوفها وهم نطيها الواجبات

بعدنه دنحجي ودخلت ام  الاحياء

وهج : يمعوده تعاي اكعدي  لترزلنه من صبح واني مالي خلكها

بدت تشرح النا الموضوع عله السبوره وعله نص الدرس دخلت اسيل فاتحه شعرها وعيونها حمر ومنفوخات ومبين صاير وياها شي

اسيل : ست تسمحيلي ادخل

ست بيداء: لا مدخلين وين جنتي شعدج متاخره هااا
متحجين انبلع السانج باعي مستواج صاير زفت وغياباتج كثرانه  وابد معاجبتني انت روحي للأداره واني جايه وراج واعرف شصرف

دره : هسه هاي شكو تلكت الابنيه حت ملحكنه نعرف شنو بيها

وهج : اي صدوك شفتي وجها شون تعبان واصفر وعيونها حمر