أحببت أختي بتبني (الدارجه المغربيه )

part 25

نمشيو عند مروان  لقرر يمشي فيلا عائله من بعد عيا مايتصل   بقيص ولكن ميكجاوبوش حيت بحكم هوما شركاء عندهم خدمه بجوج وخصهم ضروري  يمشيو أمريكا حيت عندهم واحد صفقه تما   وكانو مقررين يمشيو بجوح
مروان لدخل فيلا كيلقا هدوء  لاله حياة  لكانت كالسه  هي لمدارت حتي رده فعل حيت عارفه ولدها مزيان  ايكون يبغي يبقا بوحدو وخلاتو علي خاطرو  في بالها حاجه وحده كتفكر فيها وهي شهرزاد   وداك شي لشافت صباح حيت عمرها مشافت ولدها في داك حاله ستغربات من  ولدها   فلاله حياة بغات دير اي حاجه باش تبعدهم علي بعضياتهم هي كانت في الأول شاكه حيت نظراتهم كانو باينين لبعضايتهم  ولكن كتنعل شيطان كل مره  ولكن دابا تأكدت فداك شي علاش قررت تزوجو بكريمه  وتريح بالها وهده دنب حيت هي فعقلها كتقول ميمكنش
زهور و كريمه كالسين بحال لفعات كيعمرو ليها فراسها  ولكين حياة عارفه شنو فراسها  كتسلك ليهم  و ياسمين لكانت كتشوف فيهم   و كتخنزر في زهور و ختها كريمه  حيت عارفهم  مزيان حفضاتهم و ملات من الاعبهم لفاتو لحدود 
مروان لدخل مفهم والو مشا نيشان عند لاله حياة باش يفهم شنو واقع حتي   كتجرو ياسمين
مروان : ختي  ياسمين اش واقع هنا فين هو قيص
ياسمين  لجراتو حديقه ديال فيلا: ماكين مايتخبا ولكين راه ديك كريمه فاتت لحدود ديالها  راه ختي وعارفها مزيان راه واخا ختي مغنجيش منها حيت عارفها
مروان: دوي اياسمين اش دارت تاني مالها
ايوا ياسمين  لعودات ليه كلشي من طقطق  حتي سلام عليكم 
مروان  : صافي  راه باين ايكون في مزرعه بلاصه وحيده لكيمشي ليها  فاش كيتعصب
ياسمين: اش غدير واش اتمشي عندو
مروان : اه  كيقول وكيحك في لحيتو
ياسمين: شوف مروان خاصني نقول ليك واحد حاجه اجي بعدا فين هي  ليلي واش عيت منتاصل بيها مكتجاوبش انا قلت مشات شريكه  وحتي  خالتي حياة  عيات متصال بيها  وتسول عليها 
مروان  : متخافوش عليها راه عندي 
ياسمين لخرجات عينها: مروان اش كتخربق اش كتقول كيفاش عندك
مروان : ياسمين قولي شنو بغيتي تقولي تال من بعد ونشرح ليك
ياسمين: مروان ليلي راه  عزيزا عليا مبغيكش دير ليها شي حاجة  واصلا خالتي حياة لسمعات هده شي ميعجبهاش حال بركا غير هده مشاكل لفيهم
مروان: ياسمين  راه خاصك تعرفي انو انا نموت ومنسمحش ليها باش يوقع ليها شي حاجه  باقي اتقولي شنو بغيتي ولا نمشي
ياسمين لساطت : اوف منك امروان اوف  كدير لفي راسك نتي وداك قيص ريوسكم بحال حجر
مروان:  ياسمين  انا نمشي  عند قيص  ولكان شي جديد عيطي عليا 
ياسمين هي لساطت : اوف اوف منك  الله  يهديكم
ياسمين لدخلت دازت علي   كريمه و زهور بلا ماشوف فيهم حتي شوفا مشات عند لاله حياة
ياسمين: خالتي انا انمشيو نخرجو انا وشهرزاد نبدلو شويا جو
لاله حياة : احسن حاجه اديرو سيرو ابنتي  ولا بلاتي قبل ماطلعي عندها انا نمشي  عندها ندوي معاها  لتكون مقلقه مني 
نقشات زهور : لاواه علاش اتقلق منك فشوش خاوي 
حياة لدرات راسها مسمعتهاش : ياسمين عندك شي خبار علي ليلي تلفت انا هده نهار
ياسمين لبدات كدور عينها : ها اه راه عيطات عليا قالت ليا ليوم  متكونش في دار عندها شي خدمه  وقالت ليا نقولها ليك
لاله حياة  : اه صافي حسن مدرات ليوم جو مخربق
ياسمين بشافت : اه بصح
ايوا لاله حياة لطلعات عندها دقات باب
شهرزاد  لكانت كتشوف في مرايه وحلفات لبقات بكات حيت عرفات مكيتسهلش  وكاين محسن فقررت تبعد عليه  وليكن عقلها و قلبها كيقول هضره خرا بزاف تناقضات  كيدورو في راسها هي لكانت كدير واحد عكر لكان بلون  وردي وكتشوف في مرايا وتقول في راسها غير انا لكاينه حتي تتسمع  باب كيدق دورات راسها حتي كيبان ليها كيتحل
لاله حياة لدخلات : ممكن ندويو
شهرزاد  : اه طبعنا
لاله حياة : استغربت من حالتها  خلتها كتبكي حتي كتبان ليها سيده  كاع ممسوقا بحال مواقع والة
شهرزاد:  وهي كتسني دوي
لاله حياة: بنتي شويا
شهرزاد بكل بروده: لا ماكين والو اش غيكون متلا
لاله حياة وباقي مستغربه طالعات حاجب : شهرزاد راه كنعرفك مكتبغبش تبيني ضعف ديالك راك نتي بنتي غير ابنتي عاودي ليا وخوي ليا شنو فقلبك
شهرزاد : لا ماما حياة ماكين والو انا بخير متفكريش فيا علاش اصلا شنو غيكون فيا
ايوا لاله حياة عيات متجر ليها في لسنها ولكين شهرزاد مصرا علي متقول والو
ايوا في الاخير لاله حياة قررت تخليها بوحدها 
لاله حياة لنزلت تحت لقات  ياسمين  كالسه وحدها أروي لكضحك معها  وكتلعب معها
أروي : يوبي ايزي بابا غدا
ياسمين وهي كتبوس فيها : اه الخايبا باقي مكتنطقي حروف مزيان
لاله حياة : ياسمين بنتي واش ايجي أمير غدا
ياسمين: اه اخالتي راه كنت بغيت نقولها ليك فاش بغيتي تهبطي
لاله حياة: والله ابنتي احسن خبار سمعتو ليوم
ياسمين لكضحك : مهيم انا نطلع عند شهرزاد
لاله حياة : اه بنتي سيري

* تذكير: مهيم لمعاقلش أمير هو زوج ديال ياسمين *
لاله حياة : فاطمه
فاطمه (ئيسه خدم) : نعام لاله حياة
لاله حياة:  فاطمه غدا ايجي  أمير بلا منوصيك بغيت كلشي يكون متول
فاطمه(ئيسه خدم) : كوني هانيه
لاله حياة: وعلي هده سيري صيبي لينا شي جوج  قهوه بلا سكار
فاطمه(ئيسه خدم ) : هي لوله

زهور لكانت غير  كتشوف  هي و كريمه
زهور : خاصنا نبداو في تجهيزات عرس
لاله حياة : تيجي قيص وندويو معاه
كريمه لبدا كيصوني ليها تيلفونها   كان فيصل
*عقلتو علي فيصل لكان كيتقرب من ليلي  لخدام عند عدو لدود ديال قيص و مروان لهوا عقرب  .مهيم   قبل مايدخل شريكه كان علي علاقه مع كريمه كانو تعارف في  واحد  nuit club وكانت بينتهم علاقه ميهم ملي عرف انو كتنتمي لعائله قيص ومروان ولا  كهيددها بزاف ديال حوايج كل مره كيفاش طريقه تهديد *
زهور لطلعات حاجب ملي شافت وجه بنتها كيصفار وكان الوان طيف في وجهها
لاله حياة : متلك ابنتي شفتي تليفون وجهك هو يصفار
كريمه:  سمحوليا
زهور : لتبعات عين بنتها عرفتها اتكون مزبلها كيف عاده
كريمه لدوزات مكالمه  في جرده : شنو بغيتي الفيصل اش بغيتي فلوس شنو علاش معيط
فيصل هو كيدوي بسوط مستفز : لا بغيتك نتي اجي عندي هده ليله
كريمه: ولمجيتش اش غدير
فيصل : واخبار في رأسك تصاورك يوصلو
كريمه :  صافي انا غنجي
فيصل : ضحك تابانت ليه ضرست عقل وهكا نبغيك متكونيش قبيحا
كريمه: لقطعات ليه في وجهو  وبدأت كترعد وكتعض في ضفراها
في دوك اتناء كانت شهرزاد لكطل من بالكون حتي كتيان ليها  كدوي مع شي حد و كتغوت   ستغربات بقات كتشوف حتي كيبان ليها باب غرفه تحل  كانت أروي
أروي : تاتي ممكن ندخل
شهرزاد اشافتها وضحكات اجي غنفوستي وهي تنزل علي طولتها
شويا وهي تبان ليها ياسمين
ياسمين لقالت : وانا تاتي مندخلش
شهرزاد لجابت ليها ضحكه : دخلي ازبن