#وادي_الموصل_(سَبيه)
#بقلمي_ايــه العجيـل
تفاعل+تصويت بين الفقرات +تابعوني انستا✨
استاحشيت اگعد بصفك
والزم جفوفگ
واغني
ودي اگلك هاگ اخذني
ناصر البدري
~~~~~~
وادي: اخ من عيونج الدوهني
مافهمت شنو يعني لان جنت صغيره يعني مو حيل افتهم مشيت وعفته خلصت الحفله ورجعنه للبيت
ومرت الايام واني كبرت صرت ثالث متوسط
وادي ماشفته ابد واني هم كلت احسن الي والى
جاي امشي راجعه من الدوام اني ورجاء جان تكول
رجاء: ولجج ليلو صحيح هاذ الخبر
ايلول: شنو
رجاء: ا صدك يولي نجمه راح تزوج
ايلول: اي
رجاء: وقمر ايمت مو صار سنه مخطوبه
ايلول: والله مادري
رجاء: ونتي ايمت تعرسين
ايلول: اكلج رجاء ليش ماتنجبين لا بن**
رجاء: هههههههه
ايلول: وجعع شبيج جنج الب***
رجاء: مابيه شي ههه
ايلول: يلا وصلنه حبيبي باي
رجاء: بايي
مشيت ورجاء راحت على بيتهم
دخلت للبيت لكيت قمر كاعده هيه وخطيبه
سلمت عليهم وطبيت جوه قدي شكد اكره
فتت جوه بدلت وسبحت ورحت اقره
سمعت ماما تصيحني رحت عليها
امي: امشي يلا اغسلي الطرمه
ايلول: يمه شبيج بس عليه روحي على قمر ونجم
بعدني ما كملت سالفتي وضربتني راشدي
امي: امشي انكلعي لا بارك الله بيج
عفته ومشيت الغرفتي واني حاطه ايدي على خدي
فتت وكعدت على الجربايه مددت ورجعت ذاكرتي على ذاك اليوم المكروه
......
فلاش باك
محمد: ها ايلول اشو وحدج تمشين
ايلول: الولد حلو قبلي ورجعت وحدي
محمد: ها اخاف تجذبين
ايلول: شبيك محمد شنو اجذب
محمد: اي يجوز جاي تواعدين
ضربته راشدي ورفعت ايدي بوجه
ايلول: محمد الزم حدودك احسن الك
محمد: يصير خير
مشه وعافني واني رجعت للبيت فتت كبل على ماما رحت
ايلول: اشلونج مامييي
امي: زينه انتي شلونج انطوج واجب
ايلول: اي
امي: يلا عجل روحي بدلي وتغدي وكعدي اقري
ايلول: دللي حبيبتي
رحت للغرفه بدلت ومشطت شعري ورحت تغديت
ونمت وكعدت العصر واني جاي اقره اندك باب غرفتي واسمع امي صيح
امي: افتحي الباب ك* س**
كمت فتحت البابا وكبل ضربتني راشدي وسحلتني من شعري اريد افتهم شكو ماكو تولتني ضرب
اميي: يا ص*** يام ماتستحين اتروحين تواعدين ب المدرسه اني اعلمج
ايلول: يمه شبيج شسويت اني
امي: فوكه شسوت يولي اني خليتج تدرسين حتى ترفعين راسي لا انتي رايحه تواعدين
ايلول: يمه رحمه لكعبه منو كلج هاذ الحجي
امي: محمد ابن خالج شايفج انتي واحد بابا المدرسه واجى كالي
ايلول: يمه والله جذاب تعرفيني انتي ماسوي هاذ الشي
ماتسمع مني كبل تولتني ضرب
ايلول: يمه امانه كافي
امي: تكعدين هينه وذا طلعتي حك باب الغرفه اموتج
مشت وعافتني وغفلت الباب عليه كمت على المرايه ادحج وجهي كله ضرب وشعري صاير هوسه
وملابسي نص تشكت كمت بدلت وفتت لحمام
غسلت وجهي واحجي على محمد
الله لا ينطيك يمحمد
محمد يحبني من اني صغيره بس اني ماحبه من الله لا ينطيك ضليت لليل بدون عشه ولا احد اجى دك باب غرفتي كعدت ابجي على حضي ليش بس اني هيج محد يسأل عليه
مددت ونمت كعدت الصبح ادحج الساعه 7:30
كبل طفرت بدلت ومشيت على الباب مات غرفتي
همزين امي فاتحته توي طلعت وصارت بوجهي ماما
دحجت عليه من فوك ليجوه
امي: امشي فوتي على غرفتج يلا
ايلول: يمه امانه خليني اروح والله عندي امتحان
كمت ابجي واتوسله يلا قبلت
امي كلبه حنين كبل تصدك الحجي وهاذ محمد هوه يحجي براسه اني اعلمك مشت على المدرسه ومتحنت ورجعت للبيت
فززني من صفنتي باب الغرفه يندك صحت
ايلول: منوو
قمر: امي دكول يلا خلي تجي عندي حجي وياه
ايلول: تمام هسه اجي
امي من ذاك الوكت متقبل تحجي وياي محمد يوميه يجي يدحس براسه حجي حتى تبطلني من مدرستي
بس الحمدالله عندي اخواني وابوي ماخلوه تبطلني
لان يعرفوني شنو بس امي اخخ يامي متقبل حتى تصدكني رحت على غرفته
ايلول: ها يمه
امي: تعاي عندي حجي سالفه وياج وسدي الباب وياج
سديت الباب واجيت يمه
امي: ابن خالج راح يجي يمشي عليج بعد اسبوع
واذا كالولج موافقه كولي ايي
ايلول: يمه شهل حجي تعرفيني اني ماحب محمد
امي: لازم الى تحبينه توافقين غصبن عنج
ايلول: يمه رحمه للكعبه افتهمي اني ماريده والله اعتبره مثل اخويه
امي: اذا رفضتي لا اني امج ولا اعرفج
ايلول: يمه ليش هيج تسوين بيه
امي: امشي يلا اطلعي وسدي الباب وراج
وفكري زين
طلعت وسديت الباب ودموعي تجري
فتت لغرفتي واحجي ويه نفسي
ليش بس اني هيج امي ماتحبني مثل ماتحب خواتي
خلتهن على كيفهن يفكرن واني دكلي غصبن عنج
نمت واني دمعتي على خدي
كعدت الصبح مالي خلك اروح على المدرسه بس بدلت لان عندي امتحان تريكت ومشيت
والله خلص الاسبوع ومحمد ماجى كلت بكلت بطل
قمر ونجمه اجوي كالو انريد نزفهم لان همه ولد عم
فا يسون عرسهم سوه امي الحمدالله خلصت منه بعد تجيب طاري محمد جدامي لان ملتهيه ويه خواتي ادحج عليه شلون مكيفه بيهن شيصير لو تحبيني مثلهن امي من اني وصغيره مو حيل عليه
صحيح تشاقيني بس مو مثل خواتي اذا يتمرضن تروح تكعد يمهن لصبح واني اتمرض ولا تصلني
بس اخواني يجون يمي الى اطيب يلا يرحون ينامون
تحسرت بداخلي وعفت السالفه اجى يوم الحنه مالت قمر ونجمه هنه اصغر مني بس تزوجن
اهلي عدهم البنيه الي تبطل تريد جيزه
رحت بدلت لبست فستان ضيك شوي لونه اسود
وحليت شعري وشسورته مارحت لصالون كلت اني امكيج نفسي حطيت كحله لعيوني صارن شوي كبار
وحمره لون احمر بدلت وخلصت وطلعت
اشوف أجني قمر ونجمه طالعات حلوات
اني التهيت اوزع ب الشربت والكيك
خلصت الحفله عزلت البيت همزين الحنه صارت يوم اربعاء لان الخميس ماعندي شي كلت اغيب احسن
نمت وكعدت قمر ونجمه رايحات للصالون واني عزلت البيت ورحت حضرت لبستي مات العرس
اسمع امي تصيحني رحت تا اشوف شتريد
ايلول: ها يمه
امي: روحي سوي غده
ايلول: تمام
رحت سويت غده الهم ورحت لغرفتي
صافنه ادحج على المرايه فات محمد وسد الباب
ايلول: خير شتريد
محمد: ليش تستقبليني هيج
ايلول: محمد ترى مالي خلك امشي اطلع بره
كرب عليه وهمس يمه اذني خلاني ارجف وينعاد الماضي عليه
محمد: شنو رئيج اعيدلج الماضي من جنتي اصغيره
وغمز وطلع
كعدت ب الكاع ارجف كمت على الحمام غسلت وجهي ورحت صبيت الهم غده ورحت لبست فستا بي حزام من يم الخصر على لونه ابيض واسود ولبست كعب ويا وحطيت حمره على لون احمر عشقي وحطيت كحله وشعري حليته وكويته ورحت دحجت على نفسي ب المرايه طالعه حلو اكثر شي خصري بارز جسمي سمعت هلاهل كلت اجني رحت طلعت
على الباب وشفت واحد ضل صافن عليه دحجت علي احس شايفته بس مالحكت ادحج علي كبل راح
صاحتني ماما ورحت حتى اشوف شتريد
ايلول: ها يمه
امي: امشي روحي جيبيلي البطانيات تا انطيهن لخواتج
ايلول: تمام
مشيت رحت جبتهن وجيت انطيتهن لامي
وراه اجتي الزفه نجمه وقمر كالن امشي ويانه كتلهن ماروح مالي خلك عاد راحو وضليت بس اني وخواني ب البيت امي راحت نامت والله مشت الايام وامي كل شوي وكالت شو محمد ماجه عليج
تخليني اكره الساعه الي اجيت بيه للدنيا
حسبالك كاعده على كلبه مشيت وعفته رحت الغرفتي مددت على الجربايه وصفنت ليش بس اني هيج امي ماتحبني نوبات احجي بيني وبين نفسي اكول ليش امي ماتحبني مثل خواتي معقوله اكو ام هيج نزلت دمعه من عيني مسحته بسرعه تذكرت الولد الي ضل صافن بيه ليش احس شايفته حاولت اتذكره بس مجاي اتذكر لان هوه بسرعه راح اوففف
غفيت بدون مدري كعدت على حس ماما تكول هلا بيك كمت تاشوف منو هذول رحت على كتله
ايلول: يمه منو هذول الي يريد يجون
عوجت حلكها وكالت بيت ابو محمد
ايلول: ليش يجون
امي: عساس متدرين جاين عليج
ايلول: عليه
امي: ايي عليج يلا امشي بدلي لاتطلعيلي بهاي لبسج
مشت وعافتني بصفنتي مشيت للغرفه وافكر شلون راح اخلص من محمد
أنت تقرأ
وادي الموصل (سَبية)
Adventureوفي الأخير تلاشت اصوات العدالة خلف ضحكات الظلام التي ملأت الافق معلنة عن بداية عصر جديد انا كاتبة مختلفة فلن افعل النهاية التي ستعجبك
