والمرء لا يُريد سوى أن يعيش أيامًا هادئةً،
تخلو مِن نوبات الحزن المفاجئة،
وأن يُحقق أحلامه التي يسعى من أجلها،
وأن تمضي الأيام في سلام.
************
"عبدالرحمن ": ها يسيدي ايه الموضوع المهم اوي اللي مصدعنا بيه؟ متكونش ناوي تتجوز يالا يا انس؟
"انس" بتوتر: آه، أختك.
تفاجئ الجميع من القُنبلة التي تم إلقائُها، وكان أحدهم يبتسم برضا وقليل من الفخر ؛ كَون صديقه قرر أن يفصح عن ما بداخله وكان "آدم ".
"عبدالرحمن ": انتَ بتقول ايه؟؟ طبعا مش موافق ، انا ماشي عندي شغل في المستشفى
كان شعور "انس" كمن أُلقي بطعنة داخل قلبهِ ، لم تُؤلمه الطعنة بقدر مألمهُ صاحبها.
"علي": خد يا "عبدالرحمن" أيه اللي انتَ بتقوله دا؟
"انس": خلاص يا "علي" براحته ليه الحق في الرفض شكرا يا..ياصحبي، انا ماشي ياشباب عندي شغل سلام.
"آدم" بانفعال: تقدر حضرتك تفهمني عملت كده ليه وليه رفضتوا، هو أيه عيبه يعني مش فاهم؟ ومن امتي واحنا بنكسر بعض كده ، انت عارف ان "انس" حساس .
"عبدالرحمن ": انا ليا عُذري محدش هيعرف يفهمه ،وبعدين انا حُر
"علي": وايه عذرك المهم اوي عشان ترفض صحبك اللي في مقام اخوك؟
"عبدالرحمن" بتنهيده : انتو ليه مش عايزين تفهموني؟ انا بحب "انس" وبعتبره اخويا الصغير ولو لفيت الدنيا مش هلاقي حد زيه لاختي
"ادم"بسخريه: ولما انت مش هتلاقي زيه رفضتوا ليه يا حلو؟
"عبدالرحمن":خايف..خايف تحصل مابينه هو و"حبيبة" مشاكل قدام تسبب في مشاكل في علاقتنا ، انا مش عايزه اخسره ولا اخسركم انتو اغلا حاجه عندي ، ممكن كلامي كان قاسي بس..بس مش عايزه اخسره والله ، مش عايز اكون محطوط في مقارنه بين صحبي واختي!.
"علي": ليه دماغك ودتك لبعيد مش فاهم؟ انت ياابني بتفكر ازاي بجد؟ لو لقدر الله حصل بينهم مشاكل دي مابينهم يحلوها سوا ، ولا احنا ولا حد من أهلهم ليه دعوه
حياتهم وهما حُريين فيها، كنت تقدر تقوله حاجه تانيه غير اللي قولته انت كسرته اوي وكان باين على وشه، مينفعش يا صحبي ، لازم تصلح اللي عملته
"عبدالرحمن ": معك حق، مش عارف اعمل ايه، انا اصلا قرفان وعندي ضغط في الشغل ..المهم اعمل ايه طيب عشان أصلح اللي عملته!
ادم": ولا حاجه يحبيبي كلو قرفان بس لازم نفصل ببن الشغل وبين حياتنا مع صحابنا وبين حياتنا في البيت، لو ندمان روح ليه وكلمه وفهمه وجهه نظرك ،وقوله يجي امتي، عشان لما تروح تتقدم أن شاءالله متلاقيش حد واقفلك زي الشوكة في الزور.
أنت تقرأ
حارة السعادة
Short Storyماذا عن أصدقاء في مكانه الأخوة يُساعدون بعضهم البعض معاً سنعرفُ قصه كل صديق من الأربعة وكَيف التقى مع نصفه الآخر
