عند ياسمين لدخلات و سدات معها باب ديال غرفه
شهرزاد لكانت كالسه أروي فوق رجليها و كتمسح علي شعرها وكضحك معها
ياسمين قالت : ماما بنتي زوينه واخا تخليني ندوي شويا مع تاتي شهرزاد
أروي لغبشات وفي نفس وقت دايرا راسها مقلقه : لا أنا بغيت نبكا مع تاتي شهرزاد
شهرزاد: لبساتها وضحكات معاها
ياسمين: هم مابغيتش نمشيو Park اخنفوسه
أروي غير سمعات Park : لا لا سافي انا نحرج
شهرزاد لضحكات لقالت : هانتي ليك علي خايبه دغيا بدلتني ب Park
ياسمين لعيطات علي مساعده باش تنزل معاها
أروي لعنقات شهرزاد و ياسمين ومشات مع خادمه
شهرزاد : للاحت ليها قبله في هواء
نمشيو لبلاصه خرا لبعيد عن هنا عند قيص لكان كالس في واحد صالون لكبير عصري بمتياز كان كالس وهو كيفكر و في بالو حاجه واحده هي شهرزاد هو في الأول كان كيقول غير إعجاب ولكين دابا معرفش امتا وكيفاش حتي لقي راسو متيم و غارق في حبها هو باقي كيفكر حتي كيدخل عليه و كيشتت ليه تفكيرو مروان
مروان من بعد معاودت ليه ياسمين سيناريو كامل محس براسو حتي لقا راسو حدا باب فيلا ديال مزراعه مروان كيما قلت ليكم و كنعاودها هو يد يمني و صديق طفوله بنسبه قيص فمقدرش يخليه هو في ذاك حاله رغم أنو عارف ايبغي يبقا بوحدو وتوقع يكون في مزراعه حيت عارفو مزيان وكان توقع ديالو صحيح
مروان: ساط
قيص بصوت رجولي طاغي : اش جابك هنا
مروان : عاودت ليا ياسمين شنو كاين و جين عندك
قيص لهضر بحال مواقع والو : مروان اش درتي باقي انمشيو أمريكا علي حساب صفقه
مروان لعرفو مبغاش يدوي وخلاه علي خاطرو : اه كنا انمشيو ليوم ولكين لغيت موعد خليتوا تال غدا
قيص شاف بعيد : دير لبان ليك وهو ينوض طلع فوق
مروان عرفوا ايكون معصب مبغاش يزيد عليه: واش اتبقا هنا ولا غتمشي
قيص : لا ارجع
مروان : انا سابقك اساط
قيص لدرا ليه بإيده زعما تهلا وهو يطلع فوق باش ياخد ليه دوش
نمشيو عند ليلي
لهده مره كتفيق كتمشي نيشان عند باب غرفه كتحلو كتلقاه محلول ستغربات علامات فضول في وجها خرجات من ديك غرقه وهي كدور راسها كتستكشف هيا فين كتلقا في راسها في واحد فيلا لكانت فيها بزاف ديال غرفه و بزاف ديال لوحات لكانو في كل مكان وكيبانو غالين تمن بقات كتشوف فيهم حتي كتجي وكتخرجها من سهوتها واحد مساعده
مساعده : لاله يكما خاصك شي حاجه
ليلي لدورات راسها قالت بصوت مبحوح : ختي عتقني انا فين عتقني والله منسا خيرك
مساعده كتشوف فيها إبتسامه: سمحليا لاله ولكين أنا كنفد غير أوامر لعاوطني و لهي خدمه ديالك لبغيتي شي حاجه
ليلي قالت بصوت بريئه و عينها مغرغرين : واعباد الله شكون هذا لكيعطكم أوامر جاوبوني أنا بغيت غير نعرف في كاينه
مساعده قالت : مع وقت كلشي تعرفيه لاله ليلي راه وجدنا ليك دوش
ليلي : لبقات كتشوف وعينها لمغرغرين شدات في شعرها لكان كيطيح ليها علي عينها وفي الاخير قررت تمشي تاخد ليها دوش وفي نفس وقت تفكر كيفاش تهرب من هنا حيتاش ميمكنش تبقا هنا ودموع مغينفعوهاش هده شي لكان كيدور في عقل ليلي بطله ديالنا
نمشيوو واحد بلاصه لكانت خارج مدينه في واحد كوخ لكانو دايرين بيه بزاف ديال كراد لابسين لباس رسمي
داخل كوخ كان واحد رجل كالس ويعطي أوامر في دوك رجال ديالو كان كالس في واحد كراسي ويتشرط و يتمختر عليهم هده عقرب لفايت هضرنا عليه وقلنا لأنو هو من بين أكبر أعداء ديال قيص و مروان فمتستغربوش كاع رجال أعمال ناجحين ضروري ميكون دايرين بيهم أعداء لكيبغيو يستغلو أدني فرصه وأقرب فرصه باش يطيحوهم و يدمروهم و عقرب و رجالو كانو مت بين هده أعداء
مهيم عقرب هو مجرد لقب كيتمسا بيه من زمان واعوام وهو بمعروف بيه عقرب رجل حقود و طماع لشافها ديالو داك شي علاش ناس كيلقبوه بهده لقب
هو لكان كالسه كيما قلت ليكم في واحد كرسي و مدور بيه رجالو وفي قدامو كان فيصل لكعتبر يد يمني ديالو
عقرب قال : اش درتي مع ديك ختنا باقي مبديتش خطأ معها
فيصل : لا شاف عيط عليها ليوما كولشي ايكون مزيان راه لقيت باش نشدها من ايديها كاع لمعلومات لغنبغيو اجيبهم لينا
عقرب ضحكا تابنت ليه ضرست عقل ناض هو يضرب علي كتف فيصل شاف فيه بنضرة فخر وقال ليه : هاك نبغيك راجل نص مغلطش فيك نهار الأول
فيصل مهبط راسو : الله يودي ياشاف كلمتك هي كبيره
عقرب لضحك ليه ووصا رجال ديالو يجيو ليه أي خبر علي مروان و قيص جديد
هو يمشي يطلع في لطوطو ديالو و من وراها رجالو
للمعلومة انو عقرب كيما قلت ليكم هو طماع فهو كيتاجر في جميع انواع مخدرات و تهريب أسلحه وعاد عندو صفقات يعني أي طريقه تجيب ليه فلوس كتعجبو مهما كانت قلبو بارد و مفيهمش رحمه
نمشيو عند شهرزاد و ياسمين لنسيماهم وخليناهم غارقين في جماعتهم
شهرزاد قالت : غدا ايجي أمير
ياسمين قالت وهي كضحك : اه صراحه انا فرحانه شحال مشفتو
شهرزاد قالت: هانتي ليك عليك تاني هاي هاي اجي شفت ليلي معيطتاش عليا واخا كتكون عندها خدمه اتعيط عليا
ياسمين قالت وهي كتشوف في الأرض وكدور عينها
شهرزاد بجديه وخوف : ياسمين شنو واقع فين هي ختي
ياسمين : اوف شهرزاد راه مروان خطفها قاليك في أمان معرف تافين داها
شهرزاد بكترته خوف وهي تنوض من فوق ناموسييه مخلوعه : ياسمين براكا عليا غير هده شي ليوم اش بغاها
ياسمين لبدات كتهدء فيها : ياحمقه متخافيش خاصك تعرفي انو مروان اكتر واحد ميقدرش يدير ليها والو دويت انا وياه راه بأن ليا دري طايح طيحه ميت
شهرزاد : واخا هكاك هدوه مالهم هك مكيعارفو يتعاملو يجي و يخطفها هده شي كتير
ياسمين ضحكات : ايوه راه هده ديوالنا هكا
ياسمين لسكتات شويا بدأت كتقول شهرزاد
شهرزاد لشافت فيها عرفتها اتجبد ليها قيص فا فهمتها عينها غرغرو و لكين مكتحاولش تبين
شهرزاد: كتشوف تحت و كتحاول متشوف فيها : نعم
ياسمين لجرات ليها وجها و شدات ليها في إيديها : شوفي فيا كتبغيه
شهرزاد لكتشوف فيها و كدير راسها مفهماش وعينها لحمرين و مغرغرين وتسمح في عينها و كتقول : شكون هذا
ياسمين لبقات فيها كتعتبارها بحال ختها و كتر كاع :شهرزاد بلا متغبي عليا أنا خبي علي كلشي الا عليا راكي عارفني علمن كندوي علي قيص
شهرزاد غير جبدات ليه قيص : في الاخير طلقات دموعها و هي تعنقها واش تال هده درجه باينه
ياسمين لعنقاتها وزيرات عليها: بكي بكي خوي عليا قلبك راه نضرات عيون ميكبدوش
شهرزاد وهي معناقها و كتبكي : علاش علاش انا بغيتو كان عليا من الاول نبعد و نخليه علاش انا كيوقع ليا هده شي
ياسمين قالت: انت غدي نقول ليك واحد نصيحه ديما سمعي لقلبك قلبك شنو كيقول ليك حيت قلب مكيكدبش انا كنشوف قيص عمرني شفتو فرحانه مع شي وحده من غيرك عمرني شفت كيشوف في شي وحده كيما كيشوف فيك راه قيص كبرت معاه من صغر وعارفاه كداير
VOUS LISEZ
أحببت أختي بتبني (الدارجه المغربيه )
Actionأهلان المهم هده أول روايه غنحطها ليكم . روايه فيها مجموعه و مزيج من أحاسيس غتعيشو معها بزاف تاع مشاعر ونتوما كتقراوها غتلقاو راسكم مندمجين مع أحداث قصه الذي تجمع كل من (رومنسيه ، هوس، حب من طرف واحد ، تملك .....) فا نخليكم مع روايه تروي...
