علي فقيد الاحبه 💔

علي من بعد ما حسيناهم راحو الدواعش كمنه 10 اشخاص احنا البقينه على قيد الحياة بينه المتصاوب وبينه الجرح كلف وبينه الجرحه بسيط المهم بس لحد الان ما اكدر تتخطى وجع كلبي صرخات عثمان الي لحد الان براسي واني اخوه واكبر منه لاكن ما بليد حيله طلعنا نمشي واحد يسند الثاني جينه نعبر النهر ابجه سامراء بس ما كدرنا لأن شفنا دواعش فوك الجسر يقينه جوه بالشط وناكل من جوع حشيش 😞 لحد الفجر حصلنا طريق وكل ثنين راحو بجه اني وياي شاب من الديوانيه لحد ما وصلنا لقريه لكينه بيت وبيه شايب وعجوز وبنات اثنين شباب اخذنه الامان منهم ودخلونه البنات للغرفه وعالجونه وجابونه أكل سولفت قصتي الهم وطلبت منهم تلفون واني حافض رقم اخابرت واكثر من مرة وجان ترد اختي علي
بس اسمع بجي واعياط يمها كتلها اني هربت بس ما نكدر نرجع هسه لأن الدواعش بكل مكان واني زين الحمد لله وحجيت وي الكل وكلهم يسئلوني على عثمان ابجي وكلهم زين ما بيه شيء كتلهم ابويه شلون مات خليته ما بيه شيء كالو مات من البجي والقهر على عثمان يكول كل ولدي يموتون ولا عثمان 😞كتلهم اليوم باليل نطلع بلكي نوصل أطراف سامراء لحد اليل طلعنا ودلونه على طريق سامراء نمشي وصلنا بيت محد بيه بس أثار الدم وبقينه بيه يومين ويوم بعد يوم ما اكدر تحرك من الصواب اذاني ف كت لصديقي أنت روح لهلك ومناك روحص خبر اهلي لهاذ العنوان اني من أهل السماوة قضاء الرميثه من عشيرة ال عبس أول مرة ما قبل يتركني بس اني لحيت عليه واصريت يروح حتى يخبر اهلي كتله كلهم عثمان استشهد على منصةالعدام 💔 وعلي مصوب بسامراء وصوابه خطر وحتمال يموت بليل ودعني وطلع بقيت لحد الضهر وشاد جرحي بقميصي من الوجع لأن ما عندي القدرة اتحمل وكل هذا واهلي ما يدرون بيه شنو وضعي أو شنو جاي اعيش من الم وحزن على ابويه الي مات من قهره على اخويه لو على عثمان الي عدموه اكبالي واني اشوف شلون الضالم يعذب بيه شتحمل المهم قررت اطلع أحسن من ما ابقى اهنا و حتى من اموت محد يعرف بيه ف ورا الظهر طلعت امشي ساعة واكعد ساعة لأن ما اكدر اكمل بسبب الوجع لحد ما وصلت سامراء لكيت فصائل تحامي المراقد من ايادي المجرمين الدواعش الي كانو نصهم اسلام بالجنسيه للأسف 💔وصلت للنقطه الكل فتح اطلاق النار علي رفعت ايدي وكعت عرفو بيه اني مو داعشي جوي واخذوني عالجوني وعيت بعد فترة من النوم كتلهم شكد صارلي يمكم كالو 4/ أيام كتلهم اريد اهلي اخوي استشهد وابويه توفه من القهر والخوف علينا اخذو معلومات عني كالو ما نكدر اله من يرجع رتل لبغداد انجيب اسلاح وناخذك ويانه طلبت منهم تلفون وخابرت اهلي جاوبني اخويه ومثل كل مرة يسئل على عثمان واني اكله زينين الحمد لله انتم شلونكم الاهل كال اختك توفت بجلطه من كد القهر والخوف عليكم بقيت ابجي 😭 اااه يا خويه عمت عيني عليج شون من راح ارجع ولكه البيت فارغ لا ابويه لا عثمان ولا اختي العزيزة ما حسيت اله فقدت الوعي بعد فترة كعدوني الشباب رجعت اتصلت مرة ثانيه كتلهم راح ارجع لبغداد تلكوني بمعسكر صقر و فعلآ رجعت وياهم وتلكوني اخواني وخوالي جاني اخويه حضني ويعزيني على وفات ابويه لحد ما استفقدو عثمان 😞 كالو شبيه ليش ما تحجي كتلهم عثمان ستشهد نعدم اكبال عيني بقو يصيحون ويتلاطمون وصار المعسكر شبه فاتحه رجعنا والكل يتصل كالو لحد يكلهم على عثمان لحد ما نوصل من وصلنا لكيت خواتي لازمات الباب والغيار مبين عليهن من الفراك علينا ومن الحزن على ابويه واختي بده بده خالي يرمي وينادي عثمان شهيد وما اشوف غير أمي لوكعت من طولها واخذوها المستشفى اني فاقد كل حيلي وما عندي غير صرخات متراكمه بصدري احسها إذا خليتها تكسر اضلوعي وتطلع دخلت للبيت واني منهار واتذكر مكان ابويه الي دائما يكعد بيه لو مكان عثمان لو اختي وكعداتما سوه شنو الي تذكرة وشنو ألي اكدر انساه أكثر شخص انكسر هوه اني لأن نحرمت من ابويه مات واني مو يمه من اختي ألي ماتت على مودنه على اخوي الي يطلب المساعدة بعيونه اني لا حول ولا قوة واخوني واخواتي الكل يبجي وينوح كتلهم عثمان وكعت من طولي 💔💔💔💔😭😭