وادي الموصل (سَبية)

part_5_🦅

#وادي_الموصل_(سَبيه)

#بقلمي_ايــه العجيـل

تفاعل+تصويت بين الفقرات +تابعوني انستا✨

اثكل شوية يكلبي
مرة خليهم محطه وانت سافر

مظفر النواب

~~~~~~~~~
زينيه: سديت الاتصال وكمت ابجي مرت الايام واني غرفتي ماطلعها يادوب على الحمام وارجع اركان بدوامه
يجيكم احساس
انو كل حياتك عشتها وحدك رغم كلّ الناس الي يمك وحدك بجيت ؏ُ كل الاشياء الي خذلتك وحدك خفت وحدك انهاريت وحدك نمت بدون ايي كلام ولا حضن يطمنك وحدك جنت شاهد ؏ُ كل معاركك النفسية وحدك جنت لمن كل يوم تفز مرعوب من ماضيك ماكو ايد اتكول اني يمك وحدك واجهت كل فشلك وحدك واجهت كلشيء
وحدك ... ركززز ؏ُ كلمة وحدك فـ ماله داعي تعظم وجود احد او غياب احد انولدت وحدك عشت وحدك وتموت وحدك عامل الناس ؏ُ مبدأ اذا جنت بحياتي ما تزيد واذا رحت ما تنقص.
راويه اجتي عليه بس ماتدري ومن شافتني شهكت وكال شبيج حجيتله السالفه كلها كعدت تنصحني
راويه: لا تسوين هيج بنفسج
جاوبته واني دموعي تنزل
زينيه: بس اني غلطت شكد نصحتيني ماخذ بنصيحتج
جاوبتني بحنيه
راويه: - الغلط .
احيانا لغلط يوصلك للطريق الصح و الناس الغلط تعرف قيمةة الناس الصح والاختيارات الغلط تخليك واعي أكثر من تختار بالمرة الي بعدها و الضربه الي تأذيك حتصحيك و الضعف يخليك أكثر صلابـة وقوة و التشت يخليك تتمسك بنفسك أكثر و الكسر و الشدة و الوحدة الي توكع بيها تخليك تعرف قيمة نفسك احيانا اكثر الاشياء الي ممكن تأذينا هي الاشياء الي تنقذنا والاشياء الي نفدرها نهايتنا تڪون بالحقيقه هي البدايـة
حضنته وابجي وهيه تسولف وياي
زينيه: بس اني خايفه
راويه: اني واياج بهاذ الشي بس
الخوف:
شنو هو الخوف ؟
وليش يعني نخاف ؟
وليش نحس بهذا الشعور ؟
شعور الخوف كل انسان يمر بي ومو بس الانسان حتى الحيوانات ، الخوف شي غير ملموس ، يعني نكدر نحس بي بس ما نكدر نلمسة واحياناً الخوف يكون شي فطري بداخل الانسان ، بطبيعة الانسان لو شكد ما جان قوي راح يمر بالخوف وهواي اشياء يخاف منها مثل الظلام او الخوف من الفقدان او الخوف من حيوان معين او من كلام ، الزبدة من كل هلكلام هذا خلي اعرفلكم الخوف شنو ( الخوف هو حالة ضعف يفقد بيها الانسان السيطرة على قوتة وتوازنه ومشاعرة )
خلي نقسم الخوف الى عده اقسام
- الخوف (من شي موجود) مثلاً الخوف من الحيوانات او حيوان معين مثل القطط او الكلاب

- الخوف (من شي مجهول) يعني الخوف من شي ما موجود اساساً مثل الخوف من الفقدان كل انسان بينا يخاف يفقد شخص يحبة ، وكذلك الخوف من المرتفعات هواي ناس تخاف من الاماكن المرتفعة والسؤال هو ليش نخاف من المرتفعات؟
شوفو هي الفكرة مو بالمكان نفسه لان هو المكان موجود حالة حال اي مكان ثاني ، لكن الشخص من يكون بمكان مرتفع يفكر انو احتمال يطيح ويموت او يطيح وينكسر فـ هنا الخوف اساساً هو مو من المكان نفسة وانما من الموت ، وعدنا كذلك الخوف من الظلام عدنا هواي ناس تخاف من المكان المظلم وهنا الفكرة الاساسية هي مو الخوف من الظلام وأنما الشخص من يفقد البصر بالأشياء الفعلية راح يضل يشوف اشياء خيالية واول فكره تخطر بباله هو وجود الجن بغرفة النوم مثلاً
- الخوف ( النابع من الذات ) بهواي اوقات الشخص يخاف من نفسه ، يخاف ما يطلع بالشكل الي يريدة او يخاف ما يكون بالأمكانية المطلوبة او يخاف ما يوصل الفكرة الي بداخلة ، وهاي الحالة تصير اكثر شي ويا الناس الي عندهم رهاب اجتماعي لما يأدون اول تجربة يكون عندهم خوف مو طبيعي ، وكذلك الطلاب وهاي كلنا مارين بيها من يكون عنده امتحان صعب وندرس بكل طاقتنا ونعرف نفسنا متمكنين من المادة بس نبقة قلقين من الاسئلة نخاف تجي صعبة وما نجاوب وهذا كله سببه هو الخوف النابع من ذاتنا الخوف يخلي الشخص يفقد كل مواهبة وسيطرتة ويكون انسان ضعيف
شنو الي نحتاجة لحتى نتخلص من الخوف بشكل نهائي ؟
اكو قاعدة امشي عليها اني ( الشي الي تخاف منه أبدي بي ) يعني الشي الي تخاف منه واجهة اذا تبقة تتهرب من المواجهة راح تبقة خايف ، اعتبرها معركة بينك وبين مخاوفك وخلي ببالك انت الي راح تنتصر بهاي المعركة ، يعني اذا كعدت بـ مكان مظلم لا تتهرب اوكف وواجه خوفك لا تستسلم سيطر ع عقلك واقرة اذكار لحد ما تهدأ ويروح منك شعور الخوف ، التجارب تقتل المخاوف ، يعني الفكرة كلش بسيطة بمجرد ما تقنع عقلك وتقنع نفسك راح تبطل تخاف..
راويه: يلا هسه كومي محد بستاهل تبجين علي وعديني ترجعين للمدرسه
زينيه: بس اني ضروفي غير هسه اذا احد عرف يضلون يعيروني
لا غير وحده الى تجيبني براشدي بس هيه لا جاوبتني بحنيه
راويه: كلـنا مارين بظروف : اكو ظروف تكتل روح الشخص واكو ظروف مؤقته واكو ظروف تحسـوها مراح تخلص بس صدكيني كل شيء مؤقت بهالدنيا .. خلينه نحجـي عن الدراسه اغلـب الطلاب او كلـهم يواجهون ظروف وضغوطات بوقت الدراسه ويحسون بملل واكو اشخاص يحطمونهم بالكـلام مثلآ : انت مراح توصل لتحاول انت حتى لو تكمل دراسه مراح يتحـقق حلمهم بهالبلد هيج نوع من المحطمـين ترسو الدنيا ; هيج نماذج لان ما وصلو للوصلـتله انت همه دا يحطـموك لان همه فشلو بالي دا توصله انت بسـبب شنو فشلو بسبب غبائهم بسبب نظرتهم للدنيا والسبب الرئيسي الي خلاهم ميوصلون هوا ظعفهم واستسلامهم للظروف صدكيني كلنا نمر بظروف صعبه ونمر بنفسيه صعبه بس هذا كله مؤقـت الظروف والنفسيه السيئة لازم تبقى قوي وما تستسلم. اكو حلم براسـك ؟ حققه لا تستسلم عمره الي ستسلم خسران وكلنه نعرف هالشي ، كمل دراسـتك ركز بدراسـتك عوف كلشي حـولك وركز بدراسـتك ومن توصلين وتحققين حلمج راح تذكـريني وتذكرين كل الكـلته ; تخيلي وياي انتي محققه حلـمج وصايره يالي تريدينه ومرتـاحه ومستانسه ومتغيره حياتـج بسبب حلمـج الي تعبتي حتى وصلتـيله بالج ويابالج تستـسلمين لظروف الحياة اني متأكد انتي راح توصلين وتحـققن الي تريدينه ' مادام متستـسلمه فاراح توصل " معليج بالي يكلج انت متوصل انت مبـيك فايده انت هيج وانت هيج وللاسـف اغلب الاهل همه الي يحطـمون اولادهم استسـلم الكلشي ولا تستسلم لحلـمك ، اني جان ببالي حلم وحققته الحمـدالله ، بعد تعب وسهر وظروف وتحطيم من هواي ناس بس حققـته بالاراده القويه "
وهسه يلا انطيني عذر
زينيه: راويه والله مجاييي والله اذا عرفو يضلون يعيروني وتعرفين انيي حساسه
وكمت ابجي حضنتي وتسولف ويايي
راويه:كل شخص يوجـعه سن من اسنانه : ومن كد ميوجعـك حتى نوم متكدر تنام وبس تريد تقلـعه ومن تقلـعه ترتاح وتنام بسعاده وبـدون ألم بس تجيك ايام لسـانك وحده يروح على مـكان السن الي قلعته لا ارادي يروح لان راح جزء مـنك راح تضل تتلمـس مكانه وتكول جان ضروري اقلـعه لان جان يوجعني ويأذيني حيل ومكدرت تتحمل المـه وقلعته ويرادلك سنـين حتى تكدر تتعود ع الشي الي راح منك هـيج هيه حياتنه بعض الاشخـص يجبرونـك انو تتركهم بسبب الوجع الناتج من تصرفاتـهم واطباعهم لازم تتركـهم لان اذا متركتهم ما راح يتوقـفون عن أذيتك لازم تتخلص منهم علمود راحت بالك وراحت كلبك صح مراح تكدر تنسـاهم وراح تتأذه بغيـابهم بس راح تتعـود وترتاح لان خلصت من اشخاص مجانو يخلوك تنام براحه ، مجانو يخلوك تنام بدون تفكير بيهم مجانو يخلوك تضحك هواي بس اكيد من تخليت عنهم تأذيـت بغيـابهم بس رتاح بالك وكـلبك وصـرت احسن من قبل وتغيرت للافـضل لكل شخص عنده انسان يأذي اذا تريد راحة بالك وتريد سعادتك وتفكـيرك الحلو ونومك الحلو يرجعـون اتخلى عن الي يأذيك شما جنت تحبه لخـاطر نفسـك ولخاطر الي يحبـونك مثل امـك وابـوك ، اختك ، واخـوك ، والخ .. وميحـبون يأذونك الدنيا متوكف اذا تركـت شـخص يأذيـك ،
يلا حبي لخاطر اركان وامج شفتي حالهم اذا شافوج سعيده راح يفرحون
زينيه: بس اني مو سعيده
والله راويه لو بدالها جا جبت نفسي راشدي ههه
راويه: السعـادة ،
السعادة متجينه احنى الي نصنعها زين شلون نصنـعها ؟ نصنعها بتحفيز انفسنا للافضل السـعاده حتى لو تجي تفكيرنا السلبي راح يطردها نكدر نسحـبها من أي مكان بتفـكيرنا الايجابي للحياة صح الانسـان يواجه مصاعب بحياته بس هاي هيه الدنيا لازم نتقـبل أي مشاكل وضروف تصير بيـنا ملازم نخليها تأثر على نفسـيتنا وتفكيرنا لازم نتحـكم بمشـاعرنه وسعادتنا لا تخلي المـشاعر تتحكم بيك لا تخلي الافكار السلـبيه تتحكم بيك انت تحكم بتفكيرك تحكم بعقـلك لتكلي ماكدر ؟ لتكلي الانسـان ميكدر يتحـكم بكل الذكرته اني دا اتحـكم بسعادتي وتفكـيري ؟ الشي الي يضرني ابتعد عنه الشي الي يحـزني ابتعد عنه شما جانت المصاعب اتخـطاها احنى نخلقنه حتى نرضي الخالق وليس الخلق ؟ اذا اكو اشخاص بحيـاتك يحزنونك ابتعد عنهم شما جنت تحبـهم ماكو شخص يحبك يحزنك ؟ ليش تتحـمل على شنو تتحمل شخص يحزنك وليش تتحـمل الحزن الي منه ترا من تبـتعد عنه مراح تموت ؟ لتنسى جنت عايش قبل ليدخل لحياتك